Odisha Janamata : ବ୍ରହ୍ମପୁର ସାଂସଦ ଙ୍କ ଅଭିଯୋଗ ପରେ ଗେଟ ବଜାର ଫ୍ଲାଇ ଓଭର କାମର ହେବ ଯାଞ୍ଚ |

ବ୍ରହ୍ମପୁର ସାଂସଦ ଙ୍କ ଅଭିଯୋଗ ପରେ ଗେଟ ବଜାର ଫ୍ଲାଇ ଓଭର କାମର ହେବ ଯାଞ୍ଚ |

25-Sep-2026

ବ୍ରହ୍ମପୁର ଗେଟ୍‌ବଜାର ଫ୍ଲାଏଓଭରର ହେବ ସ୍ୱତନ୍ତ୍ର ଯାଞ୍ଚ |

ଓଡିଶା ଜନ ମତ ବ୍ୟୁରୋ,

ବ୍ରହ୍ମପୁର ସାଂସଦ ଡ. ପ୍ରଦୀପ କୁମାର ପାଣିଗ୍ରାହୀ ଗେଟ୍‌ବଜାର ଫ୍ଲାଏଓଭରର ନିର୍ମାଣ ଗୁଣବତ୍ତା ଓ ଷ୍ଟ୍ରକ୍‌ଚରାଲ୍‌ ସୁରକ୍ଷାକୁ ନେଇ ଅଭିଯୋଗ ଉଠାଇଥିଲେ। ଏହାପରେ ପୂର୍ତ୍ତ ବିଭାଗ ଏହି ଅଭିଯୋଗକୁ ଗୁରୁତ୍ୱର ସହ ନେଇ ଫ୍ଲାଏଓଭରର ସ୍ୱତନ୍ତ୍ର ଯାଞ୍ଚ ପାଇଁ ପଦକ୍ଷେପ ନେଇଛି
ବ୍ରହ୍ମପୁର ଗେଟ୍‌ବଜାର ଫ୍ଲାଏଓଭର ନିର୍ମାଣର ଗୁଣବତ୍ତା ଓ ସୁରକ୍ଷାକୁ ନେଇ ଉଠିଥିବା ଅଭିଯୋଗକୁ ଗୁରୁତ୍ୱର ସହ ନେଇଛି ପୂର୍ତ୍ତ ବିଭାଗ । ଫ୍ଲାଏଓଭରର ନିର୍ମାଣକୁ ନେଇ ସ୍ୱତନ୍ତ୍ର ଟେକ୍ନିକାଲ ଯାଞ୍ଚ କରିବାକୁ ବିଭାଗ ପକ୍ଷରୁ ନିର୍ଦ୍ଦେଶ ଦିଆଯାଇଛି। ଏଥିପାଇଁ କ୍ୱାଲିଟି କଣ୍ଟ୍ରୋଲ୍‌ ଟିମ୍‌ ମଇଦାନକୁ ଯାଇ ଫ୍ଲାଏଓଭରର ନିର୍ମାଣ ସମ୍ପର୍କିତ ବିଭିନ୍ନ ଦିଗ ଯାଞ୍ଚ କରିବ ।
ବ୍ରହ୍ମପୁର ସାଂସଦ ଡ. ପ୍ରଦୀପ କୁମାର ପାଣିଗ୍ରାହୀ ଗେଟ୍‌ବଜାର ଫ୍ଲାଏଓଭରର ନିର୍ମାଣ ଗୁଣବତ୍ତା ଓ ଷ୍ଟ୍ରକ୍‌ଚରାଲ୍‌ ସୁରକ୍ଷାକୁ ନେଇ ଅଭିଯୋଗ ଉଠାଇଥିଲେ। ଏହାପରେ ପୂର୍ତ୍ତ ବିଭାଗ ଏହି ଅଭିଯୋଗକୁ ଗୁରୁତ୍ୱର ସହ ନେଇ ଫ୍ଲାଏଓଭରର ସ୍ୱତନ୍ତ୍ର ଯାଞ୍ଚ ପାଇଁ ପଦକ୍ଷେପ ନେଇଛି। ଯାଞ୍ଚ ସମୟରେ ଫ୍ଲାଏଓଭର ନିର୍ମାଣରେ ବ୍ୟବହୃତ ସାମଗ୍ରୀର ମାନ, ନିର୍ମାଣର ବିଭିନ୍ନ ପ୍ରାଯୁକ୍ତିକ ଦିଗ ଏବଂ ଷ୍ଟ୍ରକ୍‌ଚରାଲ୍‌ ସୁରକ୍ଷା ସମ୍ପର୍କରେ ଯାଞ୍ଚ କରାଯିବ। ନିର୍ମାଣ କାର୍ଯ୍ୟ ନିର୍ଦ୍ଧାରିତ ମାନଦଣ୍ଡ ଓ ବୈଷୟିକ ନିୟମ ଅନୁଯାୟୀ ହୋଇଛି କି ନାହିଁ, ତାହା ମଧ୍ୟ ଟିମ୍‌ ଯାଞ୍ଚ କରିବ ।
ଏହି ସ୍ୱତନ୍ତ୍ର ଟେକ୍ନିକାଲ ଅଡିଟ୍‌ ପରେ ବିଭାଗ ପକ୍ଷରୁ ଏକ ବିସ୍ତୃତ ରିପୋର୍ଟ ପ୍ରସ୍ତୁତ କରାଯିବ। ରିପୋର୍ଟରେ ଫ୍ଲାଏଓଭରର ନିର୍ମାଣ ଗୁଣବତ୍ତା, ବ୍ୟବହୃତ ସାମଗ୍ରୀ ଓ ଷ୍ଟ୍ରକ୍‌ଚରାଲ୍‌ ସୁରକ୍ଷା ସମ୍ପର୍କିତ ତଥ୍ୟ ରହିବ । ଗେଟ୍‌ବଜାର ଅଞ୍ଚଳ ବ୍ରହ୍ମପୁର ସହରର ଏକ ଗୁରୁତ୍ୱପୂର୍ଣ୍ଣ ଯାତାୟାତ କେନ୍ଦ୍ର ହୋଇଥିବାରୁ ଫ୍ଲାଏଓଭରର ସୁରକ୍ଷା ଓ ନିର୍ମାଣ ମାନକୁ ନେଇ ଯାଞ୍ଚ ରିପୋର୍ଟ ଉପରେ ଏବେ ସମସ୍ତଙ୍କ ନଜର ରହିଛି ।