Odisha Janamata : ତାରାତାରିଣୀ କଲେଜ ରେ ଚାପ ପରିଚାଳନା କର୍ମଶାଳା |

ତାରାତାରିଣୀ କଲେଜ ରେ ଚାପ ପରିଚାଳନା କର୍ମଶାଳା |

29-Sep-2026

ତାରା ତାରିଣୀ କଲେଜରେ ଚାପ ପରିଚାଳନା କର୍ମଶାଳା

*ପୁରୁଷୋତ୍ତମପୁର, ୨୯ ସେପ୍ଟେମ୍ବର: ତାରା ତାରିଣୀ କଲେଜର ଶକ୍ତିଶ୍ରୀ ସଶକ୍ତିକରଣ ସେଲ୍* ପକ୍ଷରୁ *ଗଞ୍ଜାମ ଜିଲ୍ଲା ମାନସିକ ସ୍ୱାସ୍ଥ୍ୟ କାର୍ଯ୍ୟକ୍ରମ, CDM & PHOଙ୍କ ସହଯୋଗରେ ଏକ ଚାପ ପରିଚାଳନା କର୍ମଶାଳା* ଅନୁଷ୍ଠିତ ହୋଇଯାଇଛି।

କଲେଜ ଅଧ୍ୟକ୍ଷ *ଶ୍ରୀ ଅରବିନ୍ଦ ଦାଶ ଙ୍କ ଅଧ୍ୟକ୍ଷତାରେ ଓ ପ୍ରଶାସନିକ ବର୍ସାର ଡ. ପ୍ରଦୀପ କୁମାର ସାହୁଙ୍କ ଉପସ୍ଥିତିରେ MKCG ମେଡିକାଲ କଲେଜ, ବ୍ରହ୍ମପୁରର Psychiatric Social Worker ଶ୍ରୀମତୀ ସୁମିତ୍ରା ଜେନା* ମୁଖ୍ୟ ସମ୍ବଳ ବ୍ୟକ୍ତି ଭାବେ ଯୋଗଦେଇ ଚାପ ପରିଚାଳନା ଓ ମାନସିକ ସୁସ୍ଥତା ଉପରେ ଆଲୋଚନା କରିଥିଲେ। ମନୋବିଜ୍ଞାନ ବିଭାଗର ଅଧ୍ୟାପିକା ଶ୍ରୀମତୀ ଜାମିନୀ ମିର୍ଦ୍ଧା ମଧ୍ୟ ବକ୍ତା ଭାବେ ଯୋଗଦେଇ ମାନସିକ ସୁସ୍ଥତା ଓ ଚାପ ପରିଚାଳନା ସମ୍ପର୍କରେ ନିଜର ମୂଲ୍ୟବାନ ମତାମତ ପ୍ରଦାନ କରିଥିଲେ।

କାର୍ଯ୍ୟକ୍ରମରେ *ଚାପ ଚିହ୍ନଟ, ଭାବନା ନିୟନ୍ତ୍ରଣ ଓ ଚାପ ହ୍ରାସର ବିଭିନ୍ନ ପ୍ରାୟୋଗିକ ଅଭ୍ୟାସ* କରାଯାଇଥିଲା, ଯେଉଁଥିରେ ଛାତ୍ରଛାତ୍ରୀ ଓ କର୍ମଚାରୀମାନେ ସକ୍ରିୟ ଭାବେ ଭାଗ ନେଇଥିଲେ।

କାର୍ଯ୍ୟକ୍ରମରେ *ଶ୍ରୀ ଅନିଲ କୁମାର ସାହୁ, ଡ. ପ୍ରକାଶ ଚନ୍ଦ୍ର ବେହେରା, ସୁଶ୍ରୀ ମୀନାକ୍ଷୀ ଦାଶ ଓ ଡ. ପ୍ରଶାନ୍ତ କୁମାର ପଟ୍ଟନାୟକ ଶ୍ରୀ ଦୀପକ କୁମାର ବେହେରା,ଙ୍କ ସମେତ ଅନ୍ୟାନ୍ୟ ଶିକ୍ଷକ ଓ କର୍ମଚାରୀ ଉପସ୍ଥିତ ଥିଲେ। କାର୍ଯ୍ୟକ୍ରମଟି ଶକ୍ତିଶ୍ରୀ ସଂଯୋଜିକା ଶ୍ରୀମତୀ ନମ୍ରତା ମିଶ୍ର*ଙ୍କ ଦ୍ୱାରା ସଂଯୋଜିତ ହୋଇଥିଲା। ଶକ୍ତିଶ୍ରୀ ସାଥୀ ସୁଶ୍ରୀ ପୂଜା ବେହେରା ଓ ସୁଶ୍ରୀ କେ. ବିଜୟଲକ୍ଷ୍ମୀ ରାଓ*, ସମସ୍ତ ଶ୍ରେଣୀ ପ୍ରତିନିଧି, ଅନ୍ୟାନ୍ୟ ଶିକ୍ଷକ, ଅଣଶିକ୍ଷକ କର୍ମଚାରୀ ଓ ଛାତ୍ରଛାତ୍ରୀ ଯୋଗଦେଇଥିଲେ।

ଶ୍ରୀ ହିମାଂଶୁ ଶେଖର ପଣ୍ଡା ଓ ଶ୍ରୀମତୀ ଋତାଞ୍ଜଳି ସାହୁଙ୍କୁ କାର୍ଯ୍ୟକ୍ରମର ସଫଳ ଆୟୋଜନରେ ବିଶେଷ ସହଯୋଗ ପାଇଁ କୃତଜ୍ଞତା ଜଣାଯାଇଥିଲା।