Odisha Janamata : ଆନ୍ଦ୍ର ପ୍ରଦେଶ ରେ ଦାଦନଶ୍ରମିକ ମୃତ୍ୟୁ ଘଟଣା ରେ ସ୍ମଶାନ ରେ ଯୋଗଦେଲେ ପ୍ରାଣୀ ସମ୍ପଦ ମନ୍ତ୍ରୀ |

ଆନ୍ଦ୍ର ପ୍ରଦେଶ ରେ ଦାଦନଶ୍ରମିକ ମୃତ୍ୟୁ ଘଟଣା ରେ ସ୍ମଶାନ ରେ ଯୋଗଦେଲେ ପ୍ରାଣୀ ସମ୍ପଦ ମନ୍ତ୍ରୀ |

06-Aug-2025

ଆନ୍ଧ୍ରପ୍ରଦେଶରେ ଦାଦନ ଶ୍ରମିକ ମୃତ୍ୟୁ ଘଟଣା ,
ଶ୍ମଶାନ ଘାଟରେ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ।

ଓଡ଼ିଶା ଜନମତ,ପୋଲସରା,ସନ୍ତୋଷ କୁମାର ପଣ୍ଡା
ପୋଲସରା ୦୫/୦୮/୨୫ : ଆନ୍ଧ୍ରପ୍ରଦେଶର ଏକ ପଥର ଖଣିରେ ଦୁର୍ଘଟଣା ଘଟି ଦିଗପହଣ୍ଡି ନିର୍ବାଚନ ମଣ୍ଡଳୀର ଫାଶୀଗୁଡ଼ା ପଞ୍ଚାୟତର ବାଙ୍ଗରଡ଼ା ଗ୍ରାମର ବନମାଳୀ ବେହେରା ଓ ଚଷା ନିମଖଣ୍ଡି ଗ୍ରାମର ଦଣ୍ଡ ବାଡ଼ତ୍ୟା, ମୋହନା ନିର୍ବାଚନ ମଣ୍ଡଳୀର ଢେପାଗୁଡ଼ା ପଞ୍ଚାୟତ ଅନ୍ତର୍ଗତ ଅଳରା ଗ୍ରାମର ଭାସ୍କର ବିଷୋୟୀ ଓ ଟୁକୁନା ଦଳେଇ ଏବଂ ସାନଖେମୁଣ୍ଡି ନିର୍ବାଚନ ମଣ୍ଡଳୀର ଧରାକୋଟ ବ୍ଲକର ଧାଉଁଗାମ ପଞ୍ଚାୟତର ବାହାଡ଼ାଗୁଡା ଗ୍ରାମର ମୂଷା ଜେନା ଓ ଓଲମ୍ବ ପଞ୍ଚାୟତର କଷାଇ ଗ୍ରାମର ସନ୍ତୋଷ ଗୌଡ଼ଙ୍କ ଦେହାନ୍ତ ହୋଇଥିଲା। ଏହି ବିଷୟ ଜାଣିବା ପରେ ଓଡ଼ିଶାର ମାନ୍ୟବର ମନ୍ତ୍ରୀ ଗୋକୁଳାନନ୍ଦ ମଲ୍ଲିକ ଓ ମାନ୍ୟବର ମନ୍ତ୍ରୀ ବିଭୂତି ଭୂଷଣ ଜେନା ମୃତକ ବୃନ୍ଦଙ୍କ ଗ୍ରାମରେ ପହଞ୍ଚି ଶ୍ମଶାନ ଘଟାକୁ ଯାଇ ଶେଷ ଦର୍ଶନ କରି ଭକ୍ତି ଅର୍ପଣ କରିଥିଲେ। ଏଥି ସହ ଅନ୍ୟ ମୃତକଙ୍କ ପରିବାର ନିକଟରେ ମନ୍ତ୍ରୀ ଶ୍ରୀ ମଲ୍ଲିକ ଓ ଶ୍ରୀ ଜେନା ପହଞ୍ଚି ପୁଷ୍ପମାଲ୍ୟ ଅର୍ପଣ କରି ଶେଷ ସମ୍ମାନ ପ୍ରଦର୍ଶନ ସହ ପରିବାର ଲୋକଙ୍କୁ ସମବେଦନା ଜଣାଇଥିଲେ। ସମସ୍ତ ମୃତକଙ୍କ ପରିବାରକୁ ଆନ୍ଧ୍ରପ୍ରଦେଶ ସରକାର ୫୦ ହଜାର ଟଙ୍କା ଲେଖାଏଁ ପ୍ରଦାନ କରିଥିବା ବେଳେ ରାଜ୍ୟ ସରକାରଙ୍କ ପକ୍ଷରୁ ୪ ଲକ୍ଷ ଟଙ୍କା ଲେଖାଏଁ ସହାୟତା ଦେବାକୁ ଘୋଷଣା କରିଛନ୍ତି।