Odisha Janamata : ଜିତେନ୍ଦ୍ର ମହାରଣା ସ୍ମାରକୀ ନୂଆଗାଁ ପ୍ରିମିୟର ଲିଗ 2025ଉଦଘାଟିତ |

ଜିତେନ୍ଦ୍ର ମହାରଣା ସ୍ମାରକୀ ନୂଆଗାଁ ପ୍ରିମିୟର ଲିଗ 2025ଉଦଘାଟିତ |

27-Dec-2025

ଜିତେନ୍ଦ୍ର ମହାରଣା ସ୍ମାରକୀ ନୂଆଗାଁ ପ୍ରିମିୟର ଲିଗ -2025 ଉଦଘାଟିତ ::ଭାଇଚାରା ଭାବ ନେଇ ଖେଳ ଖେଳିବାକୁ ଆହ୍ୱାନ

ଓଡିଶା ଜନମତ, ଖୋର୍ଦ୍ଧା, ଗୋପାଲକୃଷ୍ଣ ପ୍ରଧାନ,

ଖୋର୍ଦ୍ଧା ବ୍ଲକ ଟାଙ୍ଗିଆପଡା ପଞ୍ଚାୟତ ଅନ୍ତର୍ଗତ ଉଇଲ କିଶନ ନଗର ଠାରେ ଆଜି ଆରମ୍ଭ ହୋଇଥିବା ଜିତେନ୍ଦ୍ର ମହାରଣା ସ୍ମାରକୀ ନୂଆଗାଁ ପ୍ରିମିୟର ଲିଗ ସିଜିନ -3 ର ଉଦଘାଟନ ଉତ୍ସବ ଅନୁଷ୍ଠିତ ହୋଇଯାଇଛି l ଗ୍ରାମର ଯୁବ କ୍ରୀଡ଼ାବିତ ସତ୍ୟନାରାୟଣ ସୁନ୍ଦରାୟ ଙ୍କ ସଂଯୋଜନା ରେ ଉଦଘାଟନ ଉତ୍ସବ ରେ ଅତିଥି ରୂପେ ପୁରୋହିତ ଆଲୋକ ନନ୍ଦ,ଗ୍ରାମର ତୁଷାରକାନ୍ତ ବିଶ୍ୱାଳ, ଆକାଶ କୁମାର ବିଶ୍ୱାଳ, ଗୋପାଲକୃଷ୍ଣ ପ୍ରଧାନ,ମନୋରଞ୍ଜନ ପ୍ରଧାନ,ସତ୍ୟଜିତ ସାହୁ, ସୁଦର୍ଶନ ବିଶ୍ୱାଳ, ତୁଷାର ସୁନ୍ଦରାୟ, ପ୍ରମୁଖ ଯୋଗଦେଇ ଉଦଘାଟନ କରିବା ସହିତ ଗ୍ରାମର ପିଲାଙ୍କ ଏକତା, ଭାଇଚାରା ମନୋଭାବ ଦ୍ୱାରା ଏଭଳି କ୍ରୀଡା ଦୀର୍ଘ 3 ବର୍ଷ ହେବ ଶାନ୍ତି ଶୃଙ୍ଖଳା ସହିତ ହେଉଥିବାରୁ ପ୍ରଶଂସା କରିଥିଲେ l ଗ୍ରାମର ଛୋଟ ବଡ଼ 100 ଜଣ ଯୁବକ ମାନଙ୍କ ଦ୍ୱାରା 4 ଟି ଟିମ ଗଠନ କରାଯାଇ ଏହି ଖେଳ ହୋଇଥିଲା l ପ୍ରଥମେ ଅଁଳାଇ ୱାରିୟର ର କ୍ୟାପଟେନ ଧର୍ମେନ୍ଦ୍ର ବିଶ୍ୱାଳ, ଓ ୟୌଙ୍ଗ ଫାଇଟର କ୍ୟାପଟେନ ଦେବାଶିଷ ବିଶ୍ୱାଳ ଙ୍କ ଟିମ ମଧ୍ୟରେ 10 ଓଭର ବିଶିଷ୍ଠ ଖେଳ ରେ ୟୌଙ୍ଗ ଫାଇଟର ଦଳ ପ୍ରଥମେ 5 ଉଇକେଟ ବିନିମୟରେ 97 ରନ କରିଥିଲା ବେଳେ ଜବାବ ରେ ଅଁଳାଇ ୱାରିୟର 9 ଓଭର ଖେଳି 4 ଉଇକେଟ ବିନିମୟରେ 98 ରନ ବିଜୟୀ ହୋଇଥିଲେ l ଦ୍ୱିତୀୟ ଭାଗ ଖେଳ ରେ ଚନ୍ଦ୍ରଶେଖର ୱାରିୟର ର କ୍ୟାପଟେନ ମହେଶ୍ୱର ସ୍ୱାଇଁ ଓ ଷ୍ଟାର ଇଲେଭେନ କ୍ୟାପଟେନ ସାଗର ବଳିୟାରସିଂହ ଙ୍କ ନେତୃତ୍ୱରେ ସଂଘର୍ଷ ପୂର୍ଣ୍ଣ ଖେଳ ହୋଇଥିଲା l ଚନ୍ଦ୍ରଶେଖର ୱାରିୟର ଟିମ 10 ଓଭର ଖେଳି 7 ଉଇକେଟ ବିନିମୟ ରେ 109 ରନ କରିଥିଲା ବେଳେ ଜବାବ ରେ ଷ୍ଟାର ଇଲେଭେନ ଟିମ 10 ଓଭର ଖେଳି 4 ଉଇକେଟ ବିନିମୟରେ 110 ରନ କରି ବିଜୟୀ ହୋଇଥିଲେ l ସେହିପରି ୩ ୟ ରାଉଣ୍ଡ ଖେଳ ରେ ଚନ୍ଦ୍ରଶେଖର ଦଳ 10 ଓଭର ଖେଳି 4 ଉଇକେଟ ବିନିମୟରେ 87 ରନ କରିଥିଲା ବେଳେ ୟୌଙ୍ଗ ଫାଇଟର ବିନା ଉଇକେଟ ରେ 9 ଓଭର ଖେଳି ଆବଶ୍ୟକ 88 ରନ କରି ବିଜୟୀ ହୋଇଥିଲେ lଅମ୍ପିୟାର ଭାବେ ମିହିର ପ୍ରଧାନ, ଅଶୋକ ପ୍ରଧାନ, ସୌମ୍ୟରଞ୍ଜନ ସାହୁ, ମହେଶ ସ୍ୱାଇଁ,ଖେଳ ପରିଚାଳନା କରିଥିଲା ବେଳେ ଭାଷ୍ୟକାର ଭାବେ ଦିପେଶ ବେହେରା, ପ୍ରଶାନ୍ତ ନାଟୁଆ ସହଯୋଗ କରଥିଲେ lପିଲାଙ୍କ ଦ୍ୱାରା ଏହି ଖେଳକୁ ଦେଖିବାକୁ ଆଖପାଖ ଅଞ୍ଚଳ ର ଅନେକ କ୍ରୀଡ଼ାବିତ ଯୋଗଦେଇଥିଲେ l ଆସନ୍ତା କାଲି ଫାଇନାଲ ଖେଳ ହେବ ବୋଲି ଉପେନ୍ଦ୍ର ସାହୁ, ସତ୍ୟନାରାୟଣ ସୁନ୍ଦରାୟ ସୂଚନା ଦେଇଛନ୍ତି l