Odisha Janamata : ବନ୍ଧୁଙ୍ଗା ବ୍ଲକ ରେ ମାଟ୍ରିକ ପରୀକ୍ଷା ଅନୁଷ୍ଠିତ |

ବନ୍ଧୁଙ୍ଗା ବ୍ଲକ ରେ ମାଟ୍ରିକ ପରୀକ୍ଷା ଅନୁଷ୍ଠିତ |

22-Feb-2025

ବନ୍ଧୁଗାଁ ବ୍ଲକରେ ଦଶମ ଶ୍ରେଣୀର ବାର୍ଷିକ ପରୀକ୍ଷା ଅନୁଷ୍ଠିତ,

ଓଡିଶା ଜନମତ ବ୍ୟୁରୋ,
ବନ୍ଧୁଗାଁ ତା ୨୧/୨/୨୫ ବନ୍ଧୁଗାଁ ବ୍ଲକ ର ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ ବନ୍ଧୁଗାଁ ଓ ସରକାରୀ (ଏସଏସଡି) ବାଳିକା ଉଚ୍ଚ ବିଦ୍ୟାଳୟ ନିଲାବାଡି ରେ ଦଶମ ଶ୍ରେଣୀର ବାର୍ଷିକ ପରୀକ୍ଷା ଅନୁଷ୍ଠିତ ହୋଇଯାଇଛି। ବନ୍ଧୁଗାଁ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ରଶ୍ମିତା ସେଠୀ ପରୀକ୍ଷା ସୂପରିଟେଣ୍ଡେଣ୍ଟ ଓ ୟୁ ରାୟୁଡୁ ଉପ ସୂପରୀଟେଣ୍ଡେଣ୍ଟ ଏଵଂ ନିଲାବାଡି ସରକାରୀ ବାଳିକା ଉଚ୍ଚ ବିଦ୍ୟାଳୟରେ ସୁପରୀଟେଣ୍ଡେଣ୍ଟ ଶ୍ରୀ ରାଘବ ଦେଉରୀ ଓ ଉପ ସୁପରୀ ଟେଣ୍ଡେଣ୍ଟ ଶ୍ରୀ ମନୋଜ କୁମାର ଚୌଧୁରୀ ଓ ତ୍ରିନାଥ ଖରା ରହି ଦାୟିତ୍ଵ ତୁଲାଇ ଥିଲେ। ଆଜି ବନ୍ଧୁଗାଁ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟରେ ଆଲମଣ୍ଡା, କେ ଯାଗୁଗୁଡା, ଏ ଯାଗୁଗୁଡା, ନିଲାବାଡି, କମ୍ଭୁଗଣ୍ଡା, କାତୁଲପେଟା, କାନାଗାଁ ଓ ମହାଗୁଡା ଗାଁରେ ଥିବା ସ୍କୁଲରୁ ୨୦୨ ଜଣ ଛାତ୍ରଛାତ୍ରୀ ଙ୍କ ମଧ୍ୟରୁ ୨୦୧ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିବା ବେଳେ ଜଣେ ପିଲା ପରୀକ୍ଷା ଦେଇ ନାହାନ୍ତି, ଏହା ସହ ନିଲାବାଡି ସରକାରୀ ଉଚ୍ଚ ବାଳିକା ବିଦ୍ୟାଳୟ ରେ ଡୁମାଡଙ୍ଗର , ବନ୍ଧୁଗାଁ ଓ କୁମ୍ଭାରିପୁଟ ଗାଁର ସ୍କୁଲରୁ ୨୮୦ ଜଣ ଛାତ୍ରଛାତ୍ରୀଙ୍କ ମଧ୍ୟରୁ ୨୭୫ ପିଲା ପରୀକ୍ଷା ଦେଇଥିବା ବେଳେ ୫ ଜଣ ଛାତ୍ରଛାତ୍ରୀ ପରୀକ୍ଷା ଦେଇ ନାହାନ୍ତି । ଆଜି ସକାଳ ଘଣ୍ଟା ୭.୧୫ ମିନିଟ ସମୟରେ ବନ୍ଧୁଗାଁ ଥାନା ରେ ରଖାଯାଇଥିବା ପ୍ରଶ୍ନ ପତ୍ର ଅଣାଯାଇ ସ୍ଥାନୀୟ ତହସିଲଦାର ଶ୍ରୀମତୀ ସୋନାଲି ପାତ୍ରଙ୍କ ଉପସ୍ଥିତି ରେ ପ୍ରଶ୍ନ ପତ୍ର ଖୋଲା ଯାଇ ଥିଲା। ବନ୍ଧୁଗାଁ ପରୀକ୍ଷା କେନ୍ଦ୍ରରୁ ନିଲାବାଡ଼ି ପରୀକ୍ଷା କେନ୍ଦ୍ରକୁ ପ୍ରଶ୍ନ ପତ୍ର ଡିସସ୍ପଚ ଅଫିସର ଭାବେ ଦୁର୍ଗାପ୍ରସାଦ ଚୌଧୁରୀ ଓ ମଧୁସୂଦନ ବଡନାଇକ କାର୍ଯ୍ୟ ତୁଲାଇ ଥିଲେ। ପରୀକ୍ଷା କେନ୍ଦ୍ର ଗୁଡ଼ିକରେ ନିରୀକ୍ଷକ ଭାବେ ଏବିଇଓ ଈଶ୍ୱର ଚନ୍ଦ୍ର ମୁଦୁଲି ଓ ମଦନ ପାଣି ଆସିଥିବା ବେଳେ ବନ୍ଧୁଗାଁ ବ୍ଲକ ବିଡିଓ ଅବିନାଶ ବିଶ୍ୱଜିତ ସେଠୀ ପରିଦର୍ଶନ କରିଥିଲେ। ଦୁଇଟି ପରୀକ୍ଷା କେନ୍ଦ୍ରରେ ଯେଉଁ ୬ ଜଣ ପିଲା ପରୀକ୍ଷା ଦେଇ ନାହାନ୍ତି ସେମାନଙ୍କ ପାଖରେ ଶିକ୍ଷା ବିଭାଗ ପହଞ୍ଚି କିପରି ପରୀକ୍ଷା ଦେଇ ପାରିବେ ବ୍ୟବସ୍ଥା କରିବାକୁ ସାଧାରଣରେ ଅନୁରୋଧ କରିଛନ୍ତି। ପରୀକ୍ଷାକୁ ସ୍କୁଲ ର ଅନ୍ୟାନ୍ୟ ଶିକ୍ଷକ ଶିକ୍ଷୟତ୍ରୀ ରହି ପରିଚାଳନା କରିଥିଲେ। ଦୁଇଟି ପରୀକ୍ଷା କେନ୍ଦ୍ରରେ ସ୍ଥାନୀୟ ପୋଲିସ ଉପସ୍ଥିତ ରହି ସୁରକ୍ଷା ପ୍ରଦାନ କରିବା ସହ ଶାନ୍ତି ଶୃଙ୍ଖଳାର ସହିତ ପରୀକ୍ଷା ଶେଷ ହୋଇଥିଲା।