Odisha Janamata : ଛେଣ୍ଡିପଦା ପୋଲିସ କାରକୁ ଗୋଡ଼ାଇ ଧରିଲା ଲକ୍ଷ ଲକ୍ଷ ଟଙ୍କାର ବ୍ରାଉନ ସୁଗାର |

ଛେଣ୍ଡିପଦା ପୋଲିସ କାରକୁ ଗୋଡ଼ାଇ ଧରିଲା ଲକ୍ଷ ଲକ୍ଷ ଟଙ୍କାର ବ୍ରାଉନ ସୁଗାର |

18-Jul-2026

କାର ରେ ଥିବା ଲକ୍ଷ ଲକ୍ଷ ଟଙ୍କାର ଧଳା ଜହର କୁ ମାଡିବସି ଧରିଲା ଛେଣ୍ଡିପଦା ପୋଲିସ |

ଓଡିଶା ଜନ ମତ ବ୍ୟୁରୋ,

ଚୋର ମାନଙ୍କୁ ଧରିବା ପୋଲିସ ପକ୍ଷରେ ଯେତିକି ସହଜ ତାଠାରୁ ବହୁଗୁଣ ହେଉଛି କଷ୍ଟ | ତଥାପି କେଉଁଠାରୁ ଟିକେ ସୂଚନା ପାଇଲେ ସଙ୍ଗେ ସଙ୍ଗେ ସେହି ସ୍ଥାନକୁ ଯାଇ ତା ଉପରେ ଚଢ଼ାଉ କରି ଅପରାଧୀ ଙ୍କୁ ମାଡିବସି ଧରିଥାଏ | ସେହିପରି ଛେଣ୍ଡିପଦା ପୋଲିସକୁ ମିଳିଛି ବଡ଼ ସଫଳତା । ବିଶ୍ବସ୍ତ ସୂତ୍ରରୁ ଖବର ପାଇଗୋଡ଼ାଇ ଗୋଡ଼ାଇ କାର୍‌କୁ ଧରିଲା । ସେଥିରୁ ମିଳିଲା ଲକ୍ଷାଧିକ ଟଙ୍କାର ଧଳାଜହର । ଦୁଇ ଅଭିଯୁକ୍ତ ଙ୍କୁ ଗିରଫ କଲା ପୋଲିସ । ଦୀର୍ଘଦିନ ଧରି ଚାଲିଥିଲା ଏହି କାରବାର । ଏ ନେଇ ଅଧିକ ତଦନ୍ତ ଜାରି ରଖିଛି ଛେଣ୍ଡିପଦା ପୋଲିସ ।
ସୂଚନାଯୋଗ୍ୟ ଯେ, ଅନୁଗୋଳ ଜିଲ୍ଲା ଛେଣ୍ଡିପଦା ଥାନା ପୋଲିସ ବିଶ୍ୱସ୍ତ ସୂତ୍ରରୁ ଖବର ପାଇ ଚଢ଼ାଉ କରିଥିଲା । ଏକ କାର୍‌କୁ ପିଛା କରି ଛେଣ୍ଡିପଦା ମଶାଣି ନିକଟରେ ଧରିଥିଲା । କାର୍‌କୁ ଜବତ କରି ଛାନଭିନ ଆରମ୍ଭ କରିଥିଲା ପୋଲିସ । ଚଢ଼ାଉ ବେଳେ କାରରୁ ୩୦.୨୫ ଗ୍ରାମରୁ ଉର୍ଦ୍ଧ୍ବ ବ୍ରାଉନସୁଗାର ଜବତ କରିଥିଲା । ଏହାସହ ନଗଦ ୬ ଲକ୍ଷ ୩୧ ହଜାର ଟଙ୍କା ନଗଦ ଜବତ କରିଛି ପୋଲିସ ।ଏହି ଘଟଣାରେ ପୋଲିସ ୨ ଜଣଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ଦୁଇ ଜଣ ହେଲେ ଜଳେଶ୍ୱର ଶାସନବାଡ଼ାର ସେକ୍ ସହିଦ ଓ ଛେଣ୍ଡିପଦା ଥାନା ବାଲିପଟା ଗାଁର ରଞ୍ଜିତ କୁମାର ସାହୁ । ଦୀର୍ଘ ଦିନ ଧରି ଏହି ଗ୍ୟାଙ୍ଗ ସ୍ଥାନୀୟ ଅଞ୍ଚଳରେ ବ୍ରାଉନ ସୁଗାର କାରବାର ଚଳାଇ ଥିଲେ । ପୋଲିସ ଏମାନଙ୍କୁ ଧରିବା ସହ ଏକ ମାମଲା ରୁଜୁ କରି ଘଟଣାର ଅଧିକ ତଦନ୍ତ ଜାରି ରଖିଛି ।