Odisha Janamata : ଟ୍ରକ ଧକ୍କାରେ ସେନାଗାଡ଼ିର 20ଆହାତ, ଚମ୍ପୁଆ ମେଡିକାଲ ରେ ଭର୍ତ୍ତି |

ଟ୍ରକ ଧକ୍କାରେ ସେନାଗାଡ଼ିର 20ଆହାତ, ଚମ୍ପୁଆ ମେଡିକାଲ ରେ ଭର୍ତ୍ତି |

01-Feb-2026

ପଛରୁ ଧକ୍କା ଦେଲା ଟ୍ରକ,
ଦୁର୍ଘଟଣା ହେଲା ଯବାନ ଙ୍କ ଗାଡି,

ଓଡିଶା ଜନ ମତ ବ୍ୟୁରୋ,

ଚମ୍ପୁଆ ଥାନା ଅଧୀନସ୍ତ ରିମୁଳି ରାଜାମୁଣ୍ଡା ଜାତୀୟ ରାଜପଥର ନାରଦପୁର ଠାରେ ଓ ଆଇଏସ୍ଏଫ, ଯବାନଙ୍କୁ ନେଇ କେନ୍ଦୁଝର ଯାଉଥିବା ଗାଡି ଆଜି ଦୁର୍ଘଟଣା ଗ୍ରସ୍ତ ହୋଇଥିବା ବେଳେ ଉକ୍ତ ଗାଡିରେ ଥିବା ୨୭ ଜଣ ଯଦାନଙ୍କ ମଧ୍ୟରୁ ପ୍ରାୟ ୨୦ ଜଣ ଯଦାନ ଆହାତ ହୋଇଥିବା ଜଣାଯାଇଛି । ସୂଚନା ଅନୁସାରେ ଓଏମସି ନୂଆଲି ଅଂଚଳରୁ ଓଡି-୧୩ ଏନ୍- ୦୦୫୪ ସୋହନପୁଅମା ନାମକ ଏକ ଷ୍ଟାର ବସରେ ପ୍ରାୟ ୨୭ଜଣ ଯବାନ କେନ୍ଦୁଝର ଅଂଚଳକୁ ଟ୍ରେନିଂ
ପାଇଁ ଯାଉଥିବା ବେଳେ ନାରଦପୁର ନିକଟରେ ଏକ ଟ୍ରକ ତାଙ୍କୁ ପଛ ଆଡ଼ୁ ଧକ୍କା ଦେଇଥିଲା । ଫଳରେ ଉକ୍ତ ଯବାନ ଥିବା ଗାଡିଟି ଭାରସାମ୍ୟ ହରାଇ ଆଗରେ ଯାଉଥିବା ଏକ ଟ୍ରକ ସହ ଧକା ହୋଇଥିଲା । ଆଗରେ ଯାଉଥିବା ଟ୍ରକ ନଂ ଜେଏଡ୍ ୧୦ ସିପି ୨୭୩୦ ସହ ବାଡେଇ ହେବାରୁ ଗାଡି ଭିତରେ ଥିବା ଯବାନ ମାନେ ଆହାତ ହୋଇଥିଲେ । ଖବର ପାଇ ଚମ୍ପୁଆ ଥାନା ଅଧିକାରୀ ସୈରୁ ପରଂଜନ ନାଏକ ସଦଳବଳେ ଘଟଣା ସ୍ଥଳରେ ପହଁଚି ଯବାନ ମାନଙ୍କୁଉଦ୍ଧାର କରିବା ସ‌ହିତ ବାସୁଦେବପୁର ଓ ଚମ୍ପୁଆ ଚିକିତ୍ସାଳୟକୁ ଚିକିତ୍ସା ପାଇଁ ପଠାଇଥିଲେ । ଏହା ସହିତ ଯାନବାହାନ ଚଳାଚଳକୁ ଆଖ୍ ଆଗ ରେ ରଖି ତୁରନ୍ତ କ୍ରେନ ଯୋଗେ ଦୁର୍ଘଟଣା ଗ୍ରସ୍ତ ଗାଡିକୁ ସୁରକ୍ଷିତ ଜାଗାକୁ ସ୍ଥାନାନ୍ତଚିତ କରାଯାଇଥିଲା । ଦୁର୍ଘଟଣା ଘଟିବା ପରେ ସେଠାରେ ।ସାମାନ୍ୟ ଉତେଜନା ପ୍ରକାଶ ପାଇଥିବା ବେଳେ ପୋଲିସର ବୁଝାସୁଝା ପରେ ଉତେଜନା ହ୍ରାସ ପାଇଥିଲା । ଏ ନେଇ ଚମ୍ପୁଆ ପେଲିସ କେସ ନ ନମ୍ବର ୩/ ୨୬ ଗୁଜୁ କରି ଘଟଣାର ତଦନ୍ତ ଆରମ୍ଭ କରିଛନ୍ତି ।