Odisha Janamata : ଆସନ୍ତା କାଲି ରାଷ୍ଟ୍ରପତି ଙ୍କ ଗ୍ରସ୍ତ ପାଇଁ ତପ୍ତପାଣି ରେ ପୋଲିସ ଓ ଜିଲ୍ଲା ପ୍ରଶାସନ ପ୍ରସ୍ତୁତି ଜୋରଦାର |

ଆସନ୍ତା କାଲି ରାଷ୍ଟ୍ରପତି ଙ୍କ ଗ୍ରସ୍ତ ପାଇଁ ତପ୍ତପାଣି ରେ ପୋଲିସ ଓ ଜିଲ୍ଲା ପ୍ରଶାସନ ପ୍ରସ୍ତୁତି ଜୋରଦାର |

03-Aug-2026

ଆସନ୍ତା କାଲି ଅର୍ଥାତ ଅଗଷ୍ଟ ୪ରେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଗଞ୍ଜାମ ଗସ୍ତ,

ଓଡିଶା ଜନ ମତ ବ୍ୟୁରୋ,

ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଗଞ୍ଜାମ ଜିଲ୍ଲା ଗସ୍ତରେ ଆସନ୍ତା କାଲି ଆସୁଛନ୍ତି । ତାଙ୍କର ଗ୍ରସ୍ତ ପାଇଁ ପୋଲିସ ତରଫରୁ ସବୁ ପ୍ରକାର ବ୍ୟବସ୍ତା କଡା, କଡ଼ି କରାଯାଇଛି ମହାମହିମ ପ୍ରଥମେ ବ୍ରହ୍ମପୁର ରେଳଷ୍ଟେସନରେ ଓହ୍ଲାଇଦିଗପହଣ୍ଡି-ତପ୍ତପାଣି ରାସ୍ତା ଦେଇ ସାନଖେମୁଣ୍ଡି ବ୍ଲକସ୍ଥ ତପ୍ତପାଣି ଉଷ୍ଣପ୍ରସବଣରେ ପହଞ୍ଚିବେ। ଏଠାରେ ମା` କନ୍ଧୁଣି ଦେବୀଙ୍କ ପୀଠ ଦର୍ଶନ କରିବା ସହିତ ପାନ୍ଥନିବାସରେ ମଧ୍ୟାହ୍ନ ଭୋଜନ କରିବାର କାର୍ଯ୍ୟକ୍ରମ ରହିଛି । ଏହାପରେ ସେ ପୁଣି ବ୍ରହ୍ମପୁରକୁ ଫେରିବେ ।
ମହାମହିମଙ୍କ ଗସ୍ତକୁ ଦୃଷ୍ଟିରେ ରଖି ଗଞ୍ଜାମ ଜିଲ୍ଲା ପ୍ରଶାସନ ଏବଂ ପୁଲିସ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି। ମନ୍ଦିର ଚତୁଃପାର୍ଶ୍ୱ ସଫେଇ ଏବଂ ରାସ୍ତାଘାଟ ମରାମତି କାର୍ଯ୍ୟ ଜୋରସୋରରେ ଚାଲିଛି। ଆଇନଶୃଙ୍ଖଳା ପରିସ୍ଥିତିକୁ କଡ଼ାକଡ଼ି ଭାବେ ନଜରରେ ରଖାଯାଇଛି। ତପ୍ତପାଣୀର ବାବା ନୀଳକଣ୍ଠେଶ୍ୱରଙ୍କ ପୀଠରେ ଶ୍ରାବଣ ପ୍ରଥମ ସୋମବାରରେ ଜଳାଭିଷେକ ବାରଣ କରାଯାଇଛି। ଜିଲ୍ଲାପାଳ, ଏସ.ପି.ଙ୍କ ସମେତ ବହୁ ବରିଷ୍ଠ ଅଧିକାରୀ ଓ ବିଭିନ୍ନ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି । ରାଷ୍ଟ୍ରପତିଙ୍କ ଏହି ଆଗମନକୁ ନେଇ ସ୍ଥାନୀୟ ଅଞ୍ଚଳବାସୀ, ମନ୍ଦିର କମିଟି ଏବଂ ପୂଜକମାନଙ୍କ ମଧ୍ୟରେ ପ୍ରବଳ ଉତ୍ସାହ ଓ ଖୁସି ଦେଖାଦେଇଛି |