Odisha Janamata : ଖଲ୍ଲିକୋଟ ଏନଏସିର ବଜେଟ ଅଧିବେଶନ |

ଖଲ୍ଲିକୋଟ ଏନଏସିର ବଜେଟ ଅଧିବେଶନ |

10-Mar-2025

ଖଲ୍ଲିକୋଟ ଏନ ଏ ସି ର ବଜେଟ ଅଧିବେଶନ 159 ପ୍ରକଳ୍ପ ପାଇଁ ଖର୍ଚ୍ଚ ହେବ 46 କୋଟି ଟଙ୍କା, ନିର୍ମାଣ ହେବ ବସ ଷ୍ଟାଣ୍ଡ, ଟାଉନ ହଲ ଓ ଡ୍ରେନ ରାସ୍ତା, ହଟିବ ଜବର ଦଖଲ |

ଓଡିଶା ଜନମତ, ଖଲ୍ଲିକୋଟ,ମାଧବ ବେହେରା,10/03:
ଖଲ୍ଲିକୋଟ ଏନ ଏ ସି ର ସଭା ଗୃହ ରେ ଏନ ଏ ସି ଅଧକ୍ଷ ଇଂ ନିରଞ୍ଜନ ବେହେରା ଙ୍କ ଅଧକ୍ଷତା ରେ ବଜେଟ ସମ୍ପର୍କିତ ଏକ ପୂର୍ଣ୍ଣାଙ୍ଗ ବୈଠକ ଅନୁଷ୍ଠିତ ହୋଇଥିଲା |ଆୟୋଜିତ ବୈଠକ ରେ ମୁକ୍ତା ଯୋଜନା ରେ ଏସ ଏଚ ଜି ମାନେ ନିର୍ମାଣ କରିଥିବା ବିଭିନ୍ନ ପୋଖରୀ ଓ ଡ୍ରେନ ସମେତ ବିଭିନ୍ନ ପ୍ରକଳ୍ପ ଗୁଡିକ ନିର୍ମାଣ ସାରିଥିବା ବେଳେ ସେମାନଙ୍କ ବକେୟା ବିଲ କନିଷ୍ଟ ଯନ୍ତ୍ରୀ ଓ ଅନ୍ୟାନ୍ୟ କର୍ମଚାରୀ ମାନେ ଠିକ ସମୟରେ ପୈଠ ନ କରିବା ଯୋଗୁଁ 12 ନମ୍ବର ୱାର୍ଡ ସଭ୍ୟ କାଳିଆ ପରିଡା ତୀବ୍ର ପ୍ରତିକ୍ରିୟା ପ୍ରକାଶ କରିଥିବା ବୈଠକ ଖାତା ରେ ଦସ୍ତଖତ ନ କରି ବୈଠକ ତ୍ୟାଗ କରିଥିଲେ |ପରିମଳ ବ୍ୟବସ୍ଥା ପରିଚାଳନା ରେ ଅବ୍ୟବସ୍ଥା, ଭେଣ୍ଡିଙ୍ଗ ଜୋନ ଫୁଡ ପାର୍କ ବଣ୍ଟନ ଓ ବସ ଷ୍ଟାଣ୍ଡ ଠାରେ ଉଠା ଦୋକାନୀ ମାନେ ରାସ୍ତା ଡ୍ରେନ ଅବରୋଧ କରି ବ୍ୟବସାୟ ଚଳାଇଥିବା ନେଇ ବୈଠକ ରେ ଉଦବେଗ ପ୍ରକାଶ ପାଇଥିଲା |ମାଗୁଣି ଶଗଡ଼ ର ମରାମତି, ସି ସି ଟିଭି ପାଇଁ ତତ୍କାଳୀନ ବିଧାୟକ ପାଣ୍ଠି ନ ମିଳିବା ଭଳି ବହୁ ସମସ୍ୟା ସମ୍ପର୍ଜ ରେ ଆଲୋଚନା ହୋଇଥିଲା |ଦୀର୍ଘ ଚାରି ବର୍ଷ ହେଲା ପାହାଚ ବନ୍ଧ ଆଦର୍ଶ ପୋଖରୀ ନିର୍ମାଣ ଅଧା ପାନ୍ତରିଆ ଭାବେ ପଡି ରହିଥିଲେ ମଧ୍ୟରେ ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ ହେଉନଥିବା ନେଇ 4 ନମ୍ବର ୱାର୍ଡ ସଭ୍ୟ ବଳରାମ ବେହେରା ବୈଠକ ରେ ଉପସ୍ଥାପନା କରିଥିଲେ |, ବୈଠକ ରେ କନକ ମଞ୍ଜରୀ କଲ୍ୟାଣ ମଣ୍ଡପ ଭଡା କାମଇବା ମର୍ଦରାଜ ଶିଶୁ ଉଦ୍ୟାନ ରେ ପ୍ରବେଶ କର ପାଇଁ ପ୍ରସ୍ତାବ ଆସିଥିଲା |ଏନ ଏ ସି ଅଧକ୍ଷ ଇଂ ଶ୍ରୀ ବେହେରା ଖଲ୍ଲିକୋଟ ଏନ ଏ ସି ର 12 ଗୋଟି ୱାର୍ଡ ର ରାସ୍ତା ଡ୍ରେନ, ସ୍ମଶାନ ଓ ମିନି ପାର୍କ ସମେତ ଟାଉନ ହଲ, ମିନି ବସ ଷ୍ଟାଣ୍ଡ, ଭଳି ପ୍ରାୟ 159 ଗୋଟି ପ୍ରକଳ୍ପ ନର୍ମାଣ ପାଇଁ 46 କୋଟି ଟଙ୍କା ରj ବଜେଟ କୁ ସର୍ବ ସମ୍ମତ କ୍ରମେ ଅନୁମୋଦନ ଲାଭ ପରେ ବିଭାଗୀୟ ଅଧିକାରୀ ଙ୍କୁ ପ୍ରେରଣ କରାଯିବା ନେଇ ସୂଚନା ଦେଇଥିଲେ |ଉକ୍ତ ବୈଠକ ରେ ଭାରପ୍ରାପ୍ତ ନିର୍ବାହୀ ଅଧିକାରୀ ଡି. ମାଳେଶ୍ୱର ପାତ୍ର, ଉପାଧ୍ୟାଖ୍ୟା ଲିଲି ସାହୁ, 2 ନମ୍ବର କଉଁନସିଲର ନାରାୟଣ ପାଢ଼ୀ, ବରିଷ୍ଟ କଉଁନସିଲର ପ୍ରଦୀପ କୁମାର ପଟ୍ଟନାୟକ 3 ନମ୍ବର କାଉନସିଲର ସୁଜାତା କୁମାରୀ ସାମନ୍ତ , ପ୍ରମୁଖ କାଉନସିଲର ମାନେ ଆଲୋଚନା ରେ ଅଂଶ ଗ୍ରହଣ କରିଥିଲେ |