Odisha Janamata : ପରିବେଶ ସୁରକ୍ଷା ସଚେତନତା ନେଇ ଭାରତ ଭ୍ରମଣ ରେ ପୋଡିମୋଲ କାଞ୍ଜି |

ପରିବେଶ ସୁରକ୍ଷା ସଚେତନତା ନେଇ ଭାରତ ଭ୍ରମଣ ରେ ପୋଡିମୋଲ କାଞ୍ଜି |

30-Jan-2025

ପରିବେଶ ସୁରକ୍ଷା ସଚେତନତା ନେଇ ଭାରତ ଭ୍ରମଣରେ ପୋଡିମୋଲ କାଞ୍ଜି
----------------------------------------
ଓଡିଶା ଜନମତ, ଗଞ୍ଜାମ, ବଟ କୃଷ୍ଣ ରାଉଳ, 30,1;

ଜଙ୍ଗଲ ନଷ୍ଟ କରାଯାଇ କଳ କାରଖାନା,ଗୃହ ନିର୍ମାଣ ଯୋଗୁଁ କଂକ୍ରିଟ ଜଙ୍ଗଲ ସୃଷ୍ଟି ହେଉଛି l ଏପରିକି ବିଭିନ୍ନ କାରଣ ଯୋଗୁଁ ପରିବେଶ ବିଗିଡିବାରେ ଲାଗିଛି l
ବର୍ଷକୁ ବର୍ଷ ଗ୍ରୀଷ୍ମ ବୃଦ୍ଧି ପାଇବାରେ ଲାଗିଛି l ସମ୍ପ୍ରତି ବୃକ୍ଷ ରୋପଣର ଆବଶ୍ଵକତା ରହିଛି l ଯାହାକୁ ନେଇ ପରିବେଶ ସୁରକ୍ଷାର ସଚେତନତା ବାର୍ତ୍ତା ନେଇ ପଶ୍ଚିମବଙ୍ଗର କଲିକତା ମହାନଗର ରୁ ଗତ ଜାନୁଆରୀ 15 ତାରିଖରୁ 56 ବର୍ଷୀୟ ପୋଡିମୋଲ କାଞ୍ଜି ଭାରତ ଭ୍ରମଣରେ ବାହାରିଛନ୍ତି ସେ |
ପଶ୍ଚିମବଙ୍ଗ ଅତିକ୍ରମ କରି ଓଡିଶାରେ ଶ୍ରୀକ୍ଷେତ୍ରରେ ଚତୁର୍ଦ୍ଧାମୂର୍ତ୍ତୀ ଙ୍କୁ ଦର୍ଶନ କରି ଗଞ୍ଜାମ ସହର ଅତିକ୍ରମ କରିଛନ୍ତି l ଏହି ଅବସରରେ ଗଞ୍ଜାମ ଜାତୀୟ ରାଜପଥ ରେ ଓଡିଶା ସମ୍ବାଦିକ ସଙ୍ଘର ଗଞ୍ଜାମ ଜିଲ୍ଲା କାର୍ଯ୍ୟକାରୀ ସଭାପତି ଉମାକାନ୍ତ ବେହେରା ତାଙ୍କୁ ଭେଟି ତାଙ୍କ ଯାତ୍ରା ସଫଳ କାମନା କରିବା ସବୁଜ ସୁନ୍ଦର ପରିବେଶ ପାଇଁ ବୃକ୍ଷ ରୋପଣ ସଚେତନତା ବାର୍ତ୍ତା ନେଇ ତାଙ୍କର ଭାରତ ଭ୍ରମଣ ଯାତ୍ରା ରହିଥିବାରୁ ତାଙ୍କୁ ଉଚ୍ଚ ପ୍ରଶଂସା କରିଛନ୍ତି l
ପୋଡିମୋଲ କାଞ୍ଜି ଏକ ସାଇକେଲ ରେ ପଛ ପାର୍ଶ୍ଵ ରେ ଏକ ବାକ୍ସ ସଂଯୋଗ କରି ଯାତ୍ରା କରୁଛନ୍ତି l ଏହା ପୂର୍ବରୁ ସେ ତିନି ଥର ଭାରତ ଭ୍ରମଣ ରେ ଯାଇଥିବା ବେଳେ ଚଳିତ ଯାତ୍ରା ଚତୁର୍ଥ ଥର ବୋଲି ସେ ପ୍ରକାଶ କରିଛନ୍ତି l ଓଡିଶା ପରେ ସେ ଆନ୍ଧ୍ର ପ୍ରଦେଶ, ତେଲେଙ୍ଗାନା, ତାମିଲନାଡୁ, କେରଳ ଓ କର୍ଣ୍ଣାଟକ ପରେ ପୁଣି କଲିକତା ଫେରିବାର କାର୍ଯ୍ୟକ୍ରମ ରହିଥିବା ଜଣା ପଡିଛି l