Odisha Janamata : ଓଡ଼ଙ୍ଗା ରେ ଏନଏସି ଓ ବ୍ଲକର ବିଭିନ୍ନ ସ୍ଥାନରେ କୁକୁର କାମୁଡ଼ାରେ 25 ଜଣ ଆହାତ |

ଓଡ଼ଙ୍ଗା ରେ ଏନଏସି ଓ ବ୍ଲକର ବିଭିନ୍ନ ସ୍ଥାନରେ କୁକୁର କାମୁଡ଼ାରେ 25 ଜଣ ଆହାତ |

08-Nov-2025

କୁକୁର କାମୁଡ଼ାରେ ଗୋଟିଏ ଦିନରେ ୨୫ରୁ ଊର୍ଦ୍ଧ୍ୱ ଆହତ,

ଓଡିଶା ଜନ ମତ ବ୍ୟୁରୋ,

ନୟାଗଡ଼ ଜିଲ୍ଲା ଓଡ଼ଗାଁ ଏନ ଏ ସି ସଦର ବ୍ଲକର ବିଭିନ୍ନ ଗାଁରେ ଗୋଟିଏ ଦିନରେ କୁକୁର କାମୁଡ଼ାରେ ୨୫ଜଣରୁ ଉର୍ଦ୍ଧ ଆହତ ହୋଇଥିବା ଜଣାଯାଇଛି। ଦୁଇଦିନ ମଧ୍ୟରେ ଓଡ଼ଗାଁର ସଚିଦାନନ୍ଦ ସରାବ (୪୭), ମିତ୍ର ବିନ୍ଦୁ ରାଉତରାୟ(୧୩), ଅଙ୍କିତ ବାଡତିଆ (୫), ଶୁଭମ୍ ସାହୁ(୧୯), ପାଇକସାହିର ଜିତେନ୍ଦ୍ର ମହାପାତ୍ର (୨୫), ରଙ୍ଗଣୀପାଟଣାର
ପୂର୍ଣ୍ଣଚନ୍ଦ୍ର ପରମାଣିକ, ଗୋଡ଼ିପଲ୍ଲୀର ବରୁଣ ଦାସ(୪୮)ଙ୍କ ସମେତ କୁକୁର କାମୁଡ଼ାରେ ୨୫ରୁ ଅଧିକ ଶିକାର ହୋଇଛି ବୋଲି ଜଣାଯାଇଛି। ଓଡ଼ଗାଁ ସହରରେ କୁକୁରମାନଙ୍କ ସଂଖ୍ୟାରେ ବୃଦ୍ଧି ଯୋଗୁ ମୁଖ୍ୟ ବଜାର ସହ ସାହି ସାହିରେଏବଂ ଗଳିରେ କୁକୁର ପଲଙ୍କ ଆକ୍ରମକ ଭଙ୍ଗିକୁ ଦେଖ୍ ଲୋକ କିମ୍ବା ଶିଶୁ ଦୌଡ଼ି ଯିବାକୁ ଉଦ୍ୟମ କରୁଛନ୍ତି। ମାତ୍ର କୁକୁର ସେମାନଙ୍କ ଉପରେ ଝାମ୍ପିପଡ଼ି ଆକ୍ରମଣ କରୁଥିବାରୁ ତା`ଠାରୁ ଖସିବା କଷ୍ଟକର ହୋଇପଡ଼ୁଛି । ଫଳରେ ଲୋକମାନେ ଆକ୍ରମଣର ଶିକାର ହେଉଛନ୍ତି। ଅନ୍ୟପକ୍ଷରେ ଗୋଟିଏଦିନରେ ପାଗଳା କୁକୁର ଏକାଧିକ ଲୋକଙ୍କୁ କାମୁଡ଼ି ଥିବା ନଜିର ରହିଛି।
ଗାଁଗୁଡ଼ିକରେ ମଧ୍ୟ ଅନୁରୂପ ଭାବେ ଘଟଣା ଘଟୁଛି। ଏଥିପ୍ରତି ଓଡ଼ଗାଁ ଏଏସି ଓ ବ୍ଲକ୍ ପ୍ରଶାସନ ସ୍ବତନ୍ତ୍ର ଧ୍ୟାନ ଦେବାକୁ ଦାବି ହେଉଛି।