Odisha Janamata : ଅନାଥ ଶିଶୁ ଙ୍କୁ ସହଯୋଗ ର ହାତ ବଢ଼ାଇଲେ ବଡ଼ ଖଇର ଖମା ପଞ୍ଚାୟତ ବାସୀ |

ଅନାଥ ଶିଶୁ ଙ୍କୁ ସହଯୋଗ ର ହାତ ବଢ଼ାଇଲେ ବଡ଼ ଖଇର ଖମା ପଞ୍ଚାୟତ ବାସୀ |

24-Aug-2026

ବେସାହାରାଙ୍କୁ ସାହାଯ୍ୟର ହାତ ବଢ଼େଇଲେ ବଡ ଖଇରଖମା ପଞ୍ଚାୟତବାସୀ l

ଓଡିଶା ଜନମତ, ବେଗୁନିଆପଡ଼ା :24/08/26 :

ଭଞ୍ଜ କିଶୋର ମହାରଣା l

ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଳକ୍ ଅନ୍ତର୍ଗତ ବୁରୁଝରି ପଞ୍ଚାୟତର କନ୍ୟାରିବାଡି ଗ୍ରାମରେ ବେସାହାରା ହୋଇଥିବା ଚାରି କୁନି ଛୁଆଙ୍କୁ ରବିବାର ଦିନ ବଡ ଖଇରଖମା ପଞ୍ଚାୟତବାସୀ ସାହାଯ୍ୟର ହାତ ବଢ଼ାଇଛନ୍ତି l ପଞ୍ଚାୟତର ବୁଲୁ ବାରିକ, ଅନିଲ ବାରିକ,ରାଜେନ୍ଦ୍ର ସେଠି,ରବି ଲେଙ୍କା ବିଧାନ ମୁଖାର୍ଜୀ,ରମେଶ ଡାକୁଆ, ଟିକି ସ୍ୱାଇଁ,କିଷାନ ନାହାକ, ମାନସ ନାହାକ,ସିଲୁ ଜେନା, ସାଧୁ ଲେଙ୍କା,ଦେବ ଦୋରା, ଭାସ୍କର ଦୋରା, ଠକ ଦୋରା ଏବଂ ମେଘୁନୁ ବାରିକ ଆଦି ଅସହାୟଙ୍କ ଘରେ ପହଞ୍ଚି ସେମାନଙ୍କ ଦୁଃଖରେ ସମଦୁଃଖୀ ହୋଇ ସମବେଦନା ଜଣାଇ ପିଲାମାନଙ୍କୁ ଆର୍ଥିକ ସହାୟତା ପ୍ରଦାନ କରିବା ସହ ପରିବାରର ଆଶୁ କାମନା କରିଥିଲେ l ଏହାସହ ଯେଉଁମାନେ ଅସହାୟଙ୍କ ଦୁର୍ଦ୍ଦିନରେ ଠିଆ ହୋଇ ସହାୟତା ସକାଶେ ପ୍ରମୁଖ ଭୂମିକା ଗ୍ରହଣ କରୁଛନ୍ତି ସେମାନଙ୍କୁ ଧନ୍ୟବାଦ ଅର୍ପଣ କରିଥିଲେ l ଉକ୍ତ ସହାନୁଭୂତିକୁ ଗ୍ରାମ ତଥା ଅଞ୍ଚଳବାସୀ ଭୁରି ଭୁରି ପ୍ରଶଂସା କରିଥିଲେ l ପ୍ରକାଶ ଥାଉକି 2025 ମସିହାରେ ସେମାନଙ୍କ ବାପା ବାହନ ଡାକୁଆ (40) ଙ୍କ ଦେହାନ୍ତ ହୋଇଥିଲା । ଦୁଃଖ କଷ୍ଟରେ ମା ସୁକାନ୍ତି 4 ସନ୍ତାନକୁ ନେଇ ଯେନେତେନେ ପ୍ରକାରେ ଚଳି ଆସୁଥିଲେ । ଗତ 7 ତାରିଖ ଦିନ ତାଙ୍କ ମା ସୁକାନ୍ତି ଡାକୁଆ (36) ଙ୍କ ଦେହାନ୍ତ ହୋଇଗଲା । ଘରେ 75 ବର୍ଷୀୟ ବୁଢ଼ୀ ମା। । ଏବେ କୁନି କୁନି ଚାରି ଛୁଆଙ୍କ ସାହାରା ହେବ କିଏ ? ଚାରି ଛୁଆଙ୍କ ମଧ୍ୟରେ 3 ଝିଅ ଜଣେ ପୁଅ । ଘରେ ଟଙ୍କା ପଇସା ବୋଲି କିଛି ନାହିଁ । ଚାରି ଛୁଆଙ୍କ ମଧ୍ୟରୁ ବଡ ଝିଅ ପୂଜା ର ବୟସ ହେଉଛି 16 ବର୍ଷ । ସେ କଲେଜରେ ପଢୁଛି । ମଝିଆ ଝିଅ ଲିଜା ବୟସ (13) ସେ ଅଷ୍ଟମ ଶ୍ରେଣୀରେ ପଢୁଛି । ସାନ ଝିଅ ରାତ୍ରୀ ବୟସ (10) ସେ ପଞ୍ଚମ ଶ୍ରେଣୀରେ ପଢୁଛି । ସବା ସାନ ହେଉଛି ପୁଅ ଭାଗବତ ଯାହାର ବୟସ ମାତ୍ର 2 ବର୍ଷ । ବର୍ତ୍ତମାନ ଅଜା ଆଇ ଏହି ଛୁଆ ମାନଙ୍କର ଦାୟୀତ୍ବ ନେଉଛନ୍ତି । ସେମାନଙ୍କ ଆର୍ଥିକ ପରିସ୍ଥିତି ମଧ୍ଯ ସ୍ୱଚ୍ଛଳ ନାହିଁ । ଗୋଟିଏ ପଟେ ଚାରି ଛୁଆଙ୍କ ଚଳିବା ପାଇଁ ଟଙ୍କାର ଆବଶ୍ୟକତା ଥିବା ବେଳେ କେବଳ ବଦାନ୍ୟ ବ୍ୟକ୍ତିଙ୍କ ସାହାଯ୍ୟକୁ ଚାହିଁ ରହିଛନ୍ତି l