Odisha Janamata : ଝରକା ତାଡି ଟଙ୍କା, ସୁନା ଲୁଟିନେଲେ ଚୋର |

ଝରକା ତାଡି ଟଙ୍କା, ସୁନା ଲୁଟିନେଲେ ଚୋର |

10-Mar-2026

ଝରକା ତାଡି 50 ଗ୍ରାମ ସୁନା ରୁପା ଅଳଙ୍କାର ସହିତ ଦୁଇଲକ୍ଷରୁ ଉର୍ଦ୍ଧ ଟଙ୍କା ଚୋରି

ଓଡିଶା ଜନମତ, ଖୋର୍ଦ୍ଧା, ଗୋପାଳ କୃଷ୍ଣ ପ୍ରଧାନ:----

)ଆଜି ଖୋର୍ଦ୍ଧା ଶିଳ୍ପାଞ୍ଚଳ ଥାନା ଅଧୀନ ଉଇଲକିସନ ନଗର ଗ୍ରାମର ମନୋରଞ୍ଜନ ପ୍ରଧାନ ଙ୍କ ଘର ଝରକା ତାଡି ବିଳମ୍ବିତ ରାତିରେ ନଗଦ ୨ ଲକ୍ଷ ରୁ ଉର୍ଦ୍ଧ ଟଙ୍କା ଓ 50 ଗ୍ରାମର ସୁନା ଅଳଙ୍କାର କେହି ଦୃବୃତ୍ତ ଚୋରି କରିଥିବା ଶିଳ୍ପାଞ୍ଚଳ ଥାନାରେ ଅଭିଯୋଗ ହୋଇଛି l ସୂଚନା ଅନୁସାରେ ଗତକାଲି ରାତିରେ ଶ୍ରୀ ପ୍ରଧାନ ପରିବାର ସହିତ ଏକ ବିଭାହ ଭୋଜି କୁ ଯାଇଥିବା ବେଳେ ଏହାର ସୁଯୋଗ ନେଇ କେହି ଦୃବୃତ୍ତ ଘର ପଛପଟ ଝରକା ତାଡି ଶ୍ରୀ ପ୍ରଧାନଙ୍କ ବିଭାହ ସମୟର ବନ୍ଦାଣ ମୁଦି, ସୁନା ଅଳଙ୍କାର, ଭଉଣୀ ସୁନା ଅଳଙ୍କାର ଆନୁମାନିକ 50 ଗ୍ରାମ ସୁନା ରୁପା ଅଳଙ୍କାର ଓ ୨ ଲକ୍ଷ ରୁ ଉର୍ଦ୍ଧ ଟଙ୍କା ଚୋରି କରି ନେଇ ଯାଇଛି l ସକାଳ ସମୟରେ ଶ୍ରୀ ପ୍ରଧାନ ଙ୍କ ବାପା ବାରିପଟକୁ ସଜନା ଛୁଇଁ ତୋଳିବାକୁ ଯାଇଥିବା ବେଳେ ଘର ର ଝରକା ତଡା ହୋଇଥିବା ଦେଖିବାକୁ ପାଇଥିଲେ l ପରେ ପରିବାର କୁ ଜଣାଇଥିଲେ ଏହି ସମୟରେ ଘର ଠାରୁ ଅଳ୍ପ ଦୂର ଏକ ଵିଲ ରେ ସୁନା ଅଳଙ୍କାର ର ଖୋଳା ଓ ଅଳଙ୍କାର ଖାଲି ବାକ୍ସ ପଡ଼ିଥିବା ଦେଖିବାକୁ ମିଳିଥିଲା l ଲିଖିତ ଖବର ପାଇବା ପରେ ଶିଳ୍ପାଞ୍ଚଳ ଥାନା ପକ୍ଷରୁ ଘଟଣା ସ୍ଥଳକୁ ଯାଇ ତଦନ୍ତ ଜାରି ହୋଇଥିବା ବେଳେ ରିପୋର୍ଟ ଲେଖା ହେବା ପର୍ଯ୍ୟନ୍ତ ଚୋରି କରିଥିବା ବ୍ୟକ୍ତି ବିଶେଷ ସମ୍ପର୍କ ରେ କୌଣସି ସୂଚନା ମିଳିପାରିନାହିଁ l ତେବେ ଏହି ଘଟଣାରେ ସମ୍ପୃକ୍ତ ଦୋଷି ଙ୍କୁ ଧରି ଦୃଢ଼ କାର୍ଯ୍ୟାନୁଷ୍ଠାନ ପାଇଁ ମନୋରଞ୍ଜନ ପ୍ରଧାନ ଦାବି କରିଛନ୍ତି l