Odisha Janamata : ଦୁବାଇରେ ପୁଣି ଦାଦନ ଯନ୍ତ୍ରଣା, ପୁଅର ଶବକୁ ଭିଟା ମାଟିକୁ ଆଣିବାକୁ ଜିଲ୍ଲା ପାଳଙ୍କୁ ପରିବାର ର ଆକୁଳ ନିବେଦନ |

ଦୁବାଇରେ ପୁଣି ଦାଦନ ଯନ୍ତ୍ରଣା, ପୁଅର ଶବକୁ ଭିଟା ମାଟିକୁ ଆଣିବାକୁ ଜିଲ୍ଲା ପାଳଙ୍କୁ ପରିବାର ର ଆକୁଳ ନିବେଦନ |

19-Jan-2025

ଖଲ୍ଲିକୋଟ ରେ ପୁଣି ଦାଦନ ଯନ୍ତ୍ରଣା ;ଦୁବାଇ ରେ ଓଡ଼ିଆ ଶ୍ରମିକ ଙ୍କ ମୃତ ଶବ କୁ ଭିଟାମାଟି କୁ ଆଣିବା ପାଇଁ ପରିବାର ଙ୍କ ଆକୁଳ ନିବେଦନ |
********************************
ଓଡିଶା ଜନମତ,ଖଲ୍ଲିକୋଟ, ମାଧବ ବେହେରା , 18/1:

