Odisha Janamata : ଖଲ୍ଲିକୋଟ, ଶିଶୁ ବିକାଶ ବିଦ୍ୟା ମନ୍ଦିର ପକ୍ଷରୁ ଜେଜେ ବାପା ଜେଜେ ମାଆ ସମ୍ମିଳନୀ ସହ ଗଣେଶ ପୂଜା ଅନୁଷ୍ଠିତ |

ଖଲ୍ଲିକୋଟ, ଶିଶୁ ବିକାଶ ବିଦ୍ୟା ମନ୍ଦିର ପକ୍ଷରୁ ଜେଜେ ବାପା ଜେଜେ ମାଆ ସମ୍ମିଳନୀ ସହ ଗଣେଶ ପୂଜା ଅନୁଷ୍ଠିତ |

27-Aug-2025

ଖଲ୍ଲିକୋଟ: ଶିଶୁ ବିକାଶ ବିଦ୍ୟା ମନ୍ଦିର ପକ୍ଷରୁ ଜେଜେ ବାପା ଜେଜେ ମାଆ ସମ୍ମିଳନୀ ସହିତ ଗଣେଶ ପୂଜା ଅନୁଷ୍ଠିତ,

ଓଡିଶା ଜନମତ ବ୍ୟୁରୋ,

ଭାରତୀୟ ଶିକ୍ଷା ଓ ଗବେଷଣା ପ୍ରତିଷ୍ଠାନ, ଭୁବନେଶ୍ୱରଙ୍କ ମାର୍ଗ ଦର୍ଶନରେ ପରିଚାଳିତ ଶିଶୁ ବିକାଶ ବିଦ୍ୟା ମନ୍ଦିର, ଖଲ୍ଲିକୋଟ, ଗଂଜାମ ତରଫରୁ ଆଜି ଆନୁଷ୍ଠାନିକ ରୀତିରେ ଅଗ୍ର ପୂଜ୍ୟ ଗଣେଶଙ୍କ ପୂଜା ସହିତ ଜେଜେ ବାପା ଜେଜେ ମାଆ ସମ୍ମିଳନୀ ଅନୁଷ୍ଠାନ ପରିସରରେ ଆୟୋଜିତ ହୋଇଯାଇଛି । ସର୍ବ ପ୍ରଥମେ ବିଦ୍ୟାମନ୍ଦିରର ପ୍ରଧାନ ଆଚାର୍ଯ୍ୟା ଶ୍ରୀମତୀ ଅନୁସୂୟା ମହାରଣା ଅନୁଷ୍ଠିତ ସମ୍ମିଳନୀରେ ଏ ସମ୍ପର୍କରେ ପ୍ରାକ୍ ସୂଚନା ପ୍ରଦାନ କରିଥିଲା ବେଳେ ଉପସ୍ଥିତ ଆଚାର୍ଯ୍ୟାମାନେ ପଠନ ରଥ ଶିଶୁଙ୍କ ଜେଜେ ବାପା ଜେଜେ ମାଆ, ଅଜା ଆଈ, ମାମୁଁ ମାଇଁ, କକା ଖୁଡିଙ୍କୁ ବନ୍ଦାପନା କରି ସ୍ୱାଗତ କରିଥିଲେ ।
ଉପସ୍ଥିତ ଅତିଥିମାନେ ପ୍ରଦୀପ ପ୍ରଜ୍ବଳନ କରିଥିଲା ସମୟରେ ଉଭୟ ଶିକ୍ଷାର୍ଥୀ, ଆଚାର୍ଯ୍ୟା, ଅଭିଭାବକ ଅଭିଭାବିକା ଦୀପ ମନ୍ତ୍ର ଉଚ୍ଚାରଣ କରିଥିଲେ । ଅନୁଷ୍ଠାନର ଛାତ୍ରୀମାନେ ଦେଶାତ୍ମବୋଧକ ସମବେତ ସଙ୍ଗୀତ ପରିବେଷଣ କରିଥିଲେ ।
ଏହି ଅବସରରେ ଅନୁଷ୍ଠିତ ସମ୍ମିଳନୀରେ ମୁଖ୍ୟ ଅତିଥି ଭାବେ ସ୍ଥାନୀୟ ତହସିଲଦାର ଡି. ମାଲେସ୍ୱର ପାତ୍ର, ଯୁବ ସାହିତ୍ୟିକ ତଥା ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଡକ୍ଟର ଦ୍ବାରିକାନାଥ ମହାରଣା ମୁଖ୍ୟ ବକ୍ତା, ପ୍ରଶିକ୍ଷକ ବିଷ୍ଣୁ ଚରଣ ଡାକୁଆ ସମ୍ମାନୀତ ଅତିଥି, ଅନୁଷ୍ଠାନର ସମ୍ପାଦକ ଭାଗିରଥି ସ୍ୱାଇଁ ପ୍ରମୁଖ ଅତିଥି ଯୋଗଦେଇ ଅଗ୍ର ପୂଜ୍ୟ ଗଣେଶଙ୍କ ଅନୁରୂପ ସମାଜରେ ଜେଜେବାପା ଜେଜେମାଆ ଆଦି ବରିଷ୍ଠ ନାଗରିକଙ୍କ ଭୂମିକା ସର୍ବାଗ୍ରେ ମହତ୍ୱପୂର୍ଣ୍ଣ , ଆମ ସଂସ୍କୃତି ପରମ୍ପରା ଭିତ୍ତିରେ ପରିବାରରେ ସେହିମାନଙ୍କ କଥାକୁ ପ୍ରାଧାନ୍ୟ, ପ୍ରାଚୀନ ଶିକ୍ଷା ସଭ୍ୟତା, ବରିଷ୍ଠ ନାଗରିକଙ୍କ ପ୍ରତି ସମସ୍ତେ ଯତ୍ନବାନ ହେବା, ନୈତିକ ମୂଲ୍ୟବୋଧ ଆଧାରିତ ଶିକ୍ଷା, ପାରିବାରିକ ସମସ୍ୟାର ସୁସମାଧାନ ପାଇଁ ନିଜସ୍ବ ସ୍ତରରେ ପ୍ରୟାସ ଜାରି ରଖିବା, ପରିବାରରେ କୁନିକୁନି ଛୁଆଙ୍କ ସହିତ ଜେଜେ ବାପା ଜେଜେ ମାଆ, ଅଜା ଆଈ ଆଦି ବହୁବିଧ ଆଲୋଚନା କରିବା, ଗପ ଗୀତ ଶୁଣେଇବା ଉପରେ ସାରସ୍ୱତ ବକ୍ତବ୍ୟ ପ୍ରଦାନ କରିଥିଲେ । କୋମଳମତି ଛାତ୍ରଛାତ୍ରୀମାନେ ସେମାନଙ୍କ ଅଭିଭାବକ ଅଭିଭାବିକାଙ୍କୁ ଧୂପ, ଦୀପ, ପୁଷ୍ପ ସହକାରେ ପୂଜନ କରିଥିଲେ । ଆୟୋଜିତ ସମ୍ମିଳନୀରେ ସହକାରୀ ଆଚାର୍ଯ୍ୟା ସୁବାସିନୀ ପ୍ରଧାନ, କାଜଲ ବାରିକ, ଅଲିଭା ରାଣୀ ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ । ପରିଶେଷରେ ପ୍ରଧାନ ଆଚାର୍ଯ୍ୟା ଶ୍ରୀମତୀ ମହାରଣା ସମସ୍ତଙ୍କୁ ଧନ୍ୟବାଦ ପ୍ରଦାନ କରିଥିଲେ ।