Odisha Janamata : କଦମ୍ବ ମଠ ପ୍ରଭୁ ଶ୍ରୀ ରଘୁନାଥ ଙ୍କ ପୀଠରେ ପବିତ୍ର ଶ୍ରୀରାମ ଚରିତ ମାନସ ପାରାୟଣ ଉଦଯାପିତ |

କଦମ୍ବ ମଠ ପ୍ରଭୁ ଶ୍ରୀ ରଘୁନାଥ ଙ୍କ ପୀଠରେ ପବିତ୍ର ଶ୍ରୀରାମ ଚରିତ ମାନସ ପାରାୟଣ ଉଦଯାପିତ |

04-Apr-2026

କଦମ୍ବ ମଠ ପ୍ରଭୁ ଶ୍ରୀ ରଘୁନାଥଙ୍କ ପୀଠରେ ପବିତ୍ର ଶ୍ରୀରାମ ଚରିତ ମାନସ ପରାୟଣ ଉଦଯାପିତ l

ଓଡ଼ିଶା ଜନମତ,ପୋଲସରା,ସନ୍ତୋଷ କୁମାର ପଣ୍ଡା
ତା.୦୪/୦୪/୨୦୨୬:-

ବ୍ଲକ ଅନ୍ତର୍ଗତ ବି.ବ୍ରହ୍ମପୁର ନିକଟସ୍ଥ କଦମ୍ବ ମଠ ପ୍ରଭୁ ଶ୍ରୀ ରଘୁନାଥ ପୀଠରେ ପ୍ରଭୁ ଶ୍ରୀରାମଚନ୍ଦ୍ରଙ୍କ ଗୁଣ ଗାଥା ତଥା ପବିତ୍ର ଶ୍ରୀରାମ ଚରିତ ମାନସ ନବାହ୍ନ ପରାୟଣ ଓ ପ୍ରବଚନ ମହାଯଜ୍ଞ ଅନୁଷ୍ଠିତ ହୋଇଥିବା ବେଳେ ଆଜି ତାହା ଉଦଯାପିତ ହୋଇଯାଇଛି l ପ୍ରଭାତରୁ ପ୍ରଭାତ ଅବକାଶ,ମଙ୍ଗଳ ଆରତୀ ସହ ପୂର୍ଵ ନୀତି ଅନୁଯାୟୀ ପୂଜାବିଧି ସମ୍ପନ୍ନ କରି ଗହଙ୍ଗୁ ମଠାଧୀଶ ଶ୍ରୀ ରାଘବାନନ୍ଦ ଦାସଜୀ ମହାରାଜ ପରାୟଣ କରିଥିବା ବେଳେ ସନ୍ଧ୍ୟା ସମୟରେ ପ୍ରବଚକ ଭାବେ ପଣ୍ଡିତ ଶ୍ରୀ ସତ୍ୟ ରଞ୍ଜନ ରଥ ଏବଂ ପଣ୍ଡିତ ଶ୍ରୀ ଉମାକାନ୍ତ ମହାପାତ୍ର ଅଂଶଗ୍ରହଣ କରିଥିଲେ l ସ୍ୱତନ୍ତ୍ର ନିମତ୍ରିତ ହୋଇ ପୁରୀରୁ ଆସିଥିବା ହରି ଦାସଜୀ ମହାରାଜ ଯୋଗ ଦେଇଥିଲେ l ଏହି ଅବସରରେ ହୋମଯଜ୍ଞ ଏବଂ ଘୃତଯଜ୍ଞ ଅନୁଷ୍ଠିତ ହୋଇଥିବା ବେଳେ କର୍ତ୍ତା ଭାବେ ସମାଜସେବୀ ଧରଣୀଧର ପଣ୍ଡା ଓ ତାଙ୍କ ଧର୍ମପତ୍ନୀ ସବିତା ପଣ୍ଡା ସୁଚାରୁରୂପେ କାର୍ଯ୍ୟ ନିର୍ବାହ କରିଥିଲେ l ଏହି ଉପଲକ୍ଷେ ଅଞ୍ଚଳର ହଜାର ହଜାର ଶ୍ରଦ୍ଧାଳୁ ଶ୍ରୀରାମ ପ୍ରେମୀ ଭକ୍ତଙ୍କ ସମାଗମ ହୋଇ ପ୍ରଭୁ ଶ୍ରୀ ରଘୁନାଥଙ୍କ ଦିବ୍ୟଗୁଣ ଓ ଦିବ୍ୟ ତତ୍ୱ କୁ ଶ୍ରବଣ କରିଥିଲେ l ଶେଷରେ ଶ୍ରଦ୍ଧାଳୁ ଭକ୍ତଙ୍କ ପାଇଁ ଅନ୍ନ ପ୍ରସାଦର ବ୍ୟବସ୍ଥା କରାଯାଇଥିଲା l ଏହି କାର୍ଯ୍ୟକ୍ରମକୁ ଧରଣୀଧର ପଣ୍ଡା,କୃଷ୍ଣଚନ୍ଦ୍ର ପଟ୍ଟନାୟକ, କବିରାଜ ଗୌଡ଼,ଶରତ ଚନ୍ଦ୍ର ଗୌଡ଼ ସମେତ ଶ୍ରୀରାମ ସେବା ସମିତି ଓ ବି.ବ୍ରହ୍ମପୁର ଗ୍ରାମବାସୀମାନେ ସମ୍ପୂର୍ଣ୍ଣ ସହଯୋଗ କରିଥିଲେ l