Odisha Janamata : ଖୋର୍ଦ୍ଧା କେନ୍ଦ୍ର ସମବାୟ ବ୍ୟାଙ୍କ ସଦର ଶାଖାରେ ରବି ଋଣ ଆରମ୍ଭ |

ଖୋର୍ଦ୍ଧା କେନ୍ଦ୍ର ସମବାୟ ବ୍ୟାଙ୍କ ସଦର ଶାଖାରେ ରବି ଋଣ ଆରମ୍ଭ |

23-Oct-2025

ଖୋର୍ଦ୍ଧା କେନ୍ଦ୍ର ସମବାୟ ବ୍ୟାଙ୍କ ସଦର ଶାଖାରେ ରବି ଋଣ ଆରମ୍ଭ :ପ୍ରଥମ ଦିନରେ ୧ କୋଟି ୩ ଲକ୍ଷ ରବି ଋଣ ଲଗାଣ

ଓଡିଶା ଜନମତ,ଖୋର୍ଦ୍ଧା, ଗୋପାଳକୃଷ୍ଣ ପ୍ରଧାନ:

ଆଜି ଗୁରୁବାର ସଦର ଶାଖା କାର୍ଯ୍ୟାଳୟରେ କୃଷକ ମାନଙ୍କ ନିମନ୍ତେ ରବି ଋଣ ୨୦୨୫-୨୬ ଆରମ୍ଭ କରାଯାଇଅଛି। ସରକାରଙ୍କ ଦ୍ବାରା ନିର୍ଦ୍ଧାରିତ ନିତି ନିୟମ ଅନୁଯାୟୀ ସମିତିର ସଭ୍ୟ/ସଭ୍ୟା ମାନେ ଶାଖା କାର୍ଯ୍ୟାଳୟରୁ ସିଧାସଳଖ ଋଣ ଗ୍ରହଣ କରି ସେମାନଙ୍କର ଚାଷ କାର୍ଯ୍ୟରେ ବିନିଯୋଗ କରିବେ। ଏହି ଅବସରରେ ଖୋର୍ଦ୍ଧା କେନ୍ଦ୍ର ସମବାୟ ବ୍ୟାଙ୍କର ସଭାପତି ଶ୍ରୀଯୁକ୍ତ ଅଭିଷେକ ସିଂ ସାମନ୍ତ,ସଦର ଶାଖାର ସଭାପତି ମାନସ ରଂଜନ ପ୍ରଧାନ,ସିଇଓ ତଥା ମୁଖ୍ୟ ନିର୍ବାହୀ ଅଧିକାରୀ ସାରଥି ଶତପଥୀ,ଏଜିଏମ୍ ସନ୍ଦିପ ପଟ୍ଟନାୟକ,ଲୋନ ମ୍ୟାନେଜର ତପନ କୁମାର ଚୈଧୁରୀ,ସଦର ଶାଖାର ମ୍ୟାନେଜର ଅଜୟ କୁମାର ଦାସ,ଏ.ଆଇ ଲଳିତ କୁମାର କର, ଖୋର୍ଦ୍ଧା ବ୍ଲକ ୟୁନିୟନର ସଭାପତି ତଥା କାଇପଦର ସେବା ସମବାୟ ସମିତିର ସମ୍ପାଦକ ଝଜ ସାମନ୍ତରାୟ,ପଲ୍ଲା-ତୋଟାପଡା ସମିତି ସମ୍ପାଦକ ନିତ୍ୟାନନ୍ଦ ଦାଶ,ପ୍ରଭାତ କୁମାର ପ୍ରହରାଜ, ପରମାନନ୍ଦ ନାୟକ, ( ବିଶ୍ବନାଥ ମହାରଣା, ଖୋର୍ଦ୍ଧା ଜିଲ୍ଲାର ସାଧାରଣ ସମ୍ପାଦକ ପୂର୍ବତନ ସମ୍ପାଦକ )ଚିତ୍ତରଞ୍ଜନ ପରିଡ଼ା, ମାଧବ ସାହୁ, ଯୋଗେନ୍ଦ୍ର ସାହୁ,ନିର୍ମଳ ରାଉତ, ସନ୍ତୋଷ କୁମାର ସାହୁ, ଗଜଲକ୍ଷ୍ମୀ ସାହୁ,ଦିପକ ମିଶ୍ର ଇତ୍ୟାଦି ସମ୍ପାଦକ ମାନେ ଉପସ୍ଥିତ ଥିଲେ। ଆଜି ପ୍ରଥମ ଥର କୃଷକ ଭାଇ ଓ ଭଉଣୀ ମାନଙ୍କୁ ପ୍ରାୟ ୧ କୋଟି ୩ ଲକ୍ଷ ଟଙ୍କାର ରବି ଋଣ ଲଗାଣ କରାଯାଇଥିବା ସୂଚନା ଦିଆଯାଇଛି।ଏହି ଋଣ ଲଗାଣ ଫଳରେ ଚାଷୀ ମାନେ ବେଶ ଉତ୍ସାହିତ ଥିବା ଦେଖିବାକୁ ମିଳିଥିଲା।ବ୍ୟାଙ୍କ ର ଏଭଳି ସଠିକ ସମୟରେ ସଠିକ ପଦକ୍ଷେପ ନେଇଥିବାରୁ ଚାଷୀମାନେ ବ୍ୟାଙ୍କ କର୍ତ୍ତୃପକ୍ଷ ଙ୍କୁ ବେଶ ପ୍ରଶଂସା କରିଥିଲେ।