Breaking
News
Breaking
News
Breaking
News
22-Oct-2025
ସି ଆର୍ ସି ସିଙ୍କ ପାଇଁ ଜିଲ୍ଲା ସ୍ତରୀୟ ତ୍ରିଦିବସୀୟ ମୈ।ଳିକ ସାକ୍ଷରତା ସଂଖ୍ୟାଜ୍ଞାନ ଦକ୍ଷତା ବୃଦ୍ଧି କର୍ମଶାଳା ଶୁଭ ଉଦଘାଟିତ
ଶିକ୍ଷାର୍ଥୀମାନଙ୍କ ମୈ।ଳିକ ସାକ୍ଷରତା ସଂଖ୍ୟା ଜ୍ଞାନ ଅଭିବୃଦ୍ଧି ଉଦ୍ଦେଶ୍ୟରେ ଛତ୍ରପୁର ସ୍ଥିତ ଅଗ୍ରଣୀ ଶିକ୍ଷାନୁଷ୍ଠାନ ଅନସ୍ଲୋ ଉଚ୍ଚ ବିଦ୍ୟାଳୟ ସମ୍ମିଳନୀ କକ୍ଷରେ ଗଂଜାମ ଜିଲ୍ଲାର ସାତ ଗୋଟି ବ୍ଲକର ସି ଆର ସି ସି ଙ୍କୁ ନେଇ "ତ୍ରିଦିବସୀୟ ମୈ।ଳିକ ସାକ୍ଷରତା ସଂଖ୍ୟା ଜ୍ଞାନ ଦକ୍ଷତା ବୃଦ୍ଧି" କର୍ମଶାଳା ଆନୁଷ୍ଠାନିକ ରୀତିରେ ଅନୁଷ୍ଠିତ ହୋଇଯାଇଛି । ଗଂଜାମ ଜିଲ୍ଲା ଅତିରିକ୍ତ ଶିକ୍ଷାଧିକାରୀ ଡକ୍ଟର ପ୍ରଭାତୀ କୁମାରୀ ମହାପାତ୍ର ଆୟୋଜିତ କର୍ମଶାଳାକୁ ପ୍ରଦୀପ ପ୍ରଜ୍ବଳନ କରି ଶୁଭ ଉଦ୍ଘାଟନ କରିଥିଲେ । ଉଦ୍ଘାଟନୀ ଉତ୍ସବରେ ସି ଏସ୍ ଏଫ୍ ନିର୍ଦ୍ଦେଶକ ଡକ୍ଟର ପାର୍ଥଜିତ୍ ଦାସ, ରାଜ୍ୟ ମୁଖ୍ୟ ଅମରଜିତ୍ ଜେନା, ଗଂଜାମ ଜିଲ୍ଲା ଶୈକ୍ଷିକ ସଂଯୋଜକ ଡକ୍ଟର ସନ୍ତୋଷ କୁମାର ପଣ୍ଡା, ଅନସ୍ଲୋ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ସୁଚିତ୍ରା ପାଣିଗ୍ରାହୀ, ସି ଏସ୍ ଏଫ୍ କର୍ମକର୍ତ୍ତା ଡକ୍ଟର ଅରବିନ୍ଦ ଆଚାର୍ଯ୍ୟ, ସୁଶ୍ରୀ ଚାନ୍ଦିନୀ କାର୍ଲା , ସୁଶ୍ରୀ ପ୍ରତୀକ୍ଷା ପ୍ରମୁଖ ଯୋଗଦେଇ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଙ୍କ ଦାୟିତ୍ଵବୋଧ, ବହୁବିଧ ଭୂମିକା, ବିଭିନ୍ନ ତାଲିମ ପ୍ରଶିକ୍ଷଣ ଶିବିର ଆୟୋଜନ, ନିୟମିତ କ୍ଲଷ୍ଟର ସ୍ତରୀୟ ବୈଠକରେ ପ୍ରଧାନ ଶିକ୍ଷକ ଶିକ୍ଷୟିତ୍ରୀ, ଏଫ୍ ଏଲ୍ ଏନ୍ ଶିକ୍ଷକ ଶିକ୍ଷୟିତ୍ରୀଙ୍କ ଦକ୍ଷତା ବୃଦ୍ଧି ପାଇଁ ପ୍ରଶିକ୍ଷଣ ପ୍ରଦାନ, ଶିକ୍ଷଣ ସୋପାନ ବ୍ୟବହାର, ପାଠ୍ୟ ଯୋଜନାର ତଦାରଖ, ଶିକ୍ଷାର୍ଥୀଙ୍କ ପଠନ ନିୟମିତତା ଆଦି ବହୁବିଧ ଦିଗ ସମ୍ପର୍କରେ ଅତିଥିମାନେ ବିଶଦ ଆଲୋଚନା କରିଥିଲେ । ଆୟୋଜିତ କର୍ମଶାଳାରେ ବିଭିନ୍ନ ବ୍ଲକରୁ ଆସିଥିବା ସି ଆର ସି ସିଙ୍କ ସହିତ ପ୍ରତ୍ୟକ୍ଷ ଅନୁଭୂତି ଅଭିଜ୍ଞତା, ଅନେକ ସମୟରେ ସମ୍ମୁଖୀନ ହେଉଥିବା ସମସ୍ୟା ସବୁର ସରଳ ସମାଧାନ ଉପରେ ଗୁରୁତ୍ୱ ପ୍ରଦାନ କରାଯାଇଥିଲା । ବିଦ୍ୟାଳୟ ସ୍ତରରେ ଶ୍ରେଣୀଗୃହରେ ଉପୁଜୁଥିବା ସମସ୍ୟା, ଶିକ୍ଷକ ଶିକ୍ଷୟିତ୍ରୀଙ୍କ ସହଯୋଗ ଆଦି ଉପରେ ପ୍ରାଧାନ୍ୟ ଦେବା ପାଇଁ ଉପସ୍ଥିତ ପ୍ରଶିକ୍ଷକମାନେ ଆଲୋଚନା କରିଥିଲେ । ଅନୁଷ୍ଠିତ କର୍ମଶାଳା ଆଜି ଅର୍ଥାତ୍ ତା ୨୨/୧୦/୨୦୨୫ ଦିଗରୁ ଆରମ୍ଭ ହୋଇଥିଲେ ହେଁ ଆଗମୀ ତା ୨୪/୧୦/୨୦୨୫ ରିଖରେ ଉଦଯାପିତ ହେବ । କର୍ମଶାଳାରେ ପୁରୁଷୋତ୍ତମପୁର, ଖଲ୍ଲିକୋଟ, ଶେରଗଡ, ବୁଗୁଡ଼ା, ଧରାକୋଟ, ହିଞ୍ଜିଳିକାଟୁ,କବିସୂର୍ଯ୍ୟନଗର ବ୍ଲକର ୮୯ ଜଣ ସି ଆର୍ ସି ସି ଯୋଗଦାନ କରିଥିଲେ ।
Copyright @ 2024 All rights reserved. ଓଡିଶା ଜନମତ
BACK TO TOP