Odisha Janamata : କିଶୋର ଚନ୍ଦ୍ର ଘାସି ଖଲ୍ଲିକୋଟ ର ନୂତନ ଅତିରିକ୍ତ ଗୋଷ୍ଟି ଶିକ୍ଷା ଅଧିକାରୀ ଭାବେ ଯୋଗଦେଲେ ||

କିଶୋର ଚନ୍ଦ୍ର ଘାସି ଖଲ୍ଲିକୋଟ ର ନୂତନ ଅତିରିକ୍ତ ଗୋଷ୍ଟି ଶିକ୍ଷା ଅଧିକାରୀ ଭାବେ ଯୋଗଦେଲେ ||

15-Sep-2026

ଖଲ୍ଲିକୋଟ : କିଶୋର ଚନ୍ଦ୍ର ଘାସି ନୂତନ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଭାବେ ଯୋଗଦେଲେ |

ଓଡିଶା ଜନ ମତ ବ୍ୟୁରୋ,

ଖଲ୍ଲିକୋଟ ବ୍ଲକ ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ ଆଉ ଜଣେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ କାର୍ଯ୍ଯରେ ଯୋଗଦାନ କରିଛନ୍ତି । ସେ ହେଉଛନ୍ତି ଶ୍ରୀଯୁକ୍ତ କିଶୋର ଚନ୍ଦ୍ର ଘାସି, ପୂର୍ବରୁ ସେ ଏହି ବ୍ଲକରେ ବରିଷ୍ଠ ଶିକ୍ଷକ ତଥା କନକା କ୍ଲଷ୍ଟର ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ରୂପେ ସଫଳତାର ସହିତ କାର୍ଯ୍ୟ ତୁଲାଇ ଆସିଛନ୍ତି । ଗତ ତା ୧୧/୦୯/୨୦୨୬ ରିଖ, ଶୁକ୍ରବାର ଦିନ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ସତ୍ଯନାରାୟଣ ଦାସ, ବି ଆର ସି ସି ସୁଷମା ଶବର, ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ସୁଶାନ୍ତ କୁମାର ନାୟକ, କାର୍ଯ୍ୟାଳୟର କର୍ମଚାରୀଙ୍କ ଉପସ୍ଥିତିରେ ନୂତନ ଦାୟିତ୍ବ ଗ୍ରହଣ କରିଛନ୍ତି । ପ୍ରାଥମିକ ଶିକ୍ଷକ ଶିକ୍ଷୟିତ୍ରୀଙ୍କ ବହୁବିଧ କାର୍ଯ୍ୟ ସହିତ ବିଭିନ୍ନ ସମୟରେ ହେଉଥିବା କାର୍ଯ୍ୟକ୍ରମଗୁଡ଼ିକୁ ସୂଚାରୁ ରୂପେ ସମ୍ପନ୍ନ ହୋଇପାରିବ ବୋଲି ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ଦାସ ଗଭୀର ଆଶା ବ୍ଯକ୍ତ କରିଛନ୍ତି । ତାହାଙ୍କ ନୂତନ ଦାୟିତ୍ବ ଗ୍ରହଣ ନେଇ ବ୍ଲକର ଶିକ୍ଷକ ଶିକ୍ଷୟିତ୍ରୀ ଖୁସି ବ୍ଯକ୍ତ କରିଛନ୍ତି । ଏନେଇ ବ୍ଲକର ଶିକ୍ଷକ ଶିକ୍ଷୟିତ୍ରୀ ମାନେ ସ୍ଵାଗତ ଅଭିନନ୍ଦନ ଜଣାଇଛନ୍ତି ।