Odisha Janamata : କୁମ୍ଭ ମେଳା କୁ ବୋମା ଦ୍ୱାରା ଉଡେଇ ଦେବାକୁ କହିଥିବା ଯୁବକ କୁ ଗିରଫ କଲା ପୋଲିସ |

କୁମ୍ଭ ମେଳା କୁ ବୋମା ଦ୍ୱାରା ଉଡେଇ ଦେବାକୁ କହିଥିବା ଯୁବକ କୁ ଗିରଫ କଲା ପୋଲିସ |

06-Jan-2025

କୁମ୍ବ ମେଳା କୁ ବୋମା ଦ୍ୱାରା ଉଡେଇ ଦେବାକୁ ଧମକ ଦେଇଥିବା ଯୁବକକୁ ଗିରଫ କଲା ପୋଲିସ ,

ଓଡିଶା ଜନମତ ବ୍ୟୁରୋ,

ଉତ୍ତରପ୍ରଦେଶ, : ଆଉ ଦିନ କେଇଟା ପରେ ଉତ୍ତର ପ୍ରଦେଶର ପ୍ରୟାଗରାଜରେ ଆରମ୍ଭ ହେବ କୁମ୍ଭମେଳା | ତେବେ ଏଠାରେ ଶ୍ରଦ୍ଧାଳୁ ଓ ବିଭିନ୍ନ କୋଣ ଅନୁକୋଣରୁ ବାବା ମାନେ ଆସି ଡେରା ପକାଇ ସାରିଲେଣି | କୁମ୍ଭମେଳାକୁ ନେଇ ପ୍ରୟାଗରାଜରେ ବ୍ୟାପକ ପ୍ରସ୍ତୁତି ଚାଲିଛି । ଏହାରି ଭିତରେ ନିକଟରେ କୁମ୍ଭ ମେଳାକୁ ବୋମାରେ ଉଡ଼ାଇ ଦେବାକୁ ଜଣେ ଯୁବକ ଧମକ ଦେଇଥିଲେ । ଏହାକୁ ନେଇ ରାଜ୍ୟରେ ଆତଙ୍କ ଖେଳି ଯାଇଥିଲା । ଏବେ ଉକ୍ତ ଧମକ ଦେଇଥିବା ଯୁବକଙ୍କୁ ପୁଲିସ ବିହାରରୁ ଗିରଫ କରିଛି।ଗିରଫ ଯୁବକ ଜଣକ ହେଲେ ବିସର ପୂର୍ଣିଆର ଆୟୁଷ କୁମାର ଜୟସ ପାଲ | ଡିସେମ୍ବର ୩୧ ତାରିଖରେ ଆୟୁଗ ନାସିର ପଠାନ, ନାଁରେ ସୋସିଆଲ ମିଡିଆରେ କୁମ୍ଭମେଳାକୁ ବୋମରେ ଉଡେଇ ଦେବାକୁଧମକ ଦେଇଥିଲେ । ଏହାପର ଠାରୁ ୟୁପି ପୁଲିସ ଧମକ ଦେଇଥିବା ବ୍ୟକ୍ତିକୁ ଗିଫ କରିବା ପାଇଁ ଚେଷ୍ଟା ଚଳାଇଥିଲା । ତେବେ ଶନିବାର ୟୁପି ପୁଲିସ ଭବାନୀପୁର ପୁଲିସର ସହାୟତାରେ ସହିଦଗଞ୍ଜ ପଞ୍ଚାୟତର ପୂର୍ବ- ୪ରେ ଚଢ଼ାଉ କରି ଆୟୁଷ କୁମାରଙ୍କୁ ଗିରଫକରିଥିଲା । ଭବାନୀପୁର ଥାନା ଅଧ୍ୟକ୍ଷଙ୍କ କହିବା ମୁତାବକ ଆୟୁଷ କୁମାର ସହିଦଗଞ୍ଜ ପଞ୍ଚାଯତ ର ବାସିନ୍ଦା । ସେ ଧମକ ଦେବା ପରେ ନେପାଳ ଚାଳି ଯାଇଥିଲା । ତେବେ କିଛି ଦିନ ତଳେ ସେ ନିଜ ଘରକୁ ଫେଢିଥିଲା । ଏହି ସୂଚନା
ମିଳିବା ପରେ ଯୁପି ପୁଲିସ ଚଢ଼ାଉ କରି ଗିରଫ କରିଛି।
ଆୟୂଷ ବିରୋଧରେ ପୁଲିସ ଭିନ୍ ଭିନ୍ ମାମଲା ରୁଜୁ କରି ତଦନ୍ତ ଜାରି ରହିଛି । ତାଙ୍କର କେତୋଟି ସ୍ପେଶାଲ ମିଡିଆ ଆକାଉଣ୍ଟ ରହିଛି, ସେ ନା ଆଉ କିଏ ଏହାକୁ ଚଳାଉ ଥିଲେ ତାହା ନେଇ ମଧ୍ୟ ତଦନ୍ତ ଜାରି ରହିଛି । ଆୟୁଷ ସହ ନେପାଳ ଆଉ କିଏ ଜାଇ ଥିଲା, ନେପାଳରେ ସେ କାହା କାହା ସହ ମିଶି ଥିଲା ତା`ର ମଧ୍ୟଯାଞ୍ଚ କରୁଛି ପୁଲିସ । ପ୍ରକାଶ ଯେ, ଆସନ୍ତା ଜାନୁଆରୀ ୧୩ ତାରିଖରେ ପ୍ରୟାଗ ରାଜରେ ଆୟୋଜିତ ହେବ ମହାକୁମମେଳା । ଏହା ଫେବ୍ରୁଆରୀ ୨୬ ଯାଏ ଚାଲିବ । ଏହି ମହାକୁମ୍ଭ ମେଳା ପାଇଁ ପ୍ରସ୍ତୁତି ପ୍ରାୟ ଶେଷ ପର୍ଯ୍ୟାୟ ରେ ପହଞ୍ଚି ସାରିଲାଣି । ଏହି କୁମ୍ଭମେଳାକୁ ପ୍ରାୟ ୪୦ କୋଟି ଲୋକଙ୍କ ସମାଗମ ହେବା ଆଶା କରାଯାଉଛି ।