Odisha Janamata : ଶେରଗଡ଼ ଥାନା ରାମଗିରି ଅଞ୍ଚଳର ଜଣେ ବିଧବା ମହିଳାଙ୍କୁ ନିର୍ମମ ଭାବେ ହତ୍ୟା |

ଶେରଗଡ଼ ଥାନା ରାମଗିରି ଅଞ୍ଚଳର ଜଣେ ବିଧବା ମହିଳାଙ୍କୁ ନିର୍ମମ ଭାବେ ହତ୍ୟା |

02-Sep-2026

ବିଧବା ମହିଳା ଙ୍କୁ ହତ୍ୟା
ଗଞ୍ଜାମ ଜିଲ୍ଲା ଶେରଗଡ଼ ଥାନା ଅନ୍ତର୍ଗତ ରାମଗିରି ଗ୍ରାମ ମୁଖ୍ୟ ରାସ୍ତାରେ ମିତା ସେଠୀ ନାମ୍ନୀ ଜଣେ ମହିଳାଙ୍କର ରକ୍ତ ଜୁଡୁବୁଡୁ ଶରିର ପୋଲିସ ଉଦ୍ଧାର କରି ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରିଥିଲେ। କିନ୍ତୁ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ। ପୋଲିସ ଶବ ଜବତ କରି ବ୍ୟବଚ୍ଛେଦ ପାଇଁ ଡାକ୍ତରଖାନାକୁ ପଠାଇ ଘଟଣା ର ତଦନ୍ତ ଆରମ୍ଭ କରିଛନ୍ତି। ସୁଚନା ଅନୁଯାୟୀ ଜଣାପଡିଛି ଯେ ମୃତ ମହିଳାଙ୍କ ସ୍ବାମୀ ବିଭୁତି ସେଠୀଙ୍କର ଗତ ୬ ମାସ ପୁର୍ବରୁ ମୃତ୍ୟୁ ଘଟିଛି। ମିତା ର କୌଣସି ପିଲାଛୁଆ ନାହାନ୍ତି,ସେ କେବଳ ଏକାକୀ ଘରେ ରହୁଥିଲେ। ଗତକାଲି ସନ୍ଧ୍ୟାରେ ସେ ଗଳା କଟି ରକ୍ତ ଜୁଡୁବୁଡୁ ଅବସ୍ଥାରେ ଘରେ ପଡ଼ିଥିବା ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତାଙ୍କୁ ଉଦ୍ଧାର କରିଥିଲେ। ଥାନା ଅଧିକାରୀ ଓ ଆସ୍କା ଏସ୍ ଡି ପି ଓ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ଅନ୍ୟ ପକ୍ଷରେ ଥାନା ରେ କୌଣସି ଅଭିଯୋଗ ହୋଇନାହିଁ ଓ ପୋଲିସ ପକ୍ଷରୁ କେବଳ ତଦନ୍ତ ଆରମ୍ଭ ହୋଇଛି। ସମ୍ପତ୍ତି ଲୋଭରେ କେହି ତାକୁ ହତ୍ୟା କରିଥିବା ସନ୍ଦେହ କରାଯାଉଛି। ଏହି ଘଟଣା ସାରା ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି।