Odisha Janamata : ଦୀର୍ଘ ଅଢେଇ ବର୍ଷ ପରେ ମଧ୍ୟ ଆଦର୍ଶ ହଷ୍ଟେଲ କାମ ସରୁନି |

ଦୀର୍ଘ ଅଢେଇ ବର୍ଷ ପରେ ମଧ୍ୟ ଆଦର୍ଶ ହଷ୍ଟେଲ କାମ ସରୁନି |

24-Aug-2026

ନରସିଂହପୁର ଆଦର୍ଶ ବିଦ୍ୟାଳୟ ହଷ୍ଟେଲ ନିର୍ମାଣଅଢେଇ ବର୍ଷ ପରେ ମଧ୍ୟ କାମ ସରୁନି |

(ରାଜନୈତିକ ଚକ୍ରାନ୍ତ ନା ପ୍ରଶାସନ ର ଅବହେଳା |

ଓଡିଶା ଜନ ମତ ବ୍ୟୁରୋ,

ବିଜେଡି ର ସେତେବେଳର ବିଧାୟକ ଦେଵୀ ପ୍ରସାଦ ମିଶ୍ର ଙ୍କ କର କମଳରେ ଶିଳାନ୍ୟାସ ହୋଇଥିବା ଏହି ଆଦର୍ଶ ହଷ୍ଟେଲ କୁ ଦୀର୍ଘ
ଅଢେଇ ବର୍ଷ ବିତିଯାଇଥିଲେ ମଧ୍ୟ ନରସିଂହପୁର ବ୍ଲକ ପାଇକପଡ଼ା-ପାଟଣାସ୍ଥିତ ଓଡ଼ିଶା ଆଦର୍ଶ ବିଦ୍ୟାଳୟର ହଷ୍ଟେଲ ନିର୍ମାଣ କାର୍ଯ୍ୟ ଶେଷ ହୋଇପାରିନାହିଁ। ନିର୍ମାଣ କାମ ଅଧପନ୍ତରିଆ ହୋଇ ପଡ଼ିରହିଥିବାରୁ ଛାତ୍ରଛାତ୍ରୀ ଓ ଅଭିଭାବକଙ୍କ ମଧ୍ୟରେ ଅସନ୍ତୋଷ ବଢ଼ୁଛି।ସୂଚନା ଅନୁଯାୟୀ, ବିଦ୍ୟାଳୟରେ ଷଷ୍ଠରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ୪୩୭ ଜଣ ଛାତ୍ରଛାତ୍ରୀ ପଢ଼ୁଛନ୍ତି। ନରସିଂହପୁର ବ୍ଲକର ଏହା ଏକମାତ୍ର ଆଦର୍ଶ ବିଦ୍ୟାଳୟ ହୋଇଥିବାରୁ ୩୭ଟି ପଞ୍ଚାୟତର ଦୂରଦୂରାନ୍ତର ଛାତ୍ରଛାତ୍ରୀ ଏଠାକୁ ପାଠ ପଢ଼ିବାକୁ ଆସୁଛନ୍ତି। କମଳାଡିହ-ବାଲିପୁଟ ଅଞ୍ଚଳରୁ ବିଦ୍ୟାଳୟର ଦୂରତା ପ୍ରାୟ ୨୫ କିଲୋମିଟର, ବାଲିଝରୀରୁ ପ୍ରାୟ ୧୮ରୁ ୨୦ କିଲୋମିଟର ଏବଂ ଦେବଭୂଇଁ-ସେରମୁଣ୍ଡା ଅଞ୍ଚଳରୁ ପ୍ରାୟ ୨୩ କିଲୋମିଟର ଦୂର। ଫଳରେ ବିଧାୟ ଦେଵ ପ୍ରସା ମିଶ୍ ଙ୍ କ କମ ର ଦୂରଦୂରାନ୍ତରୁ ଆସୁଥିବା ପିଲାମାନେ ଦୈନିକ ଯାତାୟାତରେ ବିଭିନ୍ନ ସମସ୍ୟାର ସମ୍ମୁଖୀନ ହେଉଛନ୍ତି।