Odisha Janamata : ଖଲ୍ଲିକୋଟ ରାଣୀମା ଙ୍କ ପ୍ରଥମ ଶ୍ରାଦ୍ଧ ବାର୍ଷିକ ଉତ୍ସବ ଅନୁଷ୍ଠିତ |

ଖଲ୍ଲିକୋଟ ରାଣୀମା ଙ୍କ ପ୍ରଥମ ଶ୍ରାଦ୍ଧ ବାର୍ଷିକ ଉତ୍ସବ ଅନୁଷ୍ଠିତ |

10-Feb-2025

ପ୍ରଥମ ଶ୍ରାଦ୍ଧ ବାର୍ଷିକୀ ରେ ବରିଷ୍ଟ ନେତା ମାନଙ୍କ ଶ୍ରଦ୍ଧାଞ୍ଜଳି
ଖଲ୍ଲିକୋଟ ରାଣୀ ଗଞ୍ଜାମ ଜିଲ୍ଲା ର ବାଘୁଣୀ ଓ ଓଡିଶା ର ଅପରାଜୟ ନେତ୍ରୀ ଥିଲେ |
*******************************
, ଓଡିଶା ଜନମତ, ଖଲ୍ଲିକୋଟ, ମାଧବ ବେହେରା, 10/2:

