Odisha Janamata : ପାଣି ପାଗର ପୂର୍ବାନୁମାନ ରାଜ୍ୟରେ ଶୀତ ଓ କୁହୁଡି ଲାଗି ରହିବ ||

ପାଣି ପାଗର ପୂର୍ବାନୁମାନ ରାଜ୍ୟରେ ଶୀତ ଓ କୁହୁଡି ଲାଗି ରହିବ ||

03-Jan-2026

ରାଜ୍ୟରେ ଶୀତଓ କୁହୁଡି ଯୋଗୁଁ ଅସ୍ତ ବ୍ୟସ୍ତ ଜନ ଜୀବନ,

ଓଡିଶା ଜନ ମତ ବ୍ୟୁରୋ,

ବର୍ତ୍ତମାନ ରାଜ୍ୟରେ ଯେଉଁପରି ଶୀତ ଲହରୀ ଓ କୁହୁଡି ମାଡି ବସୁଛି ତାହାର ପ୍ରଭାବରେ ଜନ ଜୀବନ ଅସ୍ତ ବ୍ୟସ୍ତ ହୋଇ ଯାଉଛି | ଅତି ଘନ କୁହୁଡ଼ିର ବହଳ ଆସ୍ତରଣ ଆକାଶକୁ ଘୋଡ଼ାଇ ଦେଉଛି । ଆଭ୍ୟନ୍ତରୀଣ ଓଡ଼ିଶାରେ ଏଭଳି ସ୍ଥିତି ଉପୁଜିଛି । ଏ ସମୟରେ ଯାତାୟାତ କରିବା ମୁସ୍କିଲ ହୋଇଯାଉଛି | ପାଣିପାଗ ବିଭାଗ ଏଭଳି ପୂର୍ବାନୁମାନ କରିଛି । ସେପଟେ ରାତି ତାପମାତ୍ରା ବଢ଼ିବା ଯୋଗୁ ଶୀତ କମିପାରେ ବୋଲି ମଧ୍ୟ ଆକଳନ ରହିଛି । ତେବେ ବର୍ତ୍ତମାନ ରାଜ୍ୟରେ ଶୀତ ର ପ୍ରକୋପ ବଢ଼ି ଚାଲିଛି | ଶନିବାର ଜଗତସିଂହପୁର, ପୁରୀ, କଟକ ଓ ଖୋର୍ଦ୍ଧାରେ ଅତି ଘନ କୁହୁଡ଼ି ଦେଖା ଦେଇପାରେ । ଦୃଶ୍ୟମାନ ଦୂରତା ବିପଜ୍ଜନକ ସ୍ତରକୁ ଖସିପାରେ । ଏହି ୪ ଜିଲ୍ଲାକୁ ଅରେଞ୍ଜ ୱାଣ୍ଡିଂ ଜାରି ହୋଇଛି । କେନ୍ଦ୍ରାପଡା଼, ଗଜପତି, ଢେଙ୍କାନାଳ, ଯାଜପୁର, ଭଦ୍ରକ, ବାଲେଶ୍ଵର, ନୟାଗଡ଼, ଗଞ୍ଜାମ, । ସୁନ୍ଦରଗଡ଼ ଓ କନ୍ଧମାଳରେ ଘନ କୁହୁଡ଼ି ରହିବ । ରବିବାର ଜଗତସିଂହପୁର, କେନ୍ଦ୍ରାପଡ଼ା, ଯାଜପୁର, ପୁରୀ ଓ କଟକରେ ଅତି ଘନ କୁହୁଡ଼ି ଦୃଶ୍ୟମାନହୋଇପାରେ । ଏ ସବୁ ଜିଲ୍ଲା ପାଇଁ ଅରେଞ୍ଜ ଓ୍ୱାନିଙ୍ଗ ରହିଛି । ଉତ୍ତର ଓଡ଼ିଶା ଓ ଆଭ୍ୟନ୍ତରୀଣ ଓଡ଼ିଶାରେ କୁହୁଡ଼ି ଅଧୂକ ର‌ହିବ । ୫ ତାରିଖରେ ମଧ୍ୟ ଏହି ସ୍ଥିତି ଜାରି ରହିବ ଜଗତସିଂହପୁର, କେନ୍ଦ୍ର।