18-Nov-2025

ଖୋର୍ଦ୍ଧା ଜିଲ୍ଲା ସ୍ତରୀୟ ୭୨ ତମ ନିଖିଳ ଭାରତ ସମବାୟ ସପ୍ତାହ -୨୦୨୫ ପାଳନ ::ଚାଷୀଙ୍କ ସମସ୍ୟା ଓ ଦୁଃଖ ବୁଝି ସମସ୍ୟା ର ସମାଧାନ କର=ଉପଜିଲ୍ଲାପାଳ

ଓଡିଶା ଜନମତ, ଖୋର୍ଦ୍ଧା, ଗୋପାଲକୃଷ୍ଣ ପ୍ରଧାନ

ଖୋର୍ଦ୍ଧା ଉପନିବନ୍ଧକ ସମବାୟ ସମିତି ସମୂହ ଖୋର୍ଦ୍ଧା ବିଭାଜନ ଓ କେନ୍ଦ୍ର ସମବାୟ ବ୍ୟାଙ୍କ ମିଳିତ ଅନୁକୁଲ୍ୟରେ ଜୟୀ ରାଜଗୁରୁ ଟାଉନ ହଲ,ଖୋର୍ଦ୍ଧା ଠାରେ ୭୨ ତମ ନିଖିଳ ଭାରତ ସମବାୟ ସପ୍ତାହ -୨୦୨୫ ପାଳିତ ହୋଇଯାଇଛି । ଖୋର୍ଦ୍ଧା କେନ୍ଦ୍ର ସମବାୟ ବ୍ୟାଙ୍କର ସଭାପତି ଅଭିଷେକ ସିଂହ ସାମନ୍ତଙ୍କ ସଭାପତିତ୍ୱ ରେ ମୁଖ୍ୟ ଅତିଥି ରୂପେ ଉପଜିଲ୍ଲାପାଳ କିଶୋର କୁମାର ପଣ୍ଡା  ସଂମ୍ମାନିତ ଅତିଥି ରୂପେ ଉପନିବନ୍ଧକ ସମବାୟ ସମିତି ସମୂହ ଖୋର୍ଦ୍ଧା ବିଭାଜନ ଅଳକାନନ୍ଦା ଜେନା, ଖୋର୍ଦ୍ଧା କେନ୍ଦ୍ର ସମବାୟ ବ୍ୟାଙ୍କର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ସାରଥୀ ଶତପ‌ଥୀ, ସହନିବନ୍ଧକ ଖୋର୍ଦ୍ଧା ମଣ୍ଡଳ ଭଗମତ ମାରାଣ୍ଡି, ଭବାନୀ ଶଙ୍କର ପଶୁପାଳକ ସହ ମହାସମୀକ୍ଷକ, ଖୋର୍ଦ୍ଧା ସମବାୟ ସମୀକ୍ଷା ମଣ୍ଡଳ ବରିଷ୍ଠ ସହନିବନ୍ଧକ ସମବାୟ ସମିତି ସମୂହ, ଭୁବନେଶ୍ଵର ମଣ୍ଡଳ, ପ୍ରିୟବ୍ରତ ପଣ୍ଡା, ଖୋର୍ଦ୍ଧା ଜିଲ୍ଲା ମୁଖ୍ୟ କୃଷି ଅଧିକାରୀ ରବି ନାରାୟଣ ସେନାପତି, ଖୋର୍ଦ୍ଧା ଜିଲ୍ଲା ମୁଖ୍ୟ ସାଧାରଣ ଯୋଗାଣ ଅଧିକାରୀ (CSO) ଜ୍ଞାନେନ୍ଦ୍ରିୟ ମିଶ୍ର ଓ ପରିଚାଳନା ପରିଷଦର ସମସ୍ତ ନିର୍ଦ୍ଦେଶକ ଓ ନିର୍ଦ୍ଦେଶିକା ଗଣ ଉପସ୍ଥିତ ଥିଲେ । ଉପ ଜିଲ୍ଲାପାଳ କିଶୋର କୁମାର ପଣ୍ଡା କହିଲେ ମୁଁ  ଜଣେ ଚାଷୀ ଭାବରେ ଚାଷୀମାନଙ୍କର ଥିବା ସମସ୍ୟାକୁ  ଅତି ପାଖରୁ ଦେଖିଆସିଛି, ଚାଷୀଙ୍କ ସମସ୍ୟା, ଦୁଃଖ ବୁଝିଛି ସେଥ‌ିପାଇଁ ସମସ୍ତ ସମିତି କର୍ମଚାରୀ ଚାଷୀମାନଙ୍କୁ ସମିତିରେ ସମସ୍ତ କାର୍ଯ୍ୟରେ ସାହାର୍ଯ୍ୟ କରିବା ପାଇଁ ନିଜର କର୍ମକୁ ସୁଚାରୁରୂପେ ତୁଲାଇବାକୁ ପରାମର୍ଶ ଦେଇଥିଲେ। ସେହିପରି ସଭାପତି ଶ୍ରୀ ସିଂ ସାମନ୍ତ ସମିତିର ସମସ୍ତ ଆନୁସଙ୍ଗିକ ସୁବିଧା ପ୍ରଦାନ କରିବାକୁ ବିଭାଗୀୟ ଅଧିକାରୀ ମାନଙ୍କୁ ପରାମର୍ଶ କରିବା ସହିତ ସରକାର ସମ୍ପାଦକଙ୍କୁ କ୍ୟାଡର ନିୟମକୁ ସ୍ଵାଗତ କରିବା ସହିତ ଆଉ ଯେଉଁ କିଛି ଅସୁବିଧା ଅଛି ତାହାକୁ ଅତିଶୀଘ୍ର ସମାଧାନ କରି ଜିଲ୍ଲାରେ କାର୍ଯ୍ୟକାରୀ କରିବା ପାଇଁ କହିଥିଲେ । ଏହି ବର୍ଷ ଭାରତ ସରକାର ସାରା ବିଶ୍ବକୁ ଆନ୍ତର୍ଜାତିକ ସମବାୟ ସପ୍ତାହ -୨୦୨୫ ର ପ୍ରତିନିଧ୍ବତ୍ବ କରି ଆତ୍ମନିର୍ଭର ଭାରତ କରିବା ପାଇଁ ସମବାୟର ଭୂମିକାକୁ ଅତ୍ୟନ୍ତ ଗୁରୁତ୍ଵ ପ୍ରଦାନ କରିଛନ୍ତି l ଖୋର୍ଦ୍ଧା ଜିଲ୍ଲାର ସମବାୟ ବିଭାଗର କାର୍ଯ୍ୟଶୈଳୀକୁ ଆହୁରି ପରିମାର୍ଜିତ କରି ବିକାଶର ଧାରାକୁ ଚୂଣମୂଳ ସ୍ତରର ଚାଷୀମାନଙ୍କ ନିକଟରେ ପହଂଚାଇବାକୁ ସମସ୍ତ କର୍ମଚାରୀଙ୍କୁ ଆହ୍ଵାନ ଦେଇଥିଲେ । ଜିଲ୍ଲା ମୁଖ୍ୟ କୃଷି ଅଧିକାରୀ ଓ ଜିଲ୍ଲା ଯୋଗାଣ ଅଧିକାରୀ ରବି ନାରାୟଣ ସେନାପତି ଚାଷୀମାନଙ୍କୁ ସାର ବିହ‌ନ ତଥା ମଣ୍ଡିରେ ଧାନ ବିକ୍ରି ବାବଦରେ ଅନେକ ମୂଲ୍ୟବାନ  ବକ୍ତବ୍ୟ ରଖିଥିଲେ l ସେହିପରି ନିଜର ଉଚ୍ଚ କୋଟିର ଅଭିଭାଷଣରେ ସମବାୟର ବିଭିନ୍ନ ଦିଗ ଓ କାର୍ଯ୍ୟ ଶୈଳୀ ଉପରେ ଗଭୀର ଆଲୋକପାତ କରି ବ୍ୟାଙ୍କରେ ଚାଷୀ ମାନଙ୍କୁ ମିଳୁଥିବା ସମସ୍ତ ଋଣ ଓ ଅନ୍ୟାନ୍ୟ ସାହାଯ୍ୟ ବିଷୟରେ ଶ୍ରୀ ସାରଥୀ ଶତପଥୀ ଆଲୋକପାତ କରିଥିଲେ ।ଏହି ସମବାୟ ସପ୍ତାହ ଅବସରେ ଗତ ୧୪ ତାରିଖରେ ପ୍ରାୟ ୧୫୦ ରୁ ୨୦୦ଜଣ ପ୍ରତିଯୋଗୀଙ୍କୁ ନେଇ ଏକ  ଗଣ ଦୌଡ଼ ଅନୁଷ୍ଠିତ ହୋଇଥିଲା ବେଳେ ସେହିପରି ୧୫ ତାରିଖରେ ମୁଖ୍ୟ କାର୍ଯ୍ୟାଳୟ ସମ୍ମିଳନୀ କକ୍ଷରେ ଏକ ଉଚ୍ଚ ବିଦ୍ୟାଳୟ ଓ ମହାବିଦ୍ୟାଳୟ ସ୍ତରୀୟ ବକୃତା ଓ ପ୍ରବନ୍ଧ ପ୍ରତିଯୋଗିତା କରାଯାଇ କୃତକାର୍ଯ୍ୟ ହୋଇଥିବା କନିଷ୍ଠ ଓ ବରିଷ୍ଠ ବର୍ଗରେ ୧୨ ଛାତ୍ର ଛାତ୍ରୀଙ୍କୁ ଆର୍ଥିକ ପୁରସ୍କାର ରାଶି ପ୍ରଦାନ କରାଯାଇଥିଲା I କୃଷି ଓ ଉଦ୍ୟାନ କୃଷି ରେ ଖୋର୍ଦ୍ଧା ଜିଲ୍ଲା ରେ ୩ ଜଣ ଅଗ୍ରଣୀ ଚାଷୀ/ ସର୍ବଶ୍ରେଷ୍ଠ ଉଦ୍ୟୋଗୀ, ସର୍ବଶ୍ରେଷ୍ଠ ୩ ଟି ମହିଳା ସ୍ୱୟଂ ସହାୟକ ଗୋଷ୍ଠୀଙ୍କୁ ପୁରସ୍କାର ପ୍ରଦାନ କରାଯାଇଥିଲା ଖୋର୍ଦ୍ଧା ଓ ଭୁବନେଶ୍ଵର ମଣ୍ଡଳରେ ଡାଳତୋଳା ପ୍ୟାକ୍ସ, ଗାରେଡିପାଞ୍ଚଣ ପ୍ୟାକ୍ସ, ଆର.ସି.ଏମ.ଏସ .„ଭୁବନେଶ୍ଵର କୁ ନନ ପ୍ୟାକ୍ସ ଭାବରେ ଟ୍ରଫି ସହିତ ମାନପତ୍ର ପ୍ରଦାନ କରାଯାଇଥିଲା ।  DRCS କାର୍ଯ୍ୟାଳୟର ତପନ ଦାସ ଓ ବ୍ୟାଙ୍କର  ଏଜିଏମ ସନ୍ଦୀପ ପଟ୍ଟନାୟକ ଏହି ସଭାକାର୍ଯ୍ୟକୁ ଦାୟିତ୍ୱ ର ସହ ସମ୍ପାଦନ କରିଥିଲା ବେଳେ ଜ୍ୟୋତିରଞ୍ଜନ ରାଉତରାୟ ମଞ୍ଚ ପରିଚାଳନା ରେ ସହଯୋଗ କରିଥିଲେ l