Odisha Janamata : ଖଲ୍ଲିକୋଟ ବନ ବିଭାଗ ଆଗରେ ଜଙ୍ଗଲ ଜମି ପଟା ଯୋଗାଇବା ନିମନ୍ତେ ଆଦିବାସୀ ଙ୍କ ବିରାଟ ରାଲି ||

ଖଲ୍ଲିକୋଟ ବନ ବିଭାଗ ଆଗରେ ଜଙ୍ଗଲ ଜମି ପଟା ଯୋଗାଇବା ନିମନ୍ତେ ଆଦିବାସୀ ଙ୍କ ବିରାଟ ରାଲି ||

22-Oct-2025

ଜଙ୍ଗଲ ଜମି ପଟ୍ଟା ଯୋଗାଇବା ଦାବୀ କରି ଖଲ୍ଲିକୋଟ ରେ ଆଦିବାସୀ ଙ୍କ ବିରାଟ ରାଲି ସହ ବନ ବିଭାଗ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ,
ଓଡିଶା ଜନମତ , ଖଲ୍ଲିକୋଟ, ବିକାଶ କୁମାର ସାହୁ
ତା -୨୨/୧୦/୨୦୨୫:

ଆଦିବାସୀ ମାନେ ଜଙ୍ଗଲ ଜମି ପଟ୍ଟା ଯୋଗାଈ ଦେବାକୁ ବାରମ୍ବାର ଦାବୀ କରିବା ସତ୍ୱେ ପ୍ରଶାସନ କୌଣସି ପଦକ୍ଷେପ ନେଉ ନାହିଁ। ସେଥିପାଇଁ ଆଜି ବାଦପଲ୍ଲୀ ପଂଚାୟତ ର ୧୧ ଗୋଟି ଗ୍ରାମ ର ଆଦିବାସୀ ମାନେ ପାରମ୍ପରିକ ଅସ୍ତ୍ରଶସ୍ତ୍ର ସହ ବାଦ୍ୟ ବଜାଇ ଖଲ୍ଲିକୋଟ ରେ ବିରାଟ ରାଲି କରିବା ସହିତ ବନ ବିଭାଗ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି। ବାରମ୍ବାର ଦାବୀ ସତ୍ୱେ ଆଦିବାସୀ ମାନଙ୍କୁ ଜଙ୍ଗଲ ଜମି ପଟ୍ଟା ଯୋଗାଇବାକୁ କୌଣସି ପଦକ୍ଷେପ ନିଆ ଯାଉ ନାହିଁ। ବୁଧ ବାରେ ବାଦପଲ୍ଲୀ ପଞ୍ଚାୟତର ୧୧ ଖଣ୍ଡ ଗ୍ରାମବାସୀ ଖଲ୍ଲିକୋଟ ମର୍ଦ୍ଦରାଜ ଶିଶୁ ଉଦ୍ୟାନ ଠାରୁ ପାରମ୍ପରିକ ଅସ୍ତ୍ରଶସ୍ତ୍ର ରେ ସଜ୍ଜିତ ହୋଇ ବାଦ୍ୟ ବଜାଇ ଏକ ବିରାଟ ରାଲି ରେ ବାହାରି ବନ ବିଭାଗ କାର୍ଯ୍ୟାଳୟ ରେ ପହଂଚି ଥିଲେ। ସେଠାରେ ଧାରଣା ରେ ବସିବା ସହ ଏକ ପ୍ରତିବାଦ ସଭା ଅନୁଷ୍ଠିତ ହୋଇଥିଲା । ୨୦୦୬ ଜଙ୍ଗଲ ଅଧିକାର ଆଇନ ଅନୁଯାୟୀ ଆଦିବାସୀ ମାନଙ୍କୁ ଜମି ଚିହ୍ନଟ କରି ଏଯାବତ ପଟ୍ଟା ବଣ୍ଟନ କରାଯାଇନଥିବାରୁ ସେମାନେ ପ୍ରତିବାଦ କରିଥିଲେ ।