ପଡା ଯାଜପୁର, ପୁରୀ ଓ କଟକରେ ଅତି ଘନ କୁହୁଡ଼ି ଦିଶି ପାରେ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି । ଆସନ୍ତା ଶନିବାର ଓ ରବିବାର ଦୁଇ ଦିନ ରାଜ୍ୟରେ ରାତି ତାପମାତ୍ରା ୨ରୁ ୩ ଡିଗ୍ରୀ ବଢ଼ିପାରେ । ରାତି ତାପମାତ୍ରା ବଢ଼ିଲେ ଶୀତ କିଛି କମିଯିବ । କିନ୍ତୁ ସୋମବାରଠାରୁ ଶୀତ ପୁଣି ବଢ଼ିବ । ରାତି ତାପମାତ୍ରା ୨ରୁ ୪ ଡିଗ୍ରୀ ଖସିବ ବୋଲିପାଣିପାଗ ବିଭାଗ ପକ୍ଷରୁ କୁହାଯାଇଛି । ସୋଆ ପରିବେଶ ଓ ଜଳବାୟୁ କେନ୍ଦ୍ର ନିର୍ଦ୍ଦେଶକ ଡ. ଶରତ ସାହୁ କହିଛନ୍ତି, ପଶ୍ଚିମା ବାୟୁ ପ୍ରଭାବରେ ଆସନ୍ତା ୧୧ରୁ ୧୩ ତାରିଖ ଯାଏ କିଛି ସ୍ଥାନରେ ସ୍ୱଳ୍ପ ବର୍ଷା ହୋଇପାରେ । କଟକ ଓ ଭୁବନେଶ୍ଵରରେ କାଁ ଭାଁ ବର୍ଷା ସମ୍ଭାବନା ଅଛି । ବର୍ଷା ସମୟରେ ଥଣ୍ଡା କମିଯିବ । ଏହା ପରେ ଶୀତ ପୁଣି ବଢ଼ିବ । ଆସନ୍ତା ୫ ତାରିଖ ପରେ କୁହୁଡ଼ି କମିଯିବ । ୧୦ରୁ ଆଭ୍ୟନ୍ତରୀଣ ଓଡ଼ିଶାରେ ବର୍ଷା ହେବ । କୁହୁଡ଼ି ବି ବଢ଼ିବ ବୋଲି ଶ୍ରୀ ସାହୁ ଆକଳନ କରିଛନ୍ତି ।ଗୁରୁବାର ରାତିରେ ଦାରିଙ୍ଗବାଡ଼ିରେ ରାତି ତାପମାତ୍ରା ୭ ଡିଗ୍ରୀ ଥୁଲା । ଫୁଲବାଣୀରେ ୭.୫ ଓ କୋରାପୁଟରେ ୮.୧ ଡିଗ୍ରୀ ରେକର୍ଡ ହୋଇଥିଲା । କୋରାପୁଟରେ ରାତି ତାପମାତ୍ରା ସ୍ଵାଭାବିକଠାରୁ ପ୍ରାୟ ୪ ଡିଗ୍ରୀ କମ୍ ରହିଥିଲା।ଯଦି ରାଜ୍ୟରେ ଏପରି କୁହୁଡି ଓ ଶୀତ ଲାଗି ରହିବ ତେବେ ବହୁତ ବୃଦ୍ଧ, ବୃଦ୍ଧା ଙ୍କ ଅବସ୍ଥା ଶଙ୍କଟା ପର୍ଣ୍ଣ ହୋଇପାରେ ବୋଲି ଜଣା ପଡିଛି |