ଋଷିକୂଲ୍ୟା ରୟତ ମହାସଭା ତରଫରୁ ପୁରୁଷୋତ୍ତମପୁର ବ୍ଳକ ଓ ଏନଏସିରେ ଧାନ ମଣ୍ଡି ଖୋଲା ଯାଇନଥିବାରୁ ବିଡ଼ିଓ ଙ୍କୁ ଦାବିପତ୍ର ପ୍ରଦାନ |
26-Dec-2025
ପୁରୁଷୋତ୍ତମପୁର ବ୍ଲକ ଓ ଏନଏସି ରେ ଧାନ ମଣ୍ଡି ଖୋଲି ନଥିବାରୁ ଚାଷୀ ମାନେ ବିଡ଼ିଓ ଙ୍କୁ ଦେଲେ ଦାବି ପତ୍ର |
ଓଡିଶା ଜନ ମତ ବ୍ୟୁରୋ
ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ବ୍ଲକ ଓ ଏନଏସି ରେ ମଣ୍ଡି ଖୋଲା ଯାଇନଥିବାରୁ ଋଷିକୁଲ୍ୟା ରୟତ ମହାସଭା ର ସମ୍ପାଦକ ସିମାଞ୍ଚଳ ନାହାକ ଙ୍କ ସଂଯୋଜନା ରେ ବହୁ ଚାଷୀ କାକୀ ମନ୍ଦିର ଛକ ଠାରୁ ବାହାରି ବ୍ଳକ ଅଫିସ ଠାରେପହଞ୍ଚି ବିଡ଼ିଓ ଙ୍କୁ ଏକ ଦାବିପତ୍ର ପ୍ରଦାନ କରିଥିଲେ |ସେମାନେ ଦାବିପତ୍ର ଦେବାସହ ବିଡ଼ିଓ ଶରତ କୁମାର ପାତ୍ର ଙ୍କ ସହ ଖୁବଶୀଘ୍ର ମଣ୍ଡି ଖୋଲିବା ନେଇ ଆଲୋଚନା କରିଥିଲେ | ଜିଲ୍ଲାରେ ଯଦିଓ ଗତ 23 ତାରିଖରୁ ମଣ୍ଡି ଖୋଲାଯାଇଛି କିନ୍ତୁ ବର୍ତ୍ତମାନ ପର୍ଯ୍ୟନ୍ତ ପୁରୁଷୋତ୍ତମପୁର ବ୍ଳକ କିମ୍ବା ଏନଏସିରେ ମଣ୍ଡି ଖୋଲାଯାଇନାହିଁ । ଯାହାଫଳରେ ଶହ ଶହ ଚାଷୀ ମାନଙ୍କ କୁଇଣ୍ଟାଲ,କୁଇଣ୍ଟାଲ ଧାନ ଚାଷ ଜମିରେ ତ ଆଉ କାହାର ଘର ବାରଣ୍ଡାରେ ପଡ଼ିରହିଛି । ଆଗାମୀ ଦିନରେ ବର୍ଷା ହେବା ସମ୍ଭାବନା ନେଇ ପାଣିପାଗ ବିଭାଗ ସତର୍କ ସୂଚନା ଦେଉଥିବା ବେଳେ ଯଦି ଖୁବଶୀଘ୍ର ମଣ୍ଡି ନ ଖୋଲିବ ତେବେ ବର୍ଷାରେ ନଷ୍ଟ ହୋଇଯିବ କୁଇଣ୍ଟାଲ କୁଇଣ୍ଟାଲ ଧାନ ନଷ୍ଟ ହୋଇ ଯିବ । ତେଣୁ ବର୍ଷ କର ପାଚିଲା ଅମଳ ଧାନ ଅକାରଣ ରେ ନଷ୍ଟ ହୋଇ ଯିବା ପୂର୍ବରୁ ଖୁବଶୀଘ୍ୟ ମଣ୍ଡି ଖୋଲାଯାଉ ବୋଲି ଦାବି କରିଛି ମହାସଭା । ଏହାଛଡ଼ା ଚାଷୀ ମାନଙ୍କୁ ମଣ୍ଡିରେ ଧାନ ନ ଦେଇ ସିଧାସଳଖ ମିଲ୍ରେ ଦେବା ପାଇଁ ମିଲର ମାନେ କହୁଛନ୍ତି । ଯାହାଫଲରେ ଚାଷୀ ମାନେ ବହୁତ କ୍ଷତି ସହିବେ । ତେଣୁ ଏଭଳି ବ୍ୟବସ୍ଥା ନ କରି ମଣ୍ଡିକୁ ଖୁବଶୀଘ୍ର ଖୋଲାନଗଲେ ଆଗାମୀ ଦିନରେ ଚାଷୀଙ୍କୁ ଧରି ରାଜରାସ୍ତାକୁ ଓହ୍ଲାଇ ଆନ୍ଦୋଳନ କରିବା ନିମନ୍ତେ ଋଷିକୂଲ୍ୟା ଋୟତ ମହାସଭା ଚେତାବନୀ ଦେଇଛନ୍ତି । ସେପଟେ ପୁରୁଷୋତ୍ତମପୁର ବ୍ଳକରେ ରହିଥିବା 26ଟି ପଞ୍ଚାୟରେ 29ଟି ମଣ୍ଡି ଖୋଲାଯିବ ଓ 29ଟି ମଣ୍ଡି ମଧ୍ୟରୁ 14ଟି ମଣ୍ଡି ସ୍ବୟଂ ସହାୟକ ଗୋଷ୍ଠୀ ଦ୍ବାରା ପରିଚାଳିତ ହେବାକୁ ଥିବା ବେଳେ ଅନ୍ୟ 15ଟି ମଣ୍ଡିକୁ ସୋସାଇଟି ପରିଚାଳନା କରିବେ । ଏନେଇ ସମସ୍ତ ପ୍ରକାରର ପ୍ରସ୍ତୁତି ଶେଷ ହୋଇଛି ବୋଲି ବିଡ଼ିଓ କହିଛନ୍ତି । ଟୋକେନ ନ ମିଳିଥିବାରୁ ବିଳମ୍ବ ହେଲା ଖୁବଶୀଘ୍ର ମଣ୍ଡି ଖୋଲାଯିବା ସହିତ କିଭଳି ଚାଷୀ ମାନେ ନିଜର ଧାନକୁ ମଣ୍ଡିରେ ଆଣି ଦେଇପାରିବେ ସେ ନେଇ ମଧ୍ୟ ବ୍ୟବସ୍ଥା କରାଯାଇଛି । ଏହାସହ ସୁରୁଖୁରୁରେ ମଣ୍ଡିରେ ଧାନ ଗ୍ରହଣ କରାଯାଇପାରିବ ସେ ନେଇ ମଧ୍ୟ ବ୍ଳକ ପ୍ରଶାସନ ସମ୍ପୂର୍ଣ୍ଣ ତତ୍ପର ରହି କାମ କରୁଛି ବୋଲି କହିଛନ୍ତି ପୁରୁଷୋତ୍ତମପୁର ବିଡ଼ିଓ ।
ଆଜିର ଏହି କାର୍ଯ୍ୟକ୍ରମ ରେ ଋଷିକୁଲ୍ୟା ରୟତ ମହାସଭା ର ସମ୍ପାଦକ ସିମାଞ୍ଚଳ ନାହାକ ଙ୍କ ସହିତ ପୁରୁଷୋତ୍ତମପୁର ସପନେଶ୍ୱର କୃଷକ ସଙ୍ଘର ସଭାପତି ଏ ମକୁନ୍ଦ ରାଓ, ସମ୍ପାଦକ କିଶୋର ଚନ୍ଦ୍ର ଶାସମାଲ କୋଷାଧକ୍ଷ ରମେଶ ଚନ୍ଦ୍ର ଗୌଡ଼, ଦେବରାଜ ମଣ୍ଡଳ,ବିନାୟକ ଆଚାର୍ଯ୍ୟ, ସନ୍ତୋଷ ବେହେରା ଙ୍କ ସହ ଅନେକ ଚାଷୀ ଉପସ୍ଥିତ ଥିଲେ |
Breaking
News