Odisha Janamata : ଟ୍ରର୍ଚ୍ଚ ଆଲୁଅ ଆଉ ମହମବତୀରେ ଗ୍ରାମବାସୀ ଙ୍କ କଟୁଛି ଜୀବନ

ଟ୍ରର୍ଚ୍ଚ ଆଲୁଅ ଆଉ ମହମବତୀରେ ଗ୍ରାମବାସୀ ଙ୍କ କଟୁଛି ଜୀବନ | ଆଲୁଅ ଏଠି ସାତ ସପନ ||

06-Dec-2025

ଗ୍ରାମବାସୀ ଙ୍କ ଅନ୍ଧାରରେ ବିତୁଛି ଜୀବନ, ବିଜୁଳି ଆଲୁଅ ତାଙ୍କ ପାଇଁ ସାତ ସପନ,

ଓଡିଶା ଜନ ମତ ବ୍ୟୁରୋ,

ରାଜ୍ୟ ସରକାର ରାଜ୍ୟର ସବୁ ଜିଲ୍ଲା ର ମଫସଲ ଠାରୁ ଆରମ୍ଭ କରି ସହର ପର୍ଯ୍ୟନ୍ତ ସବୁଠାରେ ବିଜୁଳି କନେକ୍ସନ ରହିଥିଲା ବେଳେ ସେଥିରୁ ବଞ୍ଚିତ ହୋଇଛନ୍ତି ଗଞ୍ଜାମ ଜିଲ୍ଲାର ଏକ ଗାଁର ଗ୍ରାମବାସୀ | ଦେଶ ସ୍ୱାଧୀନତାର ୭୮ବର୍ଷ ପରେ ବି ବିଜୁଳି ଆଲୁଅ ଦେଖୁ ନାହାନ୍ତି ଲୋକେ।ପାହାଡ ଜଙ୍ଗଲ ଘେରା ଆଦିବାସୀ ଗ୍ରାମରେ ଅନ୍ଧକାର ଭିତରେ ଜଂଗଲୀ ଜୀବନ ବିତାଉଛନ୍ତି ଲୋକେ।ଆଜିବି ଗାଁରେ ସରକାରଙ୍କ ଶିକ୍ଷା ସ୍ଵାସ୍ଥ୍ୟ, ଗମନାଗମନ, ବିଜୁଳି ଆଲୁଅ ଭଳି କୌଣସି ମୌଳିକ ସୁବିଧା ପହଞ୍ଚି ପାରିନି ସେହି ଗାଁରେ । ପ୍ରତି ଘର ଆଗରେ ପୋତା ଯାଇଛି ସୋଲାର ପ୍ୟାନେଲ Iତାର ପଡିଛି ବଲବ ଝୁଲୁଛି।କିନ୍ତୁ ଆଲୁଅର ଦେଖା ନାହିଁ ।ଘର ଭିତର ପୁରା ଅନ୍ଧାର । କିଏ ମହମ ବତୀ ଜଳାଇ ପାଠ ପଢୁଛି ତ କିଏ ମୋବାଇଲ ଆଲୁଅ ରେ ରୋଷେଇ କରୁଛି । ଏ ଦୃଶ୍ୟ ହେଉଛି ଗଞ୍ଜାମ ଜିଲ୍ଲା ସୋରଡା ବ୍ଲକଲାଠିପଡ଼ା ପଞ୍ଚାୟତ ବଲାଦୁ ଗାଁର । ପଞ୍ଚାୟତ କାର୍ଯ୍ୟାଳୟ ଠାରୁ ୧୫ କିଲୋମିଟର ଦୂରରେ ରହିଛି ବଲାଦୁ ଗାଁ ।ଏହି ଗାଁକୁ ଆସିବାକୁ ହେଲେ ରଗଡା ଗାଁ ଠାରୁ ଜଙ୍ଗଲ ମଧ୍ୟରେ ଚାରି କିଲୋମିଟର ଖାଲ ଢିପ ପଥରୁଆ ମାଟି ରାସ୍ତାରେ ଅତିକ୍ରମ କରି ଯିବାକୁ ପଡ଼ିବ । ଏଠି ୪୨ଟି ଆଦିବାସୀ ପରିବାରର ଛୋଟ ରୁ ବଡ ୧୫୦ ରୁ ଉଦ୍ଧ ଲୋକେ କାହିଁ କେତେ ବର୍ଷରୁ ରହି ଆସୁଛନ୍ତି । ଜୀବିକା କହିଲେ ଚାଷ ବାସ Iଗମନାଗମନର ସୁବିଧା ନାହିଁ , ଆମ୍ବୁଲାନ୍ସ ଆସି
