Odisha Janamata : କେନ୍ଦ୍ର ଶିକ୍ଷା ମନ୍ତ୍ରୀ ଭାବେ ଅତିରିକ୍ତ ଦାୟିତ୍ୱ ନେଲେ ପ୍ରହ୍ଲାଦ ଯୋଶୀ |

କେନ୍ଦ୍ର ଶିକ୍ଷା ମନ୍ତ୍ରୀ ଭାବେ ଅତିରିକ୍ତ ଦାୟିତ୍ୱ ନେଲେ ପ୍ରହ୍ଲାଦ ଯୋଶୀ |

27-Jul-2026

ଶିକ୍ଷା ମନ୍ତ୍ରାଳୟ ଦାୟିତ୍ୱ ନେଲେ ପ୍ରହ୍ଲାଦ ଯୋଶୀ
|
ଓଡିଶା ଜନ ମତ ବ୍ୟୁରୋ,

କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଙ୍କ ଇସ୍ତଫା ପରେ ତାଙ୍କ ସ୍ଥାନ ରେ ଦାୟିତ୍ୱ ଦିଆଯାଇଛି କେନ୍ଦ୍ର ଶିକ୍ଷା ମନ୍ତ୍ରୀ ଭାବେ ଦାୟିତ୍ୱ ମିଳିଛି ପ୍ରହ୍ଲାଦ ଯୋସୀଙ୍କୁ ସେ ଅଧିକାରୀଙ୍କ ସହ ପ୍ରଥମ ସମୀକ୍ଷା ବୈଠକ ରେ କହିଥିଲେ ‘ଏହା ମୋ ପାଇଁ ଏକ ନୂଆ ବିଷୟବସ୍ତୁ’ |କେନ୍ଦ୍ରମନ୍ତ୍ରୀ ପ୍ରହ୍ଲାଦ ଯୋଶୀ ଆଜି ଶିକ୍ଷା ମନ୍ତ୍ରାଳୟର ଦାୟିତ୍ବ ଗ୍ରହଣ କରିଛନ୍ତି। ଧର୍ମେନ୍ଦ୍ର ପ୍ରଧାନ ଶିକ୍ଷାମନ୍ତ୍ରୀ ପଦରୁ ଇସ୍ତଫା ଦେବାପରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଗତକାଲି ପ୍ରହ୍ଲାଦ ଯୋଶୀଙ୍କୁ ଶିକ୍ଷା ମନ୍ତ୍ରାଳୟର ଅତିରିକ୍ତ ଦାୟିତ୍ବ ପ୍ରଦାନ କରିଥିଲେ।ଏହାର ଦିନକ ପରେ ଯୋଶୀ ଆଜି କତ୍ତର୍ବ୍ୟ ଭବନରେ ଔପଚାରିକ ଭାବେ ଶିକ୍ଷା ମନ୍ତ୍ରାଳୟ ଦାୟିତ୍ବ ଗ୍ରହଣ କରିଛନ୍ତି। ସେ ମଧ୍ୟ ଖାଉଟି ବ୍ୟାପାର, ଖାଦ୍ୟ ଏବଂ ସାର୍ବଜନିକ ବିତରଣ ମନ୍ତ୍ରାଳୟ ଦାୟିତ୍ବରେ ରହିଛନ୍ତିଦାୟିତ୍ବ ଗ୍ରହଣ କରିବାପରେ ଯୋଶୀ ଆଜି ଶିକ୍ଷା ମନ୍ତ୍ରାଳୟ ଅଧୀନରେ ଚାଲୁଥିବା ବିଭିନ୍ନ ପ୍ରମୁଖ ଯୋଜନା ଓ ପଦକ୍ଷେପର କାର୍ଯ୍ୟକାରିତାର ସମୀକ୍ଷା ପାଇଁ ଏକ ବୈଠକର ଅଧ୍ୟକ୍ଷତା କରିଥିଲେ। ଶିକ୍ଷା ବିଭାଗ ରାଷ୍ଟ୍ରମନ୍ତ୍ରୀ ଜୟନ୍ତ ଚୌଧୁରୀ ଏହି ସମୀକ୍ଷା ବୈଠକରେ ଉପସ୍ଥିତ ଥିଲେ। ବୈଠକରେ ମଧ୍ୟ ଉଚ୍ଚଶିକ୍ଷା ସଚିବ ଡ ବିନୀତ ଜୋଶୀ, ଗଣଶିକ୍ଷା ଓ ସାକ୍ଷରତା ସଚିବ ଟିକେ ଅନିଲ କୁମାରଙ୍କ ସମେତ ମନ୍ତ୍ରାଳୟର ଅନ୍ୟାନ୍ୟ ବରିଷ୍ଠ ଅଧିକାରୀ ମଧ୍ୟ ଯୋଗ ଦେଇଥିଲେ। ଦାୟିତ୍ବ ଗ୍ରହଣ କରିବାପରେ ଯୋଶୀ ସାମ୍ବାଦିକମାନଙ୍କୁ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପୂର୍ଣ୍ଣ ବିଶ୍ବାସର ସହ ମୋ ଉପରେ ଏହି ନୂଆ ଦାୟିତ୍ବ ନ୍ୟସ୍ତ କରିଛନ୍ତି। ମୁଁ ସବୁକିଛି ବିସ୍ତୃତ ଭାବେ ସମୀକ୍ଷା କରୁଛି।ପୂରା ମନ୍ତ୍ରାଳୟ କିଭଳି କାର୍ଯ୍ୟ କରୁଛି ତାହା ମୁଁ ଭଲଭାବେ ବୁଝିବାକୁ ଚେଷ୍ଟା କରୁଛି। ଏହା ମୋ ପାଇଁ ଏକ ନୂଆ ବିଷୟ ବସ୍ତୁ। ଆଜି ମୁଁ ଦାୟିତ୍ବ ନେବାପରେ ବରିଷ୍ଠ ଅଧିକାରୀମାନଙ୍କ ସହ ବିସ୍ତୃତ ଆ‌ଲୋଚନା କଲି। ଯୋଶୀ ସାମ୍ବାଦିକମାନଙ୍କୁ କହିଛନ୍ତି, ଏହା ଅତି ବଡ଼ ମନ୍ତ୍ରାଳୟ। ତେଣୁ ମୁଁ ଏହାକୁ ସମ୍ପୂର୍ଣ୍ଣ ଭା‌ବେ ବୁଝିବା ପରେ ହିଁ ଆପଣମାନଙ୍କ ସହ ବିସ୍ତୃତ ଭାବେ କଥା‌ ହୋଇପାରିବି। ଦାୟିତ୍ବ ନେବାପରେ ଯୋଶୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଧନ୍ୟବାଦ ଜଣାଇଛନ୍ତି।