Odisha Janamata : ଖୋର୍ଦ୍ଧା ରେ ବିଜେପିର 47 ତମ ସ୍ଥାପନା ଦିବସ ପାଳିତ ||

ଖୋର୍ଦ୍ଧା ରେ ବିଜେପିର 47 ତମ ସ୍ଥାପନା ଦିବସ ପାଳିତ ||

06-Apr-2026

ବିଜେପିର ୪୭ ତମ ସ୍ଥାପନା ଦିବସ ପାଳିତ....

ଓଡିଶା ଜନମତ, ଖୋର୍ଦ୍ଧା, ଗୋପାଳ କୃଷ୍ଣ ପ୍ରଧାନ:--

ର୍ଘ ୪୬ବର୍ଷର ସୁଦୀର୍ଘ ଯାତ୍ରା ପରେ ଭାରତୀୟ ଜନତା ପାର୍ଟି ବିଶ୍ୱର ସର୍ବବୃହତ ଦଳର ମାନ୍ୟତା ପାଇଛି ! ୧୯୮୦ ମସିହା ଅପ୍ରେଲ ୬ ତାରିଖରେ ଦଳର ମୁମ୍ବାଇ ଅଧିବେଶନରେ ଶ୍ରୀ ଅଟଳ ବିହାରୀ ବାଜପେୟୀଙ୍କ ସଭାପତିତ୍ୱରେ ଭାରତୀୟ ଜନତା ପାର୍ଟି ଗଠନ ହେଲା....
ଆଜି ଏହି ଉପଲକ୍ଷେ ସ୍ଥାନୀୟ ସାନପଲ୍ଲା ଦଳୀୟ କାର୍ଯ୍ୟାଳୟରେ ବିଜେପି ମଧ୍ୟ ଖୋର୍ଦ୍ଧା ମଣ୍ଡଳ ତରଫରୁ ପାର୍ଟି ର ୪୭ ତମ ସ୍ଥାପନା ଦିବସରେ ପୂର୍ବତନ ଜିଲ୍ଲା ସଭାପତି ରଶ୍ମିରଂଜନ ମହାପାତ୍ରଙ୍କ ଦ୍ୱାରା ଦଳୀୟ ପତାକା ଉତ୍ତୋଳନ କରାଯାଇଥିଲା ! ପରେ ପରେ ମଣ୍ଡଳ ସଭାପତି ଶ୍ରୀ ରଂଜିତ କୁମାର ପଟ୍ଟଶାଣୀଙ୍କ ସଭାପତିତ୍ୱରେ ଏକ ଚିନ୍ତନ ବୈଠକରେ ଭାରତ ମାତା, ଡଃ ଶ୍ୟାମାପ୍ରସାଦ ମୁଖାର୍ଜୀ ଏବଂ ପଣ୍ଡିତ ଦୀନଦୟାଲ ଉପାଧ୍ୟାୟଙ୍କ ଫଟୋ ଚିତ୍ରରେ ମାଲ୍ୟାର୍ପଣ କରାଯାଇଥିଲା .
ଚିନ୍ତନ ବୈଠକରେ ବିଜେପି ସମବାୟ ପ୍ରକୋଷ୍ଠର ରାଜ୍ୟ ସଂଯୋଜକ ଶ୍ରୀ ଶ୍ରୀରଞ୍ଜନ ମଙ୍ଗରାଜ ମୁଖ୍ୟ ବକ୍ତାଭାବେ ପାର୍ଟିର ୪୬ବର୍ଷର ସଂଘର୍ଷମୟ ଯାତ୍ରା ସମ୍ପର୍କରେ ନିଜର ବକ୍ତବ୍ୟ ରଖିଥିଲେ। ମୁଖ୍ୟ ଅତିଥି ଶ୍ରୀ ରଶ୍ମି ମହାପାତ୍ର ଆଗାମୀ ଆହ୍ୱାନ ସମ୍ପର୍କରେ କାର୍ଯ୍ୟକର୍ତ୍ତାମାନଙ୍କୁ ମାର୍ଗଦର୍ଶନ ଦେଇଥିଲେ। ସମ୍ମାନୀତ ଅତିଥିଭାବେ ପୂର୍ବ ମଣ୍ଡଳ ସଭାପତି ପ୍ରଦୀପ୍ତ କୁମାର ପାଣି, ବିଧାୟକଙ୍କ ପ୍ରତିନିଧି ନଗେନ୍ଦ୍ର ନାଥ ସାହୁ ଯୋଗଦେଇଥିବାବେଳେ ସାଧାରଣ ସମ୍ପାଦକ ରଶ୍ମି ମାନ୍ଧାତା ଓ କୁନି ଦାସ, ସାଂସଦ ପ୍ରତିନିଧି ଇଂ.ବିଭୂପ୍ରସାଦ ବଳିୟାରସିଂହ, ଉପସଭାପତି କେଦାରେଶ୍ୱର ପୃଷ୍ଟି, ସମ୍ପାଦକ ଗଗନ ବଡ଼ଜେନା ଓ ସୁକାନ୍ତି ବେହେରା, ପଞ୍ଚାୟତ ପ୍ରମୁଖ ଶ୍ରୀଧର ବେହେରା, ଦିବାକର ମହାରଥୀ, ସୁବାସ ସେନାପତି, ତପନ ପାତ୍ର, ନୟନ ପରିଡା, ଜିତେନ୍ଦ୍ର ମହାନ୍ତି ପ୍ରମୁଖ କାର୍ଯ୍ୟକର୍ତ୍ତାମାନେ ଯୋଗଦେଇଥିଲେ। ବରିଷ୍ଠ ଉପସଭାପତି ଶ୍ରୀ ଗଗନ ପାଇକରାୟ ଧନ୍ୟବାଦ ଅର୍ପଣ କରିଥିଲେ ।