Odisha Janamata : ଋଷିକୁଲ୍ୟା ନଦୀକୁ ବଞ୍ଚାଇବା ନିମନ୍ତେ ଚାଷୀଙ୍କ ବୈଠକ

ଋଷିକୁଲ୍ୟା ନଦୀକୁ ବଞ୍ଚାଇବା ନିମନ୍ତେ ଚାଷୀଙ୍କ ବୈଠକ

22-Feb-2025

ଋଷିକୂଲ୍ୟା ନଦୀ ବଞ୍ଚାଅ ଅଭିଯାନ ଆରମ୍ଭ, ପିପାଳ ପଙ୍କା ରେ ଡ୍ୟାମ ନିର୍ମାଣ କୁ ବିରୋଧ କରି ବୈଠକ,

ଓଡିଶା ଜନମତ ବ୍ୟୁରୋ,

ପୁରୁଷୋତ୍ତମପୁର ବିଜ୍ଞାପିତ ଅଞ୍ଚଳ ର ବିଏସ ଏନ ଏଲ ଅଫିସ ସାମ୍ନା କାଳୀ ମନ୍ଦିରପରିସରରେ ଏକ ବୈଠକ ସ୍ଵପ୍ନେଶ୍ଵର କୃଷକ ସଙ୍ଘ ର ସଭାପତି ଏ ମୁକୁନ୍ଦ ରାଓ ଙ୍କ ସଂଯୋଜନା ରେ ଅନୁଷ୍ଠିତ ହୋଇ ଥିଲା | ଏହାର ନେତୃତ୍ୱ ନେଇଥିଲେ ଋଷିକୁଲ୍ୟା ରୟତ ସଭାର ସମ୍ପାଦକ ସିମାଞ୍ଚଳ ନାହାକ, ଏହି ବୈଠକ ରେ ମୁଖ୍ୟ ଅତିଥି ଭାବେ ଜିଲ୍ଲା କୃଷକ ସଂଘଟନ ର ସଭାପତି ଭାଲ ଚନ୍ଦ୍ର ଷଡ଼ଙ୍ଗୀ, ସମ୍ମାନିତ ଅତିଥି ଭାବେ ଆଇନ ଯିବି ସ୍ୱରାଜ୍ୟ ପାଣିଗ୍ରାହୀ, କୃଷକ ନେତା ପଦ୍ମ ଚରଣ ପ୍ରଧାନ, ସମାଜ ସେବୀ ବିନାୟକ ଆଚାର୍ଯ୍ୟ, ସଫଳ ଚାଷୀ ରବୀନ୍ଦ୍ର ନାଥ ସାହୁ, ମିଡ଼ିଆ ୟୁନିୟନ ରାଜ୍ୟ କାର୍ଯ୍ୟ କାରିଣୀ ସଦସ୍ୟ ପ୍ରସନ୍ନ କୁମାର ଦାଶ, ସ୍ଵପ୍ନେଶ୍ଵର କୃଷକ ସଙ୍ଘ ଉପଦେଷ୍ଟା ରମେଶ ଚନ୍ଦ୍ର ଗୌଡ଼, ମଞ୍ଚାସିନ ଥିଲେ | ଏହି ବୈଠକ ର ମୁଖ୍ୟ ଉଦେଶ୍ୟ ଥିଲା କି ଗଞ୍ଜାମ ଜିଲ୍ଲା ସୋରଡ଼ା ଠାରେ ଋଷିକୂଲ୍ୟା ନଦୀ ଉପରେ ଡ୍ୟାମ କରି ସେହି ଠାରୁ ପାଣୀ ଗୋପାଳ ପୁରପୋର୍ଟ ଓ ଛତ୍ରପୁର ପ୍ରାଇଭେଟ ଫେକ୍ଟରୀ କୁ ପାଣୀ ଦେବା ନିମନ୍ତେ ରାଜ୍ୟ ସରକାର ଙ୍କ ଏହି ପ୍ରୟାସ | କିନ୍ତୁ ଡ୍ୟାମ ସେଠାରେ ହେଲେ ତାହା ଲୋକଙ୍କ ହିତରେ ଆସିବ ନାହିଁ କେବଳ ଘରୋଇ ଉଦ୍ୟୋଗୀ ମାନଙ୍କୁ ସନ୍ତୁଷ୍ଟି କରିବା ନିମନ୍ତେ ସରକାର କାର୍ଯ୍ୟ କରୁଛନ୍ତି | ସେଠାରେ ଡ୍ୟାମ ତିଆରି ହେଲେ ଋଷିକୁଲ୍ୟା ନଦୀ ର ଜଳ ଧାର ସୁଖୀ ଯିବ ଓ ନଦୀ ସବୁଦିନ ପାଇଁ ଜଳ ଧାର ମରିଯିବ | ଏହି କଥାକୁ ହୃଦୟଙ୍ଗମ କରି ଚାଷୀ ପିପଳ ପଙ୍କା ରେ ଋଷିକୁଲ୍ୟା ନଦୀରେ ଡ୍ୟାମ ନିର୍ମାଣ କୁ ବିରୋଧ କରି ଆଗାମୀ ଦିନ ରେ ଜନ ଜାଗରଣ କରି ଋଷିକୁଲ୍ୟା ନଦୀକୁ ବଞ୍ଚାଇବା ପାଇଁ ପ୍ରୟାସ କରାଯିବ | ତେଣୁ ଆଗାମୀ ଦିନରେ ସୋରଡ଼ା ଠାରୁ ଗଂଜାମ ମୁହାଣ ପର୍ଯ୍ୟନ୍ତ ସବୁ ନଈ କୁଳିଆ ଗ୍ରାମ ବାସୀ ଏହି ଡ୍ୟାମ କୁ ବିରୋଧ କରି ଋଷିକୁଲ୍ୟା ନଦୀକୁ ବଂଚେଇବା ଏବଂ ତାର ଜଳ ଧାରକୁ ପ୍ରବାହିତ କରିବା ପାଇଁ ପ୍ରସ୍ତୁତି ବୈଠକ କରିଥିଲେ | ଏଇକାର୍ଯ୍ୟ କୁ ଫଳ ପ୍ରଦ କରିବା ପାଇଁ ଆଜିର ଏହି ବୈଠକଅନୁଷ୍ଠିତ କରାଯାଇ ଥିଲା | ଏହି କାର୍ଯ୍ୟକ୍ରମ ରେ ଏନଏସି ସହିତ ପୁରୁଷୋତ୍ତମ ପୁର ବ୍ଲକର ବିଭିନ୍ନ ପଞ୍ଚାୟତ ର ଚାଷୀ ମାନେ ଉପସ୍ଥିତ ରହି ଥିଲେ |