Odisha Janamata : ଖଲ୍ଲିକୋଟ ର ବିଭିନ୍ନ ସ୍ଥାନରେ 4ଗୋଟି ପ୍କକଳ୍ପ ର ଭିତ୍ତିପ୍ରସ୍ତର ସ୍ଥାପନ କଲେ ଯୋଜନା ବୋର୍ଡ ଅଧକ୍ଷ ପୂର୍ଣ୍ଣିଚନ୍ଦ୍ର ସେଠୀ ||

ଖଲ୍ଲିକୋଟ ର ବିଭିନ୍ନ ସ୍ଥାନରେ 4ଗୋଟି ପ୍କକଳ୍ପ ର ଭିତ୍ତିପ୍ରସ୍ତର ସ୍ଥାପନ କଲେ ଯୋଜନା ବୋର୍ଡ ଅଧକ୍ଷ ପୂର୍ଣ୍ଣିଚନ୍ଦ୍ର ସେଠୀ ||

30-Apr-2026

ଚାରୋଟି ନୂତନ ପ୍ରକଳ୍ପ ର ଭିତ୍ତିପ୍ରସ୍ତର ସ୍ଥାପନ କଲେ ଗଞ୍ଜାମ ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ପୂର୍ଣ୍ଣ ଚନ୍ଦ୍ର ସେଠୀ

ଓଡିଶା ଜନ ମତ, ଖଲ୍ଲିକୋଟ, ବିକାଶ କୁମାର ସାହୁ,:--

ଆଜି ଗ୍ରାମ୍ୟ ଉନ୍ନୟନ ବିଭାଗ ର ପ୍ରାୟ ୧୫ କୋଟି ବ୍ୟୟରେ ଚାରୋଟି ପ୍ରକଳ୍ପ ର ଭିତ୍ତିପ୍ରସ୍ତର ସ୍ଥାପନ କରିଛନ୍ତି ଗଞ୍ଜାମ ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ତଥା ଖଲ୍ଲିକୋଟ ବିଧାୟକ ପୂର୍ଣ୍ଣ ଚନ୍ଦ୍ର ସେଠୀ । ପ୍ରଥମେ ବିଧାୟକ ଶ୍ରୀ ସେଠୀ ଖଲ୍ଲିକୋଟ ସ୍ଥିତ ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପରିସରରେ କେନ୍ଦ୍ର ସରକାର ଓ ରାଜ୍ୟ ସରକାରଙ୍କ ମିଳିତ ସହଯୋଗରେ ସ୍ଥାପନ ହେବାକୁ ଥିବା `ଉତ୍କର୍ଷ କେନ୍ଦ୍ର` ର ଭିତ୍ତି ପ୍ରସ୍ତର ସ୍ଥାପନ କରିଥିଲେ । ଏହି ଉତ୍କର୍ଷ କେନ୍ଦ୍ର ଭିତ୍ତି ପ୍ରସ୍ତର ସ୍ଥାପନ କାର୍ଯ୍ୟକ୍ରମରେ ଗଞ୍ଜାମ ଜିଲ୍ଲାପାଳ ଭି କୀର୍ତ୍ତିଭାସନ ଯୋଗ ଦେଇଥିଲେ । ଏହି ଉତ୍କର୍ଷ କେନ୍ଦ୍ର ନିର୍ମାଣ ହେଲେ ଜିଲ୍ଲା ଶିକ୍ଷା ଓ ପ୍ରଶିକ୍ଷଣ କେନ୍ଦ୍ର କୁ ପ୍ରଶିକ୍ଷଣ ଆସୁଥିବା ଛାତ୍ରଛାତ୍ରୀ ଉପକୃତ ହେବେ ଜିଲ୍ଲାପାଳ କହିଛନ୍ତି । ପରେ ବିଧାୟକ ଶ୍ରୀ ସେଠୀ ଖଲ୍ଲିକୋଟ ବ୍ଲକ ଅନ୍ତର୍ଗତ ସମଲ ଠାରେ ଗ୍ରାମ୍ୟ ଉନ୍ନୟନ ବିଭାଗ ସେତୁବନ୍ଧ ଯୋଜନାରେ ଜାତୀୟ ରାଜପଥ ଠାରୁ ସମଲ ରାସ୍ତାର ସ୍ଥାନୀୟ ନାଳ ଉପରେ ହେବାକୁ ଥିବା ସେତୁ ନିର୍ମାଣ କାର୍ଯ୍ୟର ଭିତ୍ତି ପ୍ରସ୍ତର ସ୍ଥାପନ କରିଥିଲେ । ସେହିପରି ପାଳଧୁଆପଲ୍ଲୀ ଠାରେ ଗୁହାରିଆପାଟ ଠାରୁ ପାଳଧୁଆପଲ୍ଲୀ ରାସ୍ତାର ସ୍ଥାନୀୟ ନାଳ ଉପରେ ସେତୁ ନିର୍ମାଣର ଭିତ୍ତି ପ୍ରସ୍ତର ସ୍ଥାପନ କରିଥିଲେ । ସେହିପରି କୋମଣ୍ଡ ଠାରୁ ରଘୁନାଥପୁର ରାସ୍ତାର ସ୍ଥାନୀୟ ନାଳ ଉପରେ ଦୁଇଟି ସେତୁ ନିର୍ମାଣ ର ଭିତ୍ତି ପ୍ରସ୍ତର ସ୍ଥାପନ କରିଥିଲେ । ଏହି କାର୍ଯ୍ୟକ୍ରମରେ ଗ୍ରାମ୍ୟ ଉନ୍ନୟନ ବିଭାଗ ନିର୍ବାହୀ ଯନ୍ତ୍ରୀ ସରୋଜ ମିଶ୍ର, ସହକାରୀ ଯନ୍ତ୍ରୀ ସ୍ମରଣିକା ମହାପାତ୍ର ଓ କନିଷ୍ଟ ଯନ୍ତ୍ରୀ ବିଶ୍ୱ ରଞ୍ଜନ ବେହେରା, ଯୁବବିଜେପି ନେତା ପ୍ରଦୀପ୍ତ କୁମାର ପଟ୍ଟନାୟକ, କାର୍ତ୍ତିକ ପ୍ରଧାନ, ବରିଷ୍ଠ ବିଜେପି ନେତା ପଦ୍ମ ଚରଣ ସୁବୁଦ୍ଧି, ସଞ୍ଜୟ କୁମାର ସେଠୀ, ନାଇକାଣୀପଲ୍ଲୀ ସରପଞ୍ଚ ମିଥୁନ ଖୁଣ୍ଟିଆ, ଡିମିରିଆ ପୂର୍ବତନ ସରପଞ୍ଚ ମନୋଜ କୁମାର ଗୌଡ, କହ୍ନେଇପୁର ମଣ୍ଡଳ ସଭାପତି ମିଟୁ ସ୍ୱାଇଁ, ବିଜେପି ଯୁବମୋର୍ଚ୍ଚା ସ୍ୱତନ୍ତ୍ର ନିମନ୍ତ୍ରିତ ସଦସ୍ୟ ସୁଭଜିତ୍ କୁମାରଙ୍କ ସହ ସ୍ଥାନୀୟ ବାସିନ୍ଦା ଓ ବିଧାୟକଙ୍କ ସମର୍ଥକ ମାନେ ଉପସ୍ଥିତ ଥିଲେ ।