Odisha Janamata : ଖଲ୍ଲିକୋଟରେ ଜିଲ୍ଲା ସ୍ତରୀୟ ଏଫ ଏଲ ଏନ ଟି ଏଲ ଏମ ପ୍ରଦର୍ଶନୀ ଉଦଯାପିତ

ଖଲ୍ଲିକୋଟରେ ଜିଲ୍ଲା ସ୍ତରୀୟ ଏଫ ଏଲ ଏନ ଟି ଏଲ ଏମ ପ୍ରଦର୍ଶନୀ ଉଦଯାପିତ | ,

17-Apr-2025

ଖଲ୍ଲିକୋଟ: ଜିଲ୍ଲା ସ୍ତରୀୟ ଏଫ୍. ଏଲ୍.ଏନ୍. ଟି.ଏଲ୍.ଏମ୍. ପ୍ରଦର୍ଶନୀ ଉଦଯାପିତ,

ଓଡିଶା ଜନମତ ବ୍ୟୁରୋ,

ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ, ଗଂଜାମ, ଖଲ୍ଲିକୋଟ ପକ୍ଷରୁ ଜିଲ୍ଲା ସ୍ତରୀୟ ମୋୖଳିକ ସାକ୍ଷରତା ଶିକ୍ଷଣ ଉପଯୋଗୀ ସାମଗ୍ରୀ ପ୍ରଦର୍ଶନୀ ପ୍ରତିଷ୍ଠାନର ସମ୍ମିଳନୀ କକ୍ଷରେ ଆନୁଷ୍ଠାନିକ ରୀତିରେ ଶୁଭୋଦ୍ଘାଟିତ ହୋଇଯାଇଛି । ସର୍ବ ପ୍ରଥମେ ଜଗତର ନାଥ ଶ୍ରୀଜଗନ୍ନାଥଙ୍କ ନିକଟରେ ଅତିଥିଙ୍କ ଦ୍ୱାରା ପ୍ରଦୀପ ପ୍ରଜ୍ଜ୍ୱଳନ, ଶ୍ଳୋକାଦି ପରିବେଷଣ ପରେ ପ୍ରତିଷ୍ଠାନର ଗୁରୁ ଛାତ୍ରଛାତ୍ରୀଙ୍କ ଦ୍ବାରା ପ୍ରାରମ୍ଭିକ ସଂଗୀତ ପରିବେଷିତ ହୋଇଥିଲା । ଏହି ଅବସରରେ ଆୟୋଜିତ ବର୍ଣ୍ଣାଢ଼୍ୟ ଉତ୍ସବରେ ପ୍ରତିଷ୍ଠାନର ଅଧ୍ୟକ୍ଷ ତଥା ବିଶିଷ୍ଟ ଶିକ୍ଷାବିତ୍ ଡକ୍ଟର ସନ୍ତୋଷ କୁମାର ପରିଡ଼ା ସ୍ୱାଗତ ଭାଷଣ ପ୍ରଦାନ କରିଥିଲେ । ଉତ୍ସବରେ ଅତିରିକ୍ତ ଶିକ୍ଷା ଜିଲ୍ଲା ଅଧିକାରୀ ଶ୍ରୀମତୀ ପ୍ରଭାତୀ କୁମାରୀ ମହାପାତ୍ର ମୁଖ୍ୟ ବକ୍ତା, ସ୍ଥାନୀୟ ବିଧାୟକ ଶ୍ରୀଯୁକ୍ତ ପୂର୍ଣ୍ଣଚନ୍ଦ୍ର ସେଠୀ ମୁଖ୍ୟ ଅତିଥି ଭାବେ ଯୋଗ ଦେଇ ବିଦ୍ୟାଳୟ ସ୍ତରରେ ସମସ୍ତ ଶିକ୍ଷକ ଶିକ୍ଷୟିତ୍ରୀଙ୍କ ସହଯୋଗ, ସକାରାତ୍ମକ ମନୋଭାବ, ସ୍ୱତନ୍ତ୍ର ଆଗ୍ରହ ଆନ୍ତରିକତା ବଳରେ ମୋୖଳିକ ସାକ୍ଷରତା ଶିକ୍ଷଣ ଉପଯୋଗୀ ସାମଗ୍ରୀ ପ୍ରଦର୍ଶନୀ ଆୟୋଜନର ଲକ୍ଷ୍ୟ ଆଭିମୁଖ୍ୟ ପରିପୂରଣ, ପରିବର୍ତ୍ତିତ ପରିସ୍ଥିତିରେ କିଭଳି ଶିକ୍ଷାର ମାନବୃଦ୍ଧି ହୋଇପାରୁଛି, ଉଭୟ ମୋୖଳିକ ସାକ୍ଷରତା ଏବଂ ଶିକ୍ଷଣ ଉପଯୋଗୀ ସାମଗ୍ରୀ ପରସ୍ପର ପରିପୂରକ, ଶିକ୍ଷକ ଶିକ୍ଷୟିତ୍ରୀ ସମାଜର ନିର୍ମାତା ଆଦି ବହୁବିଧ ଦିଗ ସମ୍ପର୍କରେ ସାରସ୍ୱତ ବକ୍ତବ୍ୟ ପ୍ରଦାନ କରିଥିଲେ । ମୁଖ୍ୟ ବକ୍ତା ଶ୍ରୀମତୀ ମହାପାତ୍ର ଶିକ୍ଷଣ ଉପଯୋଗୀ ସାମଗ୍ରୀକୁ ଆଧାର କରି ସ୍ବରଚିତ ଏକ ସୁନ୍ଦର