Odisha Janamata : ଘର କାମ କରୁଥିଲା ବେଳେ କାନ୍ଥ ପଡି ଯିବାରୁ ମିସ୍ତ୍ରୀ ର ମୃତ୍ୟୁ |

ଘର କାମ କରୁଥିଲା ବେଳେ କାନ୍ଥ ପଡି ଯିବାରୁ ମିସ୍ତ୍ରୀ ର ମୃତ୍ୟୁ |

31-Jan-2025

ଘରର କାନ୍ଥ କାମ କରୁଥିବା ବେଳେ କାନ୍ଥ ଭାଙ୍ଗି ଉପରେ ପଡ଼ିବାରୁ ମିସ୍ତ୍ରୀର ମୃତ୍ୟୁ,

ଓଡିଶା ଜନମତ ବ୍ୟୁରୋ,

ବନ୍ଧୁଗାଁ ତା ୩୧/୧/୨୫: କୋରାପୁଟ ଜିଲ୍ଲା ବନ୍ଧୁଗାଁ ବ୍ଲକ କମ୍ଭୁଗଣ୍ଡା ପଞ୍ଚାୟତ ଟାଙ୍କୁ ଗାଁର ଜଣେ ଲୋକଙ୍କ ପ୍ରଧାନ ମନ୍ତ୍ରୀ ଆବାସ ଗୃହ ନିର୍ମାଣ କରୁଥିବା ବେଳେ କାନ୍ଥ ଭାଙ୍ଗି ଉପରେ ପଡ଼ିବାରୁ ମିସ୍ତ୍ରୀ ଙ୍କ ମୃତ୍ୟୁ ହୋଇଯାଇଛି। ପ୍ରାପ୍ତ ସୁଚନା ଅନୁଯାଇ ମେଲେକା ରାଉତା ନାମକ ବ୍ୟକ୍ତିଙ୍କୁ ପ୍ରଧାନମନ୍ତ୍ରୀ ଆବାସ ଗୃହ ଖଣ୍ଡିକ ମିଳିଥିଲା। ପୂର୍ବରୁ ରାଉତା ଙ୍କ ଏକ ସିମେଣ୍ଟ କାନ୍ଥ ଥାଇ ଟିଣ ଛପର ଘର ରହିଥିଲା। ଏହି ପୁରୁଣା ଘରର ଛାତରୁ ଟିଣ ବାହାର କରି ପ୍ରଧାନମନ୍ତ୍ରୀ ଆବାସ ଗୃହ ନିର୍ମାଣ କାମ ସେହି ଗାଁର ମିସ୍ତ୍ରୀ କାତ୍ରୁ କାଡ୍ରାକା ଆରମ୍ଭ କରି ଥିଲେ। ପ୍ରଧାନମନ୍ତ୍ରୀ ଆବାସ ଗୃହ ନିର୍ମାଣ ପାଇଁ ଘରର ମୂଳଦୁଆ ସହ ୪ ଟି ସିମେଣ୍ଟ ସ୍ତମ୍ଭ ପୁଣି ମୂଳ ଦୂଆ ଉପରେ ବେଲଟ ଦେଇ ସାରିବା ପରେ କାନ୍ଥ କାମ ଆରମ୍ଭ କରାଯାଇଥାଏ। କିନ୍ତୁ ମିସ୍ତ୍ରୀ ଜଣକ ସେହି ପୁରୁଣା କାନ୍ଥକୁ ନ ଭାଙ୍ଗି ମୂଳ ଦୁଆ କୁ ଲାଗି ଥିବା କାନ୍ଥରୁ ଇଟା କାଟି ବେଲଟ୍ ପାଇଁ ଓ ସିମେଣ୍ଟ ଖମ୍ଭ ପାଇଁ ଲୁହା ରୋଡ ଭର୍ତ୍ତି କରି କାମ ଆରମ୍ଭ କରୁ ଥିଲେ। ଏହି ସମୟରେ ଦୁର୍ବଳ ଥିବା କାନ୍ଥ ଟି ଭାଙ୍ଗି ମିସ୍ତ୍ରୀ ଉପରେ ପଡ଼ିବାରୁ ମିସ୍ତ୍ରୀ ର ମୃତ୍ୟୁ ହୋଇଯାଇଛି। ଏହି ଘଟଣାଟି ଗୁରୁବାର ଦିନ ସାନ୍ଧ୍ୟ ୫ ଘଣ୍ଟା ସମୟରେ ହୋଇ ଥିବା ରୁ ଗାଁ ରେ ଥିବା ମୃତ ବ୍ୟକ୍ତିର ସାନ ଭାଇ ବାବାଜୀ କାଡ୍ରାକା ଲିଖିତ ଭାବେ ପଞ୍ଚାୟତ ସରପଞ୍ଚ ଇରମା କାଡ୍ରାକା ଙ୍କ ସ୍ବାମୀ ଓ ଅନ୍ୟାନ୍ୟ ଭଦ୍ର ବ୍ୟକ୍ତି ଆସି ଥାନାରେ ଅଭିଯୋଗ ଦେଇ ଥିଲେ। ବନ୍ଧୁଗାଁ ଥାନା ପୋଲିସ ଲିଖିତ ଅଭିଯୋଗ ପାଇବା ପରେ ଥାନା ଏଏସଆଇ ବି ଟି ସାଧୁ ଏକ ଅପମୃତ୍ୟୁ ମାମଲା ରୁଜୁ କରି ଘଟଣା ସ୍ଥଳକୁ ଯାଇ ଶବ କୁ ବନ୍ଧୁଗାଁ ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରକୁ ଆଣି ଥିଲେ ।ଡାକ୍ତର ଙ୍କ ଉପସ୍ଥିତିରେ ଶବ ବ୍ୟବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରାଯାଇଛି। ଆନ୍ଧ୍ର ସୀମାନ୍ତ କୁ ଲାଗି ଥିବା ଟାଙ୍କୁ ଗାଁଟି ରହିଛି। ଲୋକଙ୍କୁ ପ୍ରଧାନମନ୍ତ୍ରୀ ଆବାସ ଗୃହ ନିର୍ମାଣ ପାଇଁ ଦେବା ପରେ ବ୍ଲକ ଯନ୍ତ୍ରୀ ମାନେ ଘର ସ୍ତମ୍ଭ ପୁଣି ମୂଳ ଦୂଆ ନିର୍ମାଣ କାମ ସମୟରେ ରହିବା ଆବଶ୍ୟକ ରହିଛି। ଯନ୍ତ୍ରୀ ମାନଙ୍କ ଅବହେଳା ପୁଣି ଅନଭିଜ୍ଞ ମିସ୍ତ୍ରୀଙ୍କ ଏହି ପ୍ରକାର କାମ ପାଇଁ ଆଜି ଜଣେ ଅସହାୟ ଲୋକର ମୃତ୍ୟୁ ହୋଇଯାଇଛି।