Odisha Janamata : ଛାତ ଉପରେ ମାଙ୍କଡ଼ ଆକ୍ରମଣ ରେ ତଳେ ପଡି ଯୁବତୀ ଗୁରୁତର,

ଛାତ ଉପରେ ମାଙ୍କଡ଼ ଆକ୍ରମଣ ରେ ତଳେ ପଡି ଯୁବତୀ ଗୁରୁତର,

24-Aug-2026

ମାଙ୍କଡ଼ ମାନଙ୍କର ଉପଦ୍ରବରେ ଛାତ ଉପରୁ ପଡ଼ି ଯୁବତୀ ଜଣକ ଗୁରୁତ୍ତର , ବ୍ରହ୍ମପୁର ବଡ଼ ମେଡିକାଲରେ ଭର୍ତ୍ତି ।

ଓଡିଶା ଜନ ମତ,ଛତ୍ରପୁର, ତା. ୨୪ / ୮,

କେ.ସତ୍ୟନାରାୟଣ ରେଡ୍ଡୀ :---
ଛତ୍ରପୁର ସହରାଞ୍ଚଳରେ ମାଙ୍କଡ଼ ମାନଙ୍କର ଉପଦ୍ରବ ଦିନକୁ ଦିନ ବଢ଼ିବାରେ ଲାଗିଛି, ଏଭଳି ଅନେକ ଲୋକଙ୍କର ମୃତାହତ ହୋଇଆସୁଛନ୍ତି ।
ଗଞ୍ଜାମ ଜିଲ୍ଲା ପ୍ରଶାସନକୁ ବହୁ ବାର ଜନସାଧାରଣଙ୍କର ଦାବୀ ହୋଇ ଆସିଥିବା ବେଳେ ଗଞ୍ଜାମ ଜିଲ୍ଲା ପ୍ରଶାସନ ଏଦିଗରେ କୌଣସି ପଦକ୍ଷେପ ଗ୍ରହଣ କରିନଥିବା ଅବା ପ୍ରତିକାର ବ୍ୟବସ୍ଥା ଗ୍ରହଣ କରିନଥିବା ନେଇ ସାଧାରଣରେ ଅସନ୍ତୋଷ ବଢ଼ିବାରେ ଲାଗିଛି । ଉଚ୍ଚ କର୍ତ୍ତୃପକ୍ଷ ତଥା ଗଞ୍ଜାମ ଜିଲ୍ଲାପାଳ ଏ ଦିଗରେ ଜରୁରୀ ପଦକ୍ଷେପ ତଥା କାର୍ଯ୍ୟାନୁଷ୍ଠାନ ଗ୍ରହଣ କରିବା ଆବଶ୍ୟକ ବୋଲି ବିଭିନ୍ନ ମହଲରେ ମତପ୍ରକାଶ ପାଇଛି | ସୂଚନା ଯୋଗ୍ୟ ଯେ` ସୋମବାର ସକାଳେ ସୁଶ୍ରୀ କେ. ତପସ୍ୱିନୀ ନାୟକ (୩୬) ମାଙ୍କଡ଼ ମନଙ୍କର ଉପଦ୍ରବରେ ଛାତ ଉପରୁ ତଳ ଘର ଛାତ ଉପରେ ପଡ଼ି ଗୁରୁତ୍ତର ଆହତ ହୋଇଛନ୍ତି । ସେ ଚାଇଲ୍ଡ ପ୍ରୋଟେକସନ୍ ୟୁନିଟ ରେ କାର୍ଯ୍ୟରତ ଜଣେ ମହିଳା ବୋଲି ଜଣାଯାଇଛି ।ଗୁରୁତର ଆହତ ଜଣକ ମହିଳା ସେ ଛତ୍ରପୁର ମ୍ୟୁନିସିପାଲିଟୀ ଅଞ୍ଚଳ ଦେବୀନଗର, ଦ୍ୱିତୀୟ ଲେନ୍ ରେ ଗୋଟିଏ ଭଡ଼ା ଘରେ ମାତ୍ର ଦୁଇ ଦିନ ହେଲା ରହି ଆସୁଛନ୍ତି । ଏଠାରେ ଉଲ୍ଲେଖଯୋଗ୍ୟ ଯେ ` ଛାତ ଉପରେ ମାଙ୍କଡ଼ ଗୋଡ଼ାଇବାରେ ସେ ଉପର ଛାତ ରୁ ତଳ ଛାତ ରେ ପଡ଼ି ତାଙ୍କ ମୁଣ୍ଡରେ ଗଭୀର ଆଘାତ ଲାଗିଛି । ଅବସ୍ଥା ଗୁରୁତର ହେବାରୁ ଛତ୍ରପୁର ହସ୍ପିଟାଲ୍ ରେ ପ୍ରାଥମିକ ଚିକିତ୍ସା କରାଯାଇ ତାଙ୍କୁ ବ୍ରହ୍ମପୁର ବଡ଼ ମେଡିକାଲ କୁ ସ୍ଥାନାନ୍ତର କରାଯାଇଛି ।
ଘଟଣା ସ୍ଥଳରେ ଛତ୍ରପୁର ବିଧାୟକ କୃଷ୍ଣ ଚନ୍ଦ୍ର ନାୟକ ପହଞ୍ଚି ଗୁରୁତର ଆହତ ଙ୍କ ବିଷୟରେ ଅନୁଧ୍ୟାନ କରି ଡାକ୍ତରୀ ଟିମ୍ ଙ୍କ ସହ କଲ୍ କରି କଥା ହୋଇ ବିହିତ ପଦକ୍ଷେପ ଗ୍ରହଣ କରିଛନ୍ତି । ସେପଟେ ଗଞ୍ଜାମ ଜିଲ୍ଲାପାଳ ୱି କୀର୍ତ୍ତି ଭାସନ ମଧ୍ୟ ଏହି ଦିଗରେ ବିହିତ ପଦକ୍ଷେପ ଗ୍ରହଣ କରି ଗୁରୁତ୍ତର ଆହତ ଙ୍କୁ ନେଇ ଉତ୍ତମ ଚିକିତ୍ସା ସେଵା ଦିଗରେ ଗୁରୁତ୍ୱ ଦେଇଛନ୍ତି ।।