Odisha Janamata : ଟ୍ରେନରେ ନଅ କିଲୋ ଗଞ୍ଜେଇ ଧରି ଯାଉଥିଲା ବେଳେ ପୋଲିସ ଦ୍ୱାରା ଗଞ୍ଜେଇ ସହ ଅଭିଯୁକ୍ତ କୁ ଗିରଫ କଲା ପୋଲିସ ||

ଟ୍ରେନରେ ନଅ କିଲୋ ଗଞ୍ଜେଇ ଧରି ଯାଉଥିଲା ବେଳେ ପୋଲିସ ଦ୍ୱାରା ଗଞ୍ଜେଇ ସହ ଅଭିଯୁକ୍ତ କୁ ଗିରଫ କଲା ପୋଲିସ ||

05-Nov-2025

ହୀରାଖଣ୍ଡ ଏକ୍ସପ୍ରେସ୍‌ରେ ଗଞ୍ଜେଇ ଧରି ଭୁବନେଶ୍ୱର ଯାଉଥିଲା ବେଳେ,ଗଞ୍ଜେଇ ଜବତ, ଅଭିଯୁକ୍ତ ଗିରଫ,

ଓଡିଶା ଜନ ମତ ବ୍ୟୁରୋ

ଆଜିକାଲି ଯୁବକ ମାନେ କୌଣସି କାମ, ଧାମ ନକରି କେବଳ ଅପରାଧିକକାମକରି ରାତାରାତି ବଡ଼ ଲୋକ ହେବାର ସ୍ୱପ୍ନ ଦେଖି ଏପରି କାମ କରନ୍ତି ଯାହାଦ୍ୱାରା ସେମାନେ ସେଇ କୁକର୍ମ ରୁ ଫେରି ପାରନ୍ତି ନାହିଁ, ବରଂ ନିଜର କର୍ମ ପାଇଁ ଜେଲର ଚାରିକାନ୍ଥ ମଧ୍ୟରେ ସଜା କାଟିଥାନ୍ତି | ଜଗଦଲପୁର- ଭୁବନେଶ୍ଵର ହୀରାଖଣ୍ଡ ଏକ୍ସପ୍ରେସଟ୍ରେନରୁ କୋରାପୁଟ ଆରପିଏଫ୍ ଓ ଜିଆରପି ପୋଲିସ-୯ କିଲୋ ଗଞ୍ଜେଇ ଜବତ କରି ଜଣେ ଅଭିଯୁକ୍ତଙ୍କୁ ସୋମବାର ଗିରଫ କରିଛି। ଅଭିଯୁକ୍ତ ହେଲେ ଯାଜପୁର ଅଞ୍ଚଳର ବିନୋଦ କୁମାର ସାମଲ। ସୂଚନା ଅନୁଯାୟୀ, ବିନୋଦ ହୀରାଖଣ୍ଡ ଏକ୍ସପ୍ରେସରେ ଜୟପୁରଠାରୁ ଗଞ୍ଜେଇ ନେଇ ଭୁବନେଶ୍ଵର ଯାଉଥିବା ଜିଆରପି ଏଫ ଏବଂ ପୋଲିସ ଆଗରୁ କୌଣସି ସୂତ୍ରରୁ ଖବର ପାଇ ଥିଲେ | ଟିମ କୋରାପୁଟ ଷ୍ଟେଶନରେ ସଜାଗ ରହି ଟ୍ରେନ ପହଞ୍ଚିବା ପରେ ଯାଞ୍ଚ କରିଥିଲେ । ବିନୋଦଙ୍କ ହାବଭାବ ଦେଖ୍ ପୋଲିସ ତାଙ୍କୁ ସନ୍ଦେହ କରି ବ୍ୟାଗ ଯାଞ୍ଚ କରିବାରୁ ସେଥିରେ ଗଞ୍ଜେଇ ଥିବା ଜଣାପଡ଼ିଥିଲା । ଜିଆରପି ଥାନାରେ ଏକଜିକ୍ୟୁଟିଭ ମାଜିଷ୍ଟ୍ରେଟ ଭବାନୀ ଶଙ୍କର ପ୍ରସାଦ ମିଶ୍ରଙ୍କ ଉପସ୍ଥିତିରେ ଗଞ୍ଜେଇ ଓଜନ କରି ବାରୁ ତାହା ୯ କିଲୋ ବୋଲି ଜଣାପଡି ଥିଲା । ଏ ନେଇ ପୋଲିସ ଏକ ମାମଲା ରୁଜୁ କରିଛି । ଅଭିଯୁକ୍ତଙ୍କୁ କୋର୍ଟ ଫରୁଆଡ଼କରିଥିବାରଥାନା ଅଧିକାରୀ ସନ୍ତୋଷ ମହନ୍ତ ସୂଚନା ଦେଇଛନ୍ତି |