Odisha Janamata : ଖଲ୍ଲିକୋଟ ମାଗଣା 300 ୟୁନିଟ ବିଜୁଳି ଯୋଗେଇବା ପ୍ରତିଶୃତି କୁଆଡେ ଗଲା ବୋଲି ସିପି ଆଇ ର ବିକ୍ଷୋଭ |

ଖଲ୍ଲିକୋଟ ମାଗଣା 300 ୟୁନିଟ ବିଜୁଳି ଯୋଗେଇବା ପ୍ରତିଶୃତି କୁଆଡେ ଗଲା ବୋଲି ସିପି ଆଇ ର ବିକ୍ଷୋଭ |

03-Apr-2025

ମାସକୁ 300 ୟୁନିଟ ବିଜୁଳି ମାଗଣା ଯୋଗାଇବା ଦାବି ନେଇ ସି.ପି. ଆଇ ର ବିକ୍ଷୋଭ | ଓଡିଶା ଜନମତ, ମାଧବ ବେହେରା, ଖଲ୍ଲିକୋଟ
---------------------------------------------------------------
ଖଲ୍ଲିକୋଟ 03 / .04 ନିର୍ବାଚନ ପ୍ରତିଶୃତି ମୁତାବକ ମାସିକ 300 ୟୁନିଟ ମାଗଣା ଯୋଗାଇଦେବା, ହିତାଧିକାରୀଙ୍କୁ ଚଞ୍ଚକତା ପୂର୍ଣ୍ଣ ଶୋଷଣ ପାଇଁ ପ୍ରାୟୋଜିତ ସ୍ମାର୍ଟ ମିଟର ସଂଯୋଗ ବନ୍ଦ କରିବା, ଓଡ଼ିଆ ଭାଷା ରେ ବିଦ୍ୟୁତ ବିଲ ପ୍ରଦାନ କରିବା, କୃଷି ଏବଂ ଅ|ନୁସଙ୍ଗିକ କ୍ଷେତ୍ରକୁ ମାଗଣା ରେ ବିଦ୍ୟୁତ ଯୋଗାଇଦେବା, OERC ଓ TATA କମ୍ପାନୀ ର ଶୋଷଣ ଏବଂ ଜୁଲୁମ ବନ୍ଦ କରିବା, ବିଦ୍ୟୁତ ଘରୋଇ କରଣ କୁ ବାତିଲ କରି ପୁନଃ ବିଦ୍ୟୁତ ବୋର୍ଡ ଗଠନ କରିବା, ଚଳିତ ପ୍ରଚଣ୍ଡ ରୁଦ୍ର ତାପ ଯୋଗୁଁ ସମସ୍ୟା ବଶତଃ ବିଲ ପୈଠ ନ କରିଥିଲେ ମଧ୍ୟ ହିତାଧିକାରୀଙ୍କ ବିଦ୍ୟୁତ ସଂଯୋଗ ବିଛିନ୍ନ ନ କରିବା ଆଦି ଦାବି ନେଇ ଭାରତୀୟ କମ୍ୟୁନିଷ୍ଟ ପାର୍ଟି ଆଞ୍ଚଳିକ ପରିଷଦ ନେତୃତ୍ୱ ରେ ଶତାଧିକ କର୍ମୀ ବାଲୁକେଶ୍ୱର ମନ୍ଦିର ଠାରୁ ପଟୁଆର ବାହାର କରି ଖଲ୍ଲିକୋଟ ସ୍ଥିତ ବିଦ୍ୟୁତ କାର୍ଯ୍ୟାଳୟ ରେ ପହଂଚି ବିଭାଗୀୟ S. D. O. ଙ୍କୁ ଦାବି ପତ୍ର ପ୍ରଦାନ କରାଯାଇ ଅଛି | ଉକ୍ତ କାର୍ଯ୍ୟକ୍ରମ ରେ ସାଥି ରଘୁନାଥ ଗୌଡ଼, କନ୍ଧ ପ୍ରଧାନ, ସିମାଞ୍ଚଳ ବେହେରା, ଜୟରାମ ଦାଶ, ମନୋଜ ଗୌଡ଼, ଏମ. ତ୍ରିନାଥ ପାତ୍ର, ସୂର୍ଯ୍ୟ ପାତ୍ର, ସୁକୃ ପ୍ରଧାନ, ସନ୍ତୋଷ ଦଳେଇ ପ୍ରମୁଖ ନେତୃତ୍ୱ ନେଇ ଆଲୋଚନା ରେ ଅଂଶ ଗ୍ରହଣ କରିଥିଲେ |