Odisha Janamata : ଡ଼ି ଆଇ ଇ ଟି ରେ ପ୍ରଶକ୍ଷିଣ ଗ୍ରହଣ କରିଥିବା 2007-/ 2009-ବ୍ୟାଚର ବନ୍ଧୁ ମିଳନ |

ଡ଼ି ଆଇ ଇ ଟି ରେ ପ୍ରଶକ୍ଷିଣ ଗ୍ରହଣ କରିଥିବା 2007-/ 2009-ବ୍ୟାଚର ବନ୍ଧୁ ମିଳନ |

22-Dec-2025

ଡି.ଆଇ.ଇ.ଟି. ରେ ପ୍ରଶିକ୍ଷଣ ଗ୍ରହଣ କରିଥିବା ୨୦୦୭-୨୦୦୯ ବ୍ୟାଚର ବନ୍ଧୁ ମିଳନ,

ଓଡିଶା ଜନ ମତ ବ୍ୟୁରୋ,

ସମାଜରେବନ୍ଧୁତାଠୁ ମୂଲ୍ୟବାନ ପଦାର୍ଥ କିଛି ନାହିଁ, ବନ୍ଧୁ ପ୍ରତି ବନ୍ଧୁର ଭଲପାଇବା କାଳେ କାଳେ ଅତୁଟ ରହିଥାଏ । ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ, ଖଲ୍ଲିକୋଟ ଠାରେ ଗତ ୨୦୦୭ ଠାରୁ ୨୦୦୯ ମଧ୍ୟରେ ପ୍ରଶିକ୍ଷଣ ଗ୍ରହଣ କରୁଥିବା ପ୍ରଶିକ୍ଷାର୍ଥୀ ବନ୍ଧୁତାର ସୁମଧୁର ବନ୍ଧନରେ ବାନ୍ଧି ହୋଇ ଆଜି ଆସ୍କା ନିକଟସ୍ଥ କରଞ୍ଜେଇ ପୀଠରେ ଏକ ବନ୍ଧୁ ମିଳନ କାର୍ଯ୍ୟକ୍ରମରେ ସମସ୍ତେ ସାମିଲ୍ ହୋଇଥିଲେ । ଆଜିକାର ଏପ୍ରକାର ବନ୍ଧୁ ମିଳନ ୧୩ ତମ ହୋଇଥିବା ବେଳେ ପାରସ୍ପରିକ ଉତ୍ସାହ ଉଦ୍ଦୀପନା ଭିତରେ ଏଭଳି ବିରଳ ବନ୍ଧୁତା ପରିଲକ୍ଷିତ ହୋଇଥିଲା । ସର୍ବୋପରି ଅନ୍ତରଙ୍ଗ ସମ୍ପର୍କ ବନ୍ଧୁତାର ନିଦର୍ଶନରୁ ପାରସ୍ପରିକ ଐକ୍ୟ ଭାବ ସୁସ୍ପଷ୍ଟ ହୋଇଥିଲା । ରଘୁନାଥ ପଣ୍ଡା, ତ୍ରିଲୋଚନ ସାହୁ ଏବଂ ପ୍ରଶାନ୍ତ କୁମାର ସେଠୀଙ୍କ ତତ୍ତ୍ଵାବଧାନରେ ବନ୍ଧୁମିଳନ କାର୍ଯ୍ୟକ୍ରମ ଆନୁଷ୍ଠାନିକ ରୀତିରେ ଅନୁଷ୍ଟିତ ହୋଇଥିଲା l ଏହି ବନ୍ଧୁ ମିଳନ କାର୍ଯ୍ଯକ୍ରମରେ ବହୁ ଦୂର ଦୂରାନ୍ତରୁ ଆସ ଥିବା ବନ୍ଧୁଙ୍କ ସହିତ ବର୍ଷକୁ ଥରେ ଭେଟଘାଟର ସୁବିଧା ସୁଯୋଗ ଉପଲବ୍ଧ ହୋଇ ଥିବାରୁ ଅନେକେ ଏନେଇ ଅତ୍ୟନ୍ତ ଆନନ୍ଦିତ ହୋଇଥିଲେ l
ବନ୍ଧୁମାନେ ରୁଚି ପୂର୍ଣ୍ଣ ଭୋଜନ ପର୍ବରେ ଆପ୍ୟାୟିତ ହେବା ପରେ ଏକ ବୈଠକର ଆୟୋଜନ କରି ପୁରୁଣା ଦିନର ସ୍ମୃତି ସବୁକୁ ମନେ ପକାଇଥିଲେ ।
ଅନୁଷ୍ଠିତ ବନ୍ଧୁ ମିଳନ କାର୍ଯ୍ଯକ୍ରମରେ ପ୍ରଶାନ୍ତ କୁମାର ସେଠୀ, ତ୍ରିଲୋଚନ ସାହୁ, ରଘୁନାଥ ପଣ୍ଡା, ପୂର୍ଣ୍ଣ ଚନ୍ଦ୍ର ମୁଦୁଲି, ପ୍ରମୋଦ ପ୍ରଧାନ, ନାରାୟଣ ଦାସ, ପ୍ରଭାତ ରାଉଳ, ଜିତେନ୍ଦ୍ର ବେହେରା, ସୁଶାନ୍ତ ବେହେରା, ମାନସ ଡାଙ୍ଗୁଆ, ରାମକୃଷ୍ଣ ଆଚାର୍ଯ୍ୟ, ସଞ୍ଜୟ ବାଲା, ଉମା ଶଙ୍କର ସାହୁ, ମଙ୍ଗୁଳୁ ନାୟକ, ସରୋଜ ଜେନା, ଭଗବାନ ପଲେଇ, ଭଗବାନ ଗୌଡ, ଧରଣୀଧର ନାୟକ, ରମାକାନ୍ତ ନାୟକ ପ୍ରମୁଖ ଯୋଗଦାନ କରିଥିଲେ l