Odisha Janamata : ଏନ ବରପଲି ଠାରେ କନକା କ୍ଲଷ୍ଟର ସ୍ତରୀୟ ନିପୁଣ ଓଡିଶା ମେଳା ଅନୁଷ୍ଠିତ |

ଏନ ବରପଲି ଠାରେ କନକା କ୍ଲଷ୍ଟର ସ୍ତରୀୟ ନିପୁଣ ଓଡିଶା ମେଳା ଅନୁଷ୍ଠିତ |

29-Jan-2025

ଖଲ୍ଲିକୋଟ: କନକା କ୍ଲଷ୍ଟର ସ୍ତରୀୟ ନିପୁଣ ଓଡ଼ିଶା ମେଳା ଏନ୍. ବରପଲ୍ଲୀ ଠାରେ ଅନୁଷ୍ଠିତ,

ଓଡିଶା ଜନ ମତ ବ୍ୟୁରୋ,

ଖଲ୍ଲିକୋଟ ବ୍ଲକ୍ ଅନ୍ତର୍ଗତ କନକା କ୍ଲଷ୍ଟର ପକ୍ଷରୁ କ୍ଲଷ୍ଟର ସ୍ତରୀୟ "ନିପୁଣ ଓଡ଼ିଶା ମେଳା" ସ୍ଥାନୀୟ ଏନ୍. ବରପଲ୍ଲୀ ସରକାରୀ ପ୍ରାଥମିକ ବିଦ୍ୟାଳୟ ଠାରେ ଆନୁଷ୍ଠାନିକ ରୀତିରେ ଅନୁଷ୍ଠିତ ହୋଇଯାଇଛି । ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଡକ୍ଟର ଦ୍ବାରିକାନାଥ ମହାରଣା ସର୍ବ ପ୍ରଥମେ ପ୍ରାକ୍ ସୂଚନା ପ୍ରଦାନ ପରେ ଉପସ୍ଥିତ ଅତିଥିମାନଙ୍କ ଦ୍ୱାରା ପ୍ରଦୀପ ପ୍ରଜ୍ଜ୍ୱଳନ କାର୍ଯ୍ୟକ୍ରମ ସମ୍ପନ୍ନ ହୋଇଥିଲା । ଦୀପ ମନ୍ତ୍ର ଗାନ ପରେ କନକା ବିଦ୍ୟାଳୟର ପ୍ରଧାନ ଶିକ୍ଷକ ଦେବରାଜ ଗୈାଡ ପ୍ରାରମ୍ଭିକ ସଂଗୀତ ପରିବେଷଣ କରିଥିଲେ । ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ, ଡିମିରିଆର ଛାତ୍ରୀମାନେ ନିପୁଣ ଓଡ଼ିଶା ମେଳା ଗୀତର ତାଳେ ତାଳେ ନାଚିବା ଉତ୍ତାରେ ଶପଥଗ୍ରହଣ କରିଥିଲେ । ସାଧନ କେନ୍ଦ୍ର ସଂଯୋଜକ ଡକ୍ଟର ମହାରଣା ଆୟୋଜିତ ନିପୁଣ ଓଡ଼ିଶା ମେଳାର ପ୍ରକୃତ ପ୍ରୟୋଜନତା, ଉଦ୍ଦେଶ୍ୟ ସମ୍ପର୍କରେ ବିଶଦ ଆଲୋଚନା କରିଥିଲେ । ଏହି ଅବସରରେ ଡିମିରିଆ ପଞ୍ଚାୟତର ସରପଞ୍ଚ ଶ୍ରୀମତୀ ସବିତା ଗୈାଡ ମୁଖ୍ୟ ଅତିଥି, ପ୍ରାକ୍ତନ ସରପଞ୍ଚ ତଥା ଯୁବ ସମାଜସେବୀ ମନୋଜ କୁମାର ଗୈାଡ ମୁଖ୍ୟ ବକ୍ତା, ସାବୁଳିଆ କ୍ଲଷ୍ଟର ସି ଆର୍ ସି ସି ରବୀନ୍ଦ୍ର କୁମାର ନାହାକ ସ୍ୱତନ୍ତ୍ର ଅତିଥି , ଏନ୍. ବରପଲ୍ଲୀ ବିଦ୍ୟାଳୟର ପ୍ରଧାନ ଶିକ୍ଷକ ପ୍ରଫୁଲ୍ଲ ଶବର, ୱାର୍ଡ ସଭ୍ୟ କନ୍ଧ ପ୍ରଧାନ ସମ୍ମାନୀତ ଅତିଥି ଭାବେ ଯୋଗ ଦେଇ ରାଜ୍ୟ ସରକାରଙ୍କ ନିପୁଣ ଓଡ଼ିଶା ମେଳାର ଲକ୍ଷ୍ୟ ଆଭିମୁଖ୍ୟ, ପ୍ରଥମରୁ ତୃତୀୟ ଶ୍ରେଣୀର ପର୍ଯ୍ୟନ୍ତ ଛାତ୍ର ଛାତ୍ରୀଙ୍କ ମୈ।ଳିକ ସାକ୍ଷରତା, ସଂଖ୍ୟା ଜ୍ଞାନ, ସୃଜନଶୀଳତାର ପରିପ୍ରକାଶ ପାଇଁ ଶିକ୍ଷକ ଶିକ୍ଷୟିତ୍ରୀଙ୍କ ଠାରୁ ଆରମ୍ଭ କରି ଅଭିଭାବକ ଅଭିଭାବିକା, ଜନ ପ୍ରତିନିଧି ସମସ୍ତଙ୍କ ଉଦ୍ୟମ, ସଂପୃକ୍ତି ଆଦି ବହୁବିଧ ଦିଗ ସମ୍ପର୍କରେ ବକ୍ତବ୍ୟ ପ୍ରଦାନ କରିଥିଲେ । ଅନୁଷ୍ଠିତ ମେଳାରେ କ୍ଲଷ୍ଟର ଅଧୀନସ୍ଥ ସମସ୍ତ ବିଦ୍ୟାଳୟର ବହୁ ଛାତ୍ର ଛାତ୍ରୀ, ମାର୍ଗ ଦର୍ଶକ ଶିକ୍ଷକ ଶିକ୍ଷୟିତ୍ରୀ, ଅଭିଭାବକ ଅଭିଭାବିକା, ଶିକ୍ଷାବିତ୍, ବୁଦ୍ଧିଜୀବୀ, ଅଞ୍ଚଳବାସୀ ଯୋଗଦାନ କରିଥିଲେ । ନିପୁଣ ଓଡ଼ିଶା ମେଳା ନିମନ୍ତେ ପ୍ରଯୁଜ୍ୟ ଅନେକ ଶିକ୍ଷଣ ସାମଗ୍ରୀ ମେଳାରେ ପ୍ରଦର୍ଶିତ ହୋଇଥିବାରୁ ମେଳା ବେଶ୍ ଶିକ୍ଷଣ ଉପଯୋଗୀ ହୋଇଥିଲା । ମେଳାରେ ଅଂଶଗ୍ରହଣକାରୀ ଛାତ୍ର ଛାତ୍ରୀମାନଙ୍କୁ ପ୍ରମାଣପତ୍ର ସହିତ ସମ୍ମାନୀତ କରାଯାଇଥିଲା ।