ପାରୁନି, ଅଙ୍ଗନବାଡ଼ି କି ବିଦ୍ୟାଳୟ ନାହିଁ, ପିଲାଏ ଆଶ୍ରମ ସ୍କୁଲରେ ରହି ପାଠ ପଢୁଛନ୍ତି । ବିଦ୍ୟୁତ୍ ପହଞ୍ଚି ନଥୁବାରୁ ଗାଁର ଛୋଟ ଛୋଟ ପିଲାଏ ସନ୍ଧ୍ୟା ହେଲେ ମହମବତୀ ଜଳାଇ ପାଠ ପଢୁଛନ୍ତି। ଘରେ ମହିଳା ମାନେ ରାତି ହେଲେମୋବାଇଲ ଓ ଟ୍ରଚ୍ ଆଲୁଅ ରେ ରୋଷେଇ ବାସ କରୁଛନ୍ତି । ବନ୍ୟଜନ୍ତୁ ଗାଁ ମୁହାଁ ହେଉଥିବାରୁ ଭୟରେ ସନ୍ଧ୍ୟା ହେଲେ ଗାଁରେ ପଡ଼ି ଯାଉଛି ତାଟି କବାଟ।ରାତିରେ ଶୀତ ଦାଉରୁ ରକ୍ଷା ପାଇବା ପାଇଁ ଦାଣ୍ଡରେ ନିଆଁ ଜାଳି ବସନ୍ତି ଲୋକେ ।ସମସ୍ୟା ସମ୍ପର୍କରେ ଅନେକବାର ପ୍ରଶାସନ ନ କୁ ଗୁହାରି କଲେ ମଧ୍ୟ ମିଳୁନି ସୁଫଳ ।ବିଜୁଳି ଆଲୁଅ ପହଞ୍ଚାଇବାକୁ ସରକାରଙ୍କୁ ଦାବି କରିଛନ୍ତି ଲୋକେ |
ଖାଲି ଏତିକି ରେ ସମସ୍ୟା ସରିନି ଏଠାରେ ବସବାସ କରୁଥିବା ସମସ୍ତ ଲୋକେ ଶ୍ରମିକ ଶ୍ରେଣୀର ହୋଇଥିବାରୁ ସରକାର ଜବ କାର୍ଡ ପ୍ରଦାନ କରିଛନ୍ତି କିନ୍ତୁ ମନରେଗା ଯୋଜନାରେ ଶ୍ରମିକ ମାନଙ୍କୁ ଚାରି ବର୍ଷ ହେଲା କିଛିବି କାମ ମିଳିନି । ଗାଁ ରାସ୍ତାରେ ମାଟି ମୁଠାଏ ବି ପଡିନି ।ବହୁ କଷ୍ଟ ରେ ଖାଲ ଢେପ ରାସ୍ତାରେ ଯା ଆସ କରୁଛନ୍ତି ଲୋକେ । ଏନେଇ ବାରମ୍ବାର ପ୍ରଶାସନକୁ ଅଭିଯୋଗ କଲେ। ମଧ୍ଯ କେହି ଗୁହାରି ଶୁଣି ନଥିବା ଅଭିଯୋଗ ହୋଇଛି । କେବେ ଏଇ ଗାଁକୁ ମିଳିବ ସେମାନଙ୍କ ମୌଳିକ ଅଧିକାର ତାହାକୁ ହିଁ ଦେଖିବା କଥା |