ଦୂରଦୂରାନ୍ତର ଛାତ୍ରଛାତ୍ରୀଙ୍କ ସୁବିଧା ପାଇଁ ୨୦୨୪ ଫେବୃଆରୀ ୬ ତାରିଖରେ ବିଦ୍ୟାଳୟ ପରିସରରେ ୧୦୦ ଶଯ୍ୟା ବିଶିଷ୍ଟ ଛାତ୍ର ହଷ୍ଟେଲ ଓ ୧୦୦ ଶଯ୍ୟା ବିଶିଷ୍ଟ ଛାତ୍ରୀ ହଷ୍ଟେଲ ନିର୍ମାଣ ପାଇଁ ତତ୍କାଳୀନ ବିଧାୟକ ଦେବୀ ପ୍ରସାଦ ମିଶ୍ର ଶିଳାନ୍ୟାସ କରିଥିଲେ। ହେଲେ ଶିଳାନ୍ୟାସର ଅଢେଇ ବର୍ଷ ପରେ ମଧ୍ୟ ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ ହୋଇନଥିବା ଅଭିଯୋଗ ହେଉଛି।ଏହା ସହିତ ବିଦ୍ୟାଳୟର ସାଇକେଲ ଷ୍ଟାଣ୍ଡ ଗୃହ ନିର୍ମାଣ କାର୍ଯ୍ୟ ମଧ୍ୟ ଦୀର୍ଘଦିନ ଧରି ଅସମ୍ପୂର୍ଣ୍ଣ ରହିଛି। ଅନ୍ୟପକ୍ଷରେ ୪ କୋଟିରୁ ଅଧିକ ଟଙ୍କା ବ୍ୟୟରେ ନିର୍ମିତ ବିଦ୍ୟାଳୟର ନୂତନ ଶ୍ରେଣୀଗୃହ ଛାତରେ ପାଣି ଜମି ନଷ୍ଟ ହେବାକୁ ବସିଥିବା ଅଭିଯୋଗ ହୋଇଛି।୪୩୭ ଜଣ ଛାତ୍ରଛାତ୍ରୀ ଅଧ୍ୟୟନ କରୁଥିଲେ ମଧ୍ୟ ବିଦ୍ୟାଳୟର ନିଜସ୍ୱ ଖେଳ ପଡ଼ିଆ ନଥିବାରୁ କ୍ରୀଡ଼ା କାର୍ଯ୍ୟକ୍ରମ ମଧ୍ୟ ପ୍ରଭାବିତ ହେଉଛି। ସେହିପରି ବିଦ୍ୟାଳୟ ପ୍ରତିଷ୍ଠା ଦିନଠାରୁ ଆଜି ପର୍ଯ୍ୟନ୍ତ ସ୍ଥାୟୀ କିରାଣୀ ନିଯୁକ୍ତ ହୋଇନଥିବାରୁ ବିଦ୍ୟାଳୟର ପ୍ରଶାସନିକ କାର୍ଯ୍ୟରେ ମଧ୍ୟ ସମସ୍ୟା ଦେଖାଦେଉଛି।ବିଦ୍ୟାଳୟରେ ଏଭଳି ଏକାଧିକ ସମସ୍ୟା ଲାଗିରହିଥିବା ବେଳେ ବିଭାଗୀୟ କର୍ତ୍ତୃପକ୍ଷ ତୁରନ୍ତ ହସ୍ତକ୍ଷେପ କରି ଅଧପନ୍ତରିଆ ହଷ୍ଟେଲ ଓ ସାଇକେଲ ଷ୍ଟାଣ୍ଡ ନିର୍ମାଣ କାର୍ଯ୍ୟ ଶେଷ କରିବା ସହ ଶ୍ରେଣୀଗୃହ ଛାତର ସମସ୍ୟାର ସ୍ଥାୟୀ ସମାଧାନ, ଖେଳ ପଡ଼ିଆ ବ୍ୟବସ୍ଥା ଓ ସ୍ଥାୟୀ କିରାଣୀ ନିଯୁକ୍ତି ପାଇଁ ପଦକ୍ଷେପ ନେବାକୁ ଦାବି ହେଉଛି। ଏହା ବିଜେଡି ସରକାର ଙ୍କ ସମୟରେ ହୋଇଥିବାରୁ ଏବର ଶାସକ ସରକାର କରୁନାହାନ୍ତି ନା ପ୍ରଶାସନ ର ଅବହେଳା ଯୋଗୁଁ କାମ ସରୁନି ତାହାହିଁ ସମସ୍ତ ଙ୍କ ମନରେ ପ୍ରଶ୍ନ ବାଚୀ ସୃଷ୍ଟି କରିଛି | ତେବେ ଶିକ୍ଷା ବିତ ଓ ବୁଦ୍ଧିଜୀବୀଙ୍କ କହିବା କଥା ଶିକ୍ଷା ଅନୁଷ୍ଠାନ ରେ ହୀନ ରାଜନୀତି କରା ନଯାଇ ପିଲାଙ୍କ ଭବିଷ୍ୟତ କୁ ଦେଖାଯାଉ |