ଗଞ୍ଜାମ ଜିଲ୍ଲା ର ଖଲ୍ଲିକୋଟ ଥାନା ଭେଜିପୁଟ ଗ୍ରାମର ସୌରୀ ନାୟକ ଙ୍କ ପୁଅ କମଳ କୁମାର ନାୟକ ଗତ 16 ମାସ ତଳେ ପରିବାର ପ୍ରତି ପୋଷଣ ପାଇଁ ସୁଦୂର ଡୁବାଇ ଯାଇଥିବା ବେଳେ ଗତକାଲି ସେଠାରେ ମୃତୁ ବରଣ କରିଥିବା ଜଣାପଡିଛି | ପୁଅ ର ମୃତୁ ଖବର ପାଇ ପରିବାର ଲୋକ ଦୁଃଖ ରେ ଭାଙ୍ଗି ପଡ଼ିଥିବା ଜଣାପଡିଛି |ପରିବାର ଲୋକ ଙ୍କ ବୟାନ ଅନୁଯାଇ କମଳ ଙ୍କ ବାପା ସୌରୀ କହେଁଇପୁର ଠାରୁ କନ୍ଦି ଗାଁ ରାସ୍ତରେ ଅଜା ପାନ ନାମକ ଏକ ଚାଲିଆ ରେ ଦୋକାନ ଟିଏ କରି 13 ପ୍ରାଣୀ କୁଟୁମ୍ବ ପ୍ରତିପୋଷଣ କରି ଆସୁଥିଲେ |ତେବେ ପରିବାର ର ଆର୍ଥିକ ସଙ୍କଟ କୁ ଦେଖି ତାଙ୍କ ସାନ ପୁଅ କମଳ ଖଲ୍ଲିକୋଟ ଅଞ୍ଚଳ ରେ କୌଣସି କାମ ଦାମ ନ ମିଳିବାରୁ ଶେଷରେ ଧାର ଉଦ୍ଧାର କରି ଖଲ୍ଲିକୋଟ ର ଜଣେ ଦାଦନ ଦଲାଲ ସୁରେନ୍ଦ୍ର ଦିହୁଡି ଙ୍କୁ 70 ହଜାର ଟଙ୍କା ଦେଇ ଡୁବାଇ ର ଏକ ଘରୋଇଁ କମ୍ପାନୀ ଏଚ ଏଣ୍ଡ ଏନ ଇନୋଭେଟୀଭି କଣ୍ଟର୍ଶକ୍ଟିଙ୍ଗ ଏଲ ଏଲ ସି ରେ ଶ୍ରମିକ ଭାବେ କାମ କରୁଥିଲା |ଆଉ ଦୁଇ ମାସ ପରେ ତାର ପୁଅ ର ଜନ୍ମ ଦିନ ପାଇଁ ଅସିଥାନ୍ତା |ତେବେ ହଠାତ ଗତକାଲି ଅସୁସ୍ଥତା ଅନୁଭବ କରି ବାନ୍ତି କରିବାରୁ ତାକୁ ତାର ସହଯୋଗୀ ଶ୍ରମିକ ମାନେ ନିକଟସ୍ଥ ଚିକିଛାଳୟ ରେ ଭର୍ତ୍ତି କରିଥିବା ବେଳେ ମୃତୁ ବରଣ କରିଥିଲା |ଏହି ଖବର ପାଇବା ପରେ ତାର ପତ୍ନୀ ମିନାକ୍ଷୀ ଓ 10 ବର୍ଷ ର ଝିଅ ଶାଳିନୀ ଓ 10 ମାସ ର ପୁଅ ଦିବୟାଂଶୁ ଓ ମା ଜ୍ୟୋ୍ଚ୍ଛନା ଙ୍କ ବୁକୁଫଟା କ୍ରନ୍ଦନ ରେ ଘର ଫାତିପଡୁଥିବା ବେଳେ କମଳ ର ଫେରନ୍ତା ବାଟ କୁ ଅନାଇଁ ରହିଛନ୍ତି | ତେବେ ଡୁବାଇ ରେ ଥିବା କମଳ ର ମର ଶରୀର କୁ ଭିଟା ମାଟି କୁ ଫେରାଇ ଆଣିବା ପାଇଁ ଗଞ୍ଜାମ ଜିଲ୍ଲପାଳ ଓ ଜିଲ୍ଲା ଶ୍ରମ ଅଧିକାରୀ ଙ୍କ ଦୃଷ୍ଟି ଆକର୍ଷଣ କରିଛନ୍ତି |ମୃତ ଦାଦନ ଶ୍ରମିକ ଙ୍କ ଶୋକସନ୍ତପ୍ତ ପରିବାର କୁ ଲଙ୍ଗଳେଶ୍ୱର ସରପଞ୍ଚ ରମେଶ କୁମାର ସାହୁ ପହଂଚି ଶବ କୁ ଫେରାଇ ଆଣିବା ପାଇଁ ସାନ୍ତୁନା ଦେଇଥିବା ପ୍ରକାଶ |ସୌରୀ ର ଆଉ ଦୁଇ ସୁନୀଲ ଓ ମିଟୁ ଭିଟାମାଟି ଛାଡି କ୍ଵାତ୍ତର ଓ ଡୁବାଇ ରେ ଦାଦନ ଶ୍ରମିକ ଭାବେ କାମ କରୁଥିବା ପ୍ରକାଶ | ତେବେ ଗତ ପାଞ୍ଚ ବର୍ଷ ମଧ୍ୟରେ ଖଲ୍ଲିକୋଟ ବ୍ଲକ ର ପ୍ରାୟ 50 ଜଣ ଦାଦନ ଶ୍ରମିକ ମୃତୁ ବରଣ କରିଥିବା ବେଳେ ଚଳିତ ବର୍ଷ ପ୍ରାୟ ସାତ ଜଣ ଦେଶ ବାହାରେ ଓ ରାଜ୍ୟ ବାହାରେ ମୃତୁ ବରଣ କରିଥିବା ବେଳେ ଦୁଇ ଜଣ ଙ୍କ ଶବ ଆର୍ଥିକ ଦୁରାବସ୍ଥା ଯୋଗୁଁ ଭିଟାମାଟି କୁ ଫେରିପାରୀ ନଥିବା ଏ ସୂତ୍ର ରୁ ଜଣାପଡିଛି| | ତେବେ ସୌରୀ ଙ୍କ 13 ଜଣ ପରିବାର କୁ ଦୀର୍ଘ ଦିନ ହେଲା ଜାତୀୟ ଖାଦ୍ୟ ନିରାପତା ଯୋଜନା ରେ ଚାଉଳ ମିଳିନଥିବା ପରିବାର ମୁଖିଆ ସୌରୀ ନାୟକ ଅଭିଯୋଗ କରିଛନ୍ତି |