ଖଲ୍ଲିକୋଟ, ମର୍ଦରାଜ ପରିବାର ର ରାଣୀ ସହେବା ତଥା ଖଲ୍ଲିକୋଟ , କବିସୂର୍ଯ୍ୟନଗର ନିର୍ବାଚନ ମଣ୍ଡଳୀ ର ଦଶ ଶ ଥରର ବିଧାୟିକା ସ୍ବର୍ଗତା ଶ୍ରୀମତୀ ଭି. ସୁଜ୍ଞାନ କୁମାରୀ ଦେଓ ଙ୍କ ପ୍ରଥମ ଶ୍ରାଦ୍ଧ ବାର୍ଷିକୀ ଉପଲକ୍ଷେ ଆୟୋଜିତ ଶ୍ରଦ୍ଧାଞ୍ଜଳି ସଭା ତାଙ୍କ ନିର୍ମଳ ଝର ସ୍ଥିତ ବାସଭବନ ପରିସର ରେ ଅନୁଷ୍ଠିତ ହୋଇ ଯାଇଛି | ଶ୍ରୀ ସାକେଟ ରାମରାଓ ଙ୍କ ଦ୍ୱାରା ଆୟୋଜିତ ପ୍ରଥମ ଶ୍ରାଦ୍ଧ ବାର୍ଷିକୀ ଶ୍ରଦ୍ଧାଞ୍ଜଳି ସଭା ରେ ଗଞ୍ଜାମ ଜିଲ୍ଲା ବିଜେଡି ସଭାପତି ଡାକ୍ତର ରମେଶ ଚ୍ୟାଉ ପଟ୍ଟନାୟକ, ପୂର୍ବତନ ବାଚସ୍ପତି ଓ ମନ୍ତ୍ରୀ ବିକ୍ରମ କେଶରୀ ଆରୁଖ, ଖଲ୍ଲିକୋଟ ବିଧାୟକ ପୂର୍ଣ୍ଣ ଚନ୍ଦ୍ର ସେଠୀ ପୂର୍ବତନ ମନ୍ତ୍ରୀ ପ୍ରଫୁଲ୍ଲ ସାମଲ, ସ୍ନେହାଙ୍ଗିନୀ ଛୁରିଆ, ଟୁକୁନି ସାହୁ ପୂର୍ବତନ କେନ୍ଦ୍ର ମନ୍ତ୍ରୀ ଓ ସାଂସଦ ଚନ୍ଦ୍ର ଶେଖର ସାହୁ, ପୂର୍ବତନ ମନ୍ତ୍ରୀ ସଞ୍ଜୟ ଦାସ ବର୍ମା, ପୂର୍ବତନ ବିଧାୟକ ନାରାୟଣ ରେଡି, ସୁବାଷ ବେହେରା, ଶ୍ରୀକାନ୍ତ ସାହୁ ବିକ୍ରମ ପଣ୍ଡା ଓ ସୂର୍ଯ୍ୟମଣି ବୈଦ୍ୟ, ବ୍ରହ୍ମପୁର ବିଜେଡି ସାଂସଦ ପାର୍ଥି ଭୃଗୁ ବକ୍ସି ପାତ୍ର ଓ ଆସିକା ସାଂସଦ ପାର୍ଥି ଡ଼ଃ. ରଂଜିତା ସାହୁ, ସୁବାଷ ମହାରଣା ଓ ଜିଲ୍ଲା ପରିଷଦ ସଭାପତି ଅଞ୍ଜଳି ସାହୁ ପ୍ରଫେସର ରମା ରମଣ ପାଡ଼ି ପୂର୍ବତନ ବିଧାୟିକା ନନ୍ଦିନୀ ଦେବୀ ପ୍ରମୁଖ ଭାଷଣ ଦେଇ ସୁଜ୍ଞାନ ଦେବୀ ଙ୍କୁ ଗଞ୍ଜାମ ବାଘୁଣୀ ଓଡିଶା ବିଧାନସଭା ର ଜଣେ ଅପରାଜୟ ନେତ୍ରୀ ଭାବେ ସୁଖ୍ୟାତି ଅର୍ଜନକରିବା ସହ ଦୀର୍ଘ ଦିନ ଧରି ଜନ ମାନସ ରେ ରହିବେ ବୋଲି ପ୍ରକାଶ କରିଥିଲେ | ବହୁ ସୁଜ୍ଞାନ ପ୍ରେମୀ ଶ୍ରଦ୍ଧାଳୁ, ଶୁଭେଛୁ ଖଲ୍ଲିକୋଟ ଓ ବେଗୁନିଆପଡା, କୋଦଳା ଓ କବିସୂର୍ଯ୍ୟନଗର ଓ ଗଞ୍ଜାମ ଜିଲ୍ଲା ବହୁ ନେତା କର୍ମୀ ଓ ଅବସର ପ୍ରାପ୍ତ ପଦାଧିକାରୀ ପ୍ରମୁଖ ଯୋଗ ଦେଇ ଶ୍ରଦ୍ଧା ସୁମନ ଅର୍ପଣ କରିଥିଲେ | ଶ୍ରଦ୍ଧାଞ୍ଜଳି ସଭା ରେ ମହେଶ୍ୱର ବରାଡ଼ ସଂଯୋଜନା କରିଥିବା ବେଳେ ଖଲ୍ଲିକୋଟ ଏନ ଏ ସି ଅଧକ୍ଷ ଇଂ ନିରଞ୍ଜନ ବେହେରା, ଆଇନଜୀବୀ ସୁଧାଂଶୁ ଶେଖର ସାହୁ, ନାରାୟଣ ପାଢ଼ୀ ଖଲ୍ଲିକୋଟ ଅଞ୍ଚଳ ର ବହୁ ଆଗ ଧାଡିର ନେତା କର୍ମୀ ମାନେ ଯୋଗ ଦେଇ ଶ୍ରଦ୍ଧାଞ୍ଜଳି ସଭା କୁ ପରିଚାଳନା କରିଥିଲେ |ତେବେ ସ୍ବର୍ଗତ ଲୋକପ୍ରିୟ ନେତ୍ରୀ ଙ୍କ ସ୍ମୃତି ରକ୍ଷା ପାଇଁ ଏକ ଅନୁଷ୍ଠାନ ସ୍ଥାପନ ପାଇଁ ବୁଦ୍ଧିଜୀବୀ ମହଲ ରେ ଆଲୋଚନା ହୋଇଥିଲା |ତେବେ ଏହି ଶ୍ରଦ୍ଧାଞ୍ଜଳି ସଭା ରେ ଓଡିଶା ର ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କ ଏକ ବାର୍ତା କୁ ପଠନ କରାଯାଇ ଥିଲା |ନବୀନ ତାଙ୍କ ବାର୍ତା ରେ ସୁଜ୍ଞାନ ଦେବୀ ଜଣେ ସ୍ପଷ୍ଟବାଡ଼ିତା,ସାଧୁତା ଓ ପ୍ରତିବାଦ୍ଧତା ଓ ଲୋକପ୍ରିୟତା ର ମନ୍ତ୍ର ଥିଲା ବୋଲି ପ୍ରକାଶ କରିଥିଲେ |ଶେଷରେ ବରିଷ୍ଟ ଆଇନଜୀବୀ ବିପ୍ର ଚାରଣ ସାହୁ ଧନ୍ୟବାଦ ଅର୍ପଣ କରିଥିଲେ |