Odisha Janamata : ବାଇକ ଦୁର୍ଘଟଣା ରେ ଜଣେ ମୃତ ଜଣେ ଗୁରୁତର |

ବାଇକ ଦୁର୍ଘଟଣା ରେ ଜଣେ ମୃତ ଜଣେ ଗୁରୁତର |

27-Jul-2026

ଅନୁଗୁଳ ନୂଆଗଡ ରାସ୍ତାରେ ବାଇକ ଦୁର୍ଘଟଣାରେ ଜଣେ ମୃତ, ଜଣେ ଗୁରୁତର |

ଓଡିଶା ଜନ ବ୍ୟୁରୋ,

ରାଜ୍ୟ ସରକାର ଙ୍କ ପରିବହନ ବିଭାଗ ଜନ ସାଧାରଣ ଙ୍କୁ ଗାଡି ଚଲେଇବା ର ସମସ୍ତ ନିତି, ନିୟମ ବିଷୟରେ ସଚେତନ ତା କରାଉଥିଲେ ମଧ୍ୟ ଗାଡି ଚାଳକ ମାନେ କିଛି ନିତି ନିୟମ କୁ ଗ୍ରହଣ କରୁନାହାନ୍ତି | ଯାହା ଫଳରେ ଦୁର୍ଘଟଣା ହେଉଛି | ଏମିତି ଏକ ଦୃଶ୍ୟ ଦେଖିବାକୁ ମିଳିଛି ନରସିଂହପୁର ଅନୁଗୁଳ ମୁଖ୍ୟ ରାସ୍ତାର ନୂଆଗଡ ନିକଟରେ ଘଟିଥିବା ସଡ଼କ ଦୁର୍ଘଟଣାରେ ଜଣଙ୍କର ମୃତ୍ୟୁ ଘଟିଥିବା ବେଳେ ଆଉ ଜଣେ ଯୁବକ ଗୁରୁତର ଆହତ ହୋଇ ଛନ୍ତି। ମୃତ ଯୁବକ ଜଣଙ୍କ ନରସିଂହପୁର ବ୍ଲକ ଅନ୍ତର୍ଗତ ସରଧାପୁର ପାଟଣା ଗ୍ରାମର ଯୁବକ ଜିତେନ୍ଦ୍ର ମୁଦୁଲି (୩୪)।ଆହତ ଯୁବକ ଜଣଙ୍କ ଯୋଡୁମ ଗ୍ରାମର ସଞ୍ଜୟ ଗଡ଼ନାୟକ (୩୨) ବୋଲି ଜଣାପଡିଛି। ମିଳିଥିବା ସୂଚନାରୁ ପ୍ରକାଶ ଯେ ମୃତ ଜିତେନ୍ଦ୍ର ଓ ଗୁରୁତର ଆହତ ହୋଇଥିବା ସଞ୍ଜୟ ଏକ ବାଇକରେ ଶନିବାର ସଂନ୍ଧ୍ୟାରେ ଅନୁଗୁଳରୁ ନରସିଂହପୁର ଥାନା ଅନ୍ତର୍ଗତ ଯୋଡୁମ ଘରକୁ ଆସୁଥିବା ସମୟରେ ନରସିଂହପୁର ଅନୁଗୁଳ ମୁଖ୍ୟ ରାସ୍ତାର ନୂଆଗଡ ନିକଟରେ ବାଇକଟି ଦୁର୍ଘଟଣା ଘଟିଥିଲା।ଫଳରେ ଉଭୟ ସଞ୍ଜୟ ଓ ଜିତେନ୍ଦ୍ର ଗୁରୁତର ଆହତ ହୋଇଥିଲେ। ଗୁରୁତର ଆହତ ଅବସ୍ଥାରେ ଉଭୟଙ୍କୁ ନରସିଂହପୁର ମେଡିକାଲକୁ ଚିକିତ୍ସା ପାଇଁ ଆଣିଥିବା ବେଳେ ସେଠାରେ ଡାକ୍ତର ଜିତେନ୍ଦ୍ରଙ୍କୁ ମୃତ ଘୋଷଣା କରିଥିଲେ। ଗୁରୁତର ଆହତ ସଞ୍ଜୟଙ୍କୁ କଟକ ବଡ଼ ମେଡିକାଲ ସ୍ଥାନାନ୍ତର କରାଯାଇଛି। ଦୁର୍ଘଟଣାର ପ୍ରକୃତ କାରଣ ଏପର୍ଯ୍ୟନ୍ତ ଜଣାପଡି ନଥିବା ବେଳେ ଖବର ପାଇଁ ନରସିଂହପୁର ପୋଲିସ ଘଟଣା ସ୍ଥଳରେ ପହଁଞ୍ଚି ବାଇକକୁ ଜବତ କରିବା ସହ ଘଟଣାର ତଦନ୍ତ ଆରମ୍ଭ କରିଛି।