Odisha Janamata : ବିଜେପି ରେ ଯୋଗଦେଲେ ଛତ୍ରପୁର ଅଞ୍ଚଳର ବହୁ ବ୍ୟକ୍ତି ବିଶେଷ ||

ବିଜେପି ରେ ଯୋଗଦେଲେ ଛତ୍ରପୁର ଅଞ୍ଚଳର ବହୁ ବ୍ୟକ୍ତି ବିଶେଷ ||

03-Sep-2026

ଛତ୍ରପୁର ଅଞ୍ଚଳର ବହୁ ବ୍ୟକ୍ତିବିଶେଷ ବିଜେପିରେ ମିଶିଲେ ।।*
ଓଡ଼ିଶା ଜନମତ , ଛତ୍ରପୁର ,ତା.୩ / ୯,

କେ.ସତ୍ୟନାରାୟଣ ରେଡ୍ଡୀ:-----

ରାଜଧାନୀ ଭୁବନେଶ୍ୱରରେ ବୁଧବାର ଆୟୋଜିତ ବିଜେପି ର ମିଶ୍ରଣ ପର୍ବରେ ଛତ୍ରପୁର ଅଞ୍ଚଳର ବହୁ ଗଣ୍ୟମାନ୍ୟ ବ୍ୟକ୍ତି ତଥା ଛତ୍ରପୁର କାଉନସିଲର ସଦସ୍ୟ ସଦସ୍ୟାଗଣ ଆନୁଷ୍ଠାନିକ ଭାବେ ଭାରତୀୟ ଜନତା ପାର୍ଟିରେ ସାମିଲ ହୋଇଥିବା ଜଣାପଡ଼ିଛି । ଏମାନଙ୍କ ମଧ୍ୟରୁ ଅଧିକାଂଶ ପ୍ରଭାବଶାଳୀ ବ୍ୟକ୍ତି ଅବା ପୂର୍ବତନ ବିଧାୟକ ସୁବାଷ ଚନ୍ଦ୍ର ବେହେରା ଙ୍କ ଗୋଷ୍ଠୀର ଲୋକ ବୋଲି କୁହାଯାଏ । ଏଭଳି ବହୁ ବିଜେଡ଼ି ର ଅସନ୍ତୁଷ୍ଟ ଗୋଷ୍ଠୀ ଟ ଲୋକ ବ୍ୟକ୍ତିବିଶେଷ୍ୟଗଣ ମଧ୍ୟ ଭାଜପାରେ ଯୋଗଦେଇ ପଦ୍ମ ଧରିଛନ୍ତି । ରାଜ୍ୟ ସରକାରଙ୍କ କ୍ଷମତାରେ ଥିବା ବହୁ ବରେଣ୍ୟ କର୍ଣ୍ଣଧାର ତଥା ଉପ ମୁଖ୍ୟମନ୍ତ୍ରୀ ଶ୍ରୀମତୀ ପ୍ରଭାତୀ ପରିଡ଼ା ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ରାଜ୍ୟସ୍ତରୀୟ ମିଶ୍ରଣ ପର୍ବରେ ଛତ୍ରପୁର ର ଆଇନଜିବୀ ତଥା ବରିଷ୍ଠ ବିଜେପି ନେତା ପ୍ରଦୀପ ପାଢ଼ୀ, ଗଞ୍ଜାମ ଜିଲ୍ଲା ବିଜେପି ସଭାପତି ସରୋଜ ସାବତ, ପୂର୍ବତନ ବାଚସ୍ପତି ରାମଚନ୍ଦ୍ର ପଣ୍ଡା, ମନ୍ତ୍ରୀ ବିଭୂତି ଭୂଷଣ ଜେନା ପ୍ରମୁଖ ବହୁ ଗଣ୍ୟମାନ୍ୟ ବ୍ୟକ୍ତି ଯୋଗଦେଇଥିଲେ । ଦଳୀୟ ମୁଖପାତ୍ର ଙ୍କ ନିୟମ ଧାରା ଅନୁସାରେ ନୂତନ ଭାବେ ଯୋଗଦେଇ ପଦ୍ମଧାରୀ ନେତା ଓ କର୍ମୀମାନେ ଦଳୀୟ ଶପଥ ପାଠ କରିଥିଲେ ।
ଛତ୍ରପୁର ର ସମସ୍ତ ନେତ୍ତୃବର୍ଗ ସଭିଏଁ ଛତ୍ରପୁର ବିଧାୟକ କୃଷ୍ଣ ଚନ୍ଦ୍ର ନାୟକ ଙ୍କ ନେତ୍ତୃତ୍ଵରେ ଶତାଧିକ ନେତା ଓ କର୍ମୀ ଉକ୍ତ ମିଶ୍ରଣ ପର୍ବରେ ଯୋଗଦେଇଥିଲେ । ଛତ୍ରପୁର ର ଭାରପ୍ରାପ୍ତ ପୌର ଅଧ୍ୟକ୍ଷ ଜି. ପାପା ରାଓ ବିଜେଡ଼ି ଛାଡ଼ି ବିଜେପିରେ ମିଶିଲେ । ଛତ୍ରପୁର ଅଞ୍ଚଳରେ ବିଜେପି ଦଳକୁ ମଜବୁତ୍ କରିବା ସାଂଗକୁ ଆଗାମୀ ନିର୍ବାଚନରେ ବିଜେପି ର ବିପୁଳ ବିଜୟ ହାସଲ ଦିଗରେ କାମ କରିବେ ବୋଲି ସେ ପ୍ରତିଶ୍ରୁତି ଦେଇଛନ୍ତି ।।