Odisha Janamata : ରଣପୁର ବ୍ଳକ ନରସିଂହପୁର ଗ୍ରାମକୁ ଅଚାନକ ପରିଦର୍ଶନ କଲେ ଯୋଗାଣ ମନ୍ତ୍ରୀ |

ରଣପୁର ବ୍ଳକ ନରସିଂହପୁର ଗ୍ରାମକୁ ଅଚାନକ ପରିଦର୍ଶନ କଲେ ଯୋଗାଣ ମନ୍ତ୍ରୀ |

26-Feb-2026

ରଣପୁର ବ୍ଳକ ନରସିଂହପୁର ଗ୍ରାମକୁ ଯୋଗାଣ ମନ୍ତ୍ରୀଙ୍କ ଅଚାନକ ପରିଦର୍ଶନ,

ଓଡିଶା ଜନ ମତ ବ୍ୟୁରୋ,

ନୟାଗଡ଼ ଜିଲ୍ଲା ରଣ ପୁର ବ୍ଳକର ନରସିଂହ ପୁର ଗ୍ରାମକୁ ଅଚାନକ ପରିଦର୍ଶନ କରିଯୋଗାଣ ମନ୍ତ୍ରୀ ଚାଷୀଙ୍କ ସମସ୍ୟା ବୁଝି ଥିଲେ ଏବଂ ବିଳମ୍ବ କିମ୍ବା ସମସ୍ୟା ଯୋଗୁଁ କୌଣସି ଚାଷୀଙ୍କୁ ବାଦ ଦିଆଯିବ ନାହିଁ ବୋଲି ଯୋଗାଣ ମନ୍ତ୍ରୀସେଠାରେ ସୂଚନା ଦେଇଥିଲେ |
ରାଜ୍ୟରେ ଜାରି ରହିଥିବା ଖରିଫ ୨୦୨୫-୨୬ ଧାନ ସଂଗ୍ରହ ପ୍ରକ୍ରିୟାକୁ ଶୃଙ୍ଖଳିତ ଓ ସୁସଂଗଠିତ କରିବା ପାଇଁ ମୋହନ ସରକାର ବ୍ୟାପକ ବ୍ୟବସ୍ଥା ମାନ ଗ୍ରହଣ କରିଛନ୍ତି। ମଣ୍ଡିରେ ଧାନ ସଂଗ୍ରହ ବ୍ୟବସ୍ଥାର ବର୍ତ୍ତମାନର ସ୍ଥିତି ଓ ଅଗ୍ରଗତି ସମ୍ପର୍କରେ ଅବଗତ ହେବା ନିମନ୍ତେ ଯୋଗାଣ ମନ୍ତ୍ରୀଙ୍କ ଅଚାନକ ପରିଦର୍ଶନ କରିଥିଲେ। ନୟାଗଡ଼ ଜିଲ୍ଲା ରଣପୁର ବ୍ଲକ ଅନ୍ତର୍ଗତ ନରସିଂହପୁର ଠାରେ ଥିବା ଧାନ ମଣ୍ଡିକୁ ବୁଧବାର ଦିନ ପରିଦର୍ଶନ କରିଥିଲେ ଯୋଗାଣ ମନ୍ତ୍ରୀ କୃଷ୍ଣ ଚନ୍ଦ୍ର ପାତ୍ର । ଧାନ ସଂଗ୍ରହ ପ୍ରକ୍ରିୟାର ସମୀକ୍ଷା କରିବା ସହିତ ଧାନକୁ ଭଳି ଚାଷୀ ମାନେ ବିକ୍ରୟ କରି ଉଚିତ ମୂଲ୍ୟ ପାଇ ପାରିବେ ସେହି ସମ୍ପର୍କରେ ବୁଝିଥିଲେ । ଏହି ଅବସରରେ ଉକ୍ତ ମଣ୍ଡିରେ ଉପସ୍ଥିତ ଥିବା ଚାଷୀ ଭାଇଭଉଣୀଙ୍କ ସହ ସେମାନଙ୍କ ସୁବିଧା ଓ ଅସୁବିଧା ସମ୍ପର୍କରେ ପଚାରି ବୁଝିବା ସହ ଧାନର ମାନ ଓ କ୍ରୟ ପ୍ରକ୍ରିୟା ସମ୍ବନ୍ଧରେ ଆଲୋଚନା କରିଥିଲେ। ଚାଷୀମାନେ ଯେପରି ସୁରୁଖୁରୁରେ ଓ ଉଚିତ ସମୟରେ ନିଜ ଧାନ ବିକ୍ରି କରିପାରିବେ, ସେଥି ନିମନ୍ତେ ଉପସ୍ଥିତ ଅଧିକାରୀମାନଙ୍କୁ ଆବଶ୍ୟକୀୟ ନିର୍ଦ୍ଦେଶ ଦେଇ ଥିଲେ।ଚାଷୀମାନେ ବିନା ଅସୁବିଧାରେ ଧାନ ବିକ୍ରୟ କରିପାରିବେ। ବିଳମ୍ବ କିମ୍ବା ସମସ୍ୟା ଯୋଗୁଁ କୌଣସି ଚାଷୀକୁ ବାଦ ଦିଆଯିବ ନାହିଁ। ଟୋକନ ସମୟ ସମାପ୍ତ ହୋଇଗଲେ ମଧ୍ୟ ଏହା ଆହୁରି ୧୫ ଦିନ ବୃଦ୍ଧି ହେବ ବୋଲି ଲୋକଙ୍କୁ ବୁଝାଇ ଥିଲେ । ନରସିଂହପୁର ସହିତ ରଙ୍କଦେଉଳି ଗ୍ରସ୍ତ କରି ମଧ୍ୟ ଧାନ ମଣ୍ଡି ପରିଦର୍ଶନ କରିବା ସହିତ ସ୍ଥାନୀୟ ଲୋକଙ୍କ ସୁବିଧା ଅସୁବିଧା ସଂପର୍କରେ ପଚାରି ବୁଝି ଥିଲେ । ମନ୍ତ୍ରୀଙ୍କ ଏହି ପରିଦର୍ଶନସାହସ ହରେଇ ଦେଇଥିବା ଚାଷୀଙ୍କ ମନରେ ଆଶାର ସଂଚାର ହେବା ସହ ସେମାନେ ଧାନ ବିକିବା ଓ ଟୋକେନ ଅବଧି ସରିଯିବା ନେଇ ଯେଉଁ ଦ୍ୱନ୍ଦ୍ୱ ରେ ପଡ଼ିଥିଲେ ତାହାର ସମାଧନ ହୋଇଛି ମନ୍ତ୍ରୀଙ୍କ ବିବୃତି ପରେ |