Odisha Janamata : ବାଇକ ବୋଝେଇ କେଣ୍ଟେନର ରେ ନିଆଁଲାଗି ସବୁ ପୋଡ଼ିଗଲା ||

ବାଇକ ବୋଝେଇ କେଣ୍ଟେନର ରେ ନିଆଁଲାଗି ସବୁ ପୋଡ଼ିଗଲା ||

04-Aug-2026

ଆନ୍ଧ୍ର–ଓଡ଼ିଶା ସୀମାରେ
ବାଇକ୍ ବୋଝେଇ କଣ୍ଟେନରରେ ଲାଗିଲା ନିଆଁ

(ଅଳ୍ପକେ ବର୍ତ୍ତିଲେ ଡ୍ରାଇଭର ଓ ହେଲପର |

ଓଡିଶା ଜନ ମତ ବ୍ୟୁରୋ,

ଯେକୌଣସି ସ୍ଥାନରେ ଅଗ୍ନିକାଣ୍ଡ ଘଟିଲେ ନିମିଷକ ମଧ୍ୟରେ ସବୁକିଛି ପୋଡି ଜାଳି ନଷ୍ଟ ହୋଇଯାଏ | ଏପରି ଏକ ଘଟଣା ଘଟିଛି ଗଞ୍ଜାମ ଜିଲ୍ଲାର ଚିକିଟି ବ୍ଲକ ଅନ୍ତର୍ଗତ ଆର. ସୁୱାଣୀ ସ୍ଥିତ ନୟରା ପେଟ୍ରୋଲ ପମ୍ପ ନିକଟରେ | ଗତ କାଲି ରାତିରେ ଏକ ଭୟାବହ ଅଗ୍ନିକାଣ୍ଡ ଘଟିଛି। ମହାରାଷ୍ଟ୍ରରୁ ଓଡ଼ିଶା ଅଭିମୁଖେ ବାଇକ୍ ବୋଝେଇ ଆସୁଥିବା ଏକ କଣ୍ଟେନରର ଚାଳକ କ୍ୟାବିନରେ ହଠାତ୍ ନିଆଁ ଲାଗିଯାଇଥିଲା।
ନିଆଁ ଲାଗିବା ମାତ୍ରେ ଚାଳକ ଓ ସହଚାଳକ ତତ୍କ୍ଷଣାତ୍ କଣ୍ଟେନରରୁ ବାହାରକୁ ଡେଇଁ ପଡ଼ି ନିଜ ପ୍ରାଣ ରକ୍ଷା କରିଥିଲେ। ତେବେ କିଛି ମୁହୂର୍ତ୍ତ ମଧ୍ୟରେ ନିଆଁ ଭୟଙ୍କର ରୂପ ଧାରଣ କରି ସମଗ୍ର କଣ୍ଟେନରକୁ ବ୍ୟାପିଯାଇଥିଲା। ପେଟ୍ରୋଲ ପମ୍ପ ନିକଟରେ ଘଟଣା ଘଟିଥିବାରୁ ସେଠାରେ ଆତଙ୍କର ପରିବେଶ ସୃଷ୍ଟି ହୋଇଥିଲା। ବିପଦର ଆଶଙ୍କା କରି ପେଟ୍ରୋଲ ପମ୍ପ କର୍ମଚାରୀ ଓ ସ୍ଥାନୀୟ ଲୋକେ ସୁରକ୍ଷିତ ସ୍ଥାନକୁ ଚାଲି ଯାଇଥିଲେ।ଖବର ପାଇ ଅଗ୍ନିଶମ ବାହିନୀ ତୁରନ୍ତ ଘଟଣାସ୍ଥଳରେ ପହଞ୍ଚି ଦୀର୍ଘ ସମୟ ଧରି ଉଦ୍ୟମ ଚଳାଇ ନିଆଁକୁ ଆୟତ୍ତ କରିଥିଲେ। ତେବେ ସେତେବେଳକୁ କଣ୍ଟେନରଟି ସମ୍ପୂର୍ଣ୍ଣ ଜଳିପୋଡ଼ି ନଷ୍ଟ ହୋଇଯାଇଥିଲା।ସୌଭାଗ୍ୟବଶତଃ ଏହି ଅଗ୍ନିକାଣ୍ଡରେ କୌଣସି ପ୍ରାଣହାନି ଘଟିନଥିବା ବେଳେ ଚାଳକ ଓ ସହଚାଳକ ଅଳ୍ପକେ ବର୍ତ୍ତିଯାଇଛନ୍ତି। ତେବେ ଘଟଣାକୁ କେନ୍ଦ୍ର କରି କିଛି ସମୟ ପାଇଁ ସମଗ୍ର ଅଞ୍ଚଳରେ ଉତ୍ତେଜନାପୂର୍ଣ୍ଣ ପରିସ୍ଥିତି ଦେଖାଦେଇଥିଲା। ଅଗ୍ନିକାଣ୍ଡର ପ୍ରକୃତ କାରଣ ଜାଣିବା ପାଇଁ ସମ୍ପୃକ୍ତ ବିଭାଗ ପକ୍ଷରୁ ତଦନ୍ତ ଆରମ୍ଭ କରାଯାଇଛି। ଏବଂ କେଉଁ କାରଣରୁ ନିଆଁ ଲାଗିଲା ତା ଉପରେ ତଦନ୍ତ ଚାଲିଛି!|