କବିତା ଉପସ୍ଥାପନ କରିଥିଲେ, ଯାହାକି ସମଗ୍ର ସଭା କକ୍ଷରେ ଆଦୃତି ଲାଭ କରିଥିଲା । ପ୍ରତିଷ୍ଠାନର ଅଧ୍ୟକ୍ଷ ଡକ୍ଟର ପରିଡ଼ା ଗୁଣାତ୍ମକ ଶିକ୍ଷା ପାଇଁ ଉଭୟ ମୋୖଳିକ ସାକ୍ଷରତା, ଶିକ୍ଷଣ ଉପଯୋଗୀ ସାମଗ୍ରୀର ପ୍ରୟୋଜନତା, ବାଲବାଟିକାକୁ କାର୍ଯ୍ୟକ୍ଷମ ପାଇଁ ଏଭଳି ପ୍ରଦର୍ଶନୀର ଆୟୋଜନ ନିତାନ୍ତ ଗୁରୁତ୍ୱପୂର୍ଣ୍ଣ ବୋଲି ଅଭିହିତ କରିଥିଲେ । ପ୍ରଦର୍ଶନୀକୁ ପରିଚାଳନା କରିଥିଲେ ଶିକ୍ଷକ ପ୍ରଶିକ୍ଷକ ଜିତେନ୍ଦ୍ର କୁମାର ପଣ୍ଡା, ନବୀନ ପ୍ରମାଣିକ କାର୍ଯ୍ୟକ୍ରମକୁ ସଂଯୋଜନା କରିଥିଲେ ପ୍ରଶିକ୍ଷିକା ଶ୍ରୀମତୀ ଲିପି ଶ୍ରୀ ଦେବୀ । ଗଂଜାମ ଜିଲ୍ଲାର ସମସ୍ତ ୨୨ ଗୋଟି ବ୍ଲକର ନିପୁଣ ଶିକ୍ଷକ ଶିକ୍ଷୟିତ୍ରୀ, ଗୁରୁ ଛାତ୍ରଛାତ୍ରୀଙ୍କ ଦ୍ବାରା ପ୍ରସ୍ତୁତ ଏସମ୍ପର୍କୀତ ସୁଦୃଶ୍ୟ ପ୍ରଦର୍ଶନୀକୁ ଅତିଥିମାନେ ଶୁଭାରମ୍ଭ କରି ବହୁମୂଲ୍ୟ ଶିକ୍ଷଣ ଉପଯୋଗୀ ସାମଗ୍ରୀ ସବୁ ବୁଲି ଦେଖିଥିଲେ । ଏଥିରେ ଅଂଶ ଗ୍ରହଣ କରିଥିବା ୨୨ ଗୋଟି ବ୍ଲକର ଶିକ୍ଷକ ଶିକ୍ଷୟିତ୍ରୀଙ୍କୁ ଅତିଥି ମାନେ ମାନପତ୍ର ସହିତ ସମ୍ବର୍ଦ୍ଧିତ କରିଥିଲେ । ଏପ୍ରକାର ସାଧୁ ଉଦ୍ୟମକୁ ଅତିଥିମାନେ ଉଚ୍ଚ ପ୍ରଶଂସା କରିଥିଲେ । ପ୍ରଦର୍ଶନୀରେ ଶତାଧିକ ପ୍ରକଳ୍ପ ପ୍ରଦର୍ଶିତ ହୋଇଥିଲା ।
ଉତ୍ସବରେ ବରିଷ୍ଠ ପ୍ରଶିକ୍ଷକ ବିଷ୍ଣୁ ନାରାୟଣ ଜେନା, ଜିତେନ୍ଦ୍ର କୁମାର ପଣ୍ଡା, ନବୀନ ପ୍ରମାଣିକ, ଦେବେନ୍ଦ୍ର ନାଥ ସାହୁ, ସୁକୁଲେଇ ଟୁଡୁ, ଅଭିରାମ ବିଶ୍ୱାଳ, ବରିଷ୍ଠ ପ୍ରଶିକ୍ଷିକା ପ୍ରଜ୍ଞା ପରମିତା, ନିବେଦିତା ପାଢ଼ୀ, ସରୋଜିନୀ ମିଶ୍ର, ଗାୟତ୍ରୀ ସ୍ୱାଇଁ, ଜୟନ୍ତୀ ବେହେରା, ଲିପି ଶ୍ରୀ ଦେବୀ, କଲ୍ୟାଣୀ କୁମାରୀ ଗୈାଡ, ଭାବିଲିତା ନାୟକ, ଅନୁପମା ଦାସ, ବବିତା ସିଂ ନାୟକଙ୍କ ସମେତ ସେକ୍ସନ ଅଧିକାରୀ ପ୍ରବେଶ କୁମାର ପଟ୍ଟନାୟକ, କନିଷ୍ଠ କିରାଣୀ ଆଶିଷ ରଞ୍ଜନ ସେଠୀ, କମ୍ପ୍ୟୁଟର ଇନଷ୍ଟ୍କକ୍ଟର ମନୋରଞ୍ଜନ ବାରିକ, ପ୍ରତିଷ୍ଠାନର କର୍ମଚାରୀ ଜୟଶଙ୍କର ଗୈାଡ, ନିରୁପମା ପ୍ରଧାନ, ଚନ୍ଦ୍ର ନାୟକ ପ୍ରମୁଖ ଉପସ୍ଥିତ ରହି ପ୍ରଦର୍ଶନୀକୁ ଶାନ୍ତି ଶୃଙ୍ଖଳାର ସହିତ ସମ୍ପାଦନ କରିଥିଲେ ।