Odisha Janamata : ରାଜ୍ୟରେ 5630 ପ୍ରାଇମେରୀ ସ୍କୁଲ ବନ୍ଦ କରିବେ ସରକାର |

ରାଜ୍ୟରେ 5630 ପ୍ରାଇମେରୀ ସ୍କୁଲ ବନ୍ଦ କରିବେ ସରକାର |

23-Oct-2025

ରାଜ୍ୟରେ ବନ୍ଦ ହେବ ୫୬୩୦ ବିଦ୍ୟାଳୟ ରାଜ୍ୟରେ ବନ୍ଦ ହେବାକୁ ଯାଉଛି ||

(ପଶ୍ଚିମ ଓଡ଼ିଶାରୁ ସର୍ବାଧିକ ୧୮୨୬ ସ୍କୁଲ,

ଓଡିଶା ଜନ ମତ ବ୍ୟୁରୋ,

ଶିକ୍ଷା ବ୍ୟବସ୍ତା କୁ ସୁଧାରିବା ଲକ୍ଷରେ ପୂର୍ବ ସରକାର ଙ୍କ ସମୟରେ ଏବଂ ବର୍ତମାନ ବିଜେପି ସରକାର ୨୦ରୁ କମ୍ ଛାତ୍ରଛାତ୍ରୀ ଥିବା ବିଦ୍ୟାଳୟକୁ ବନ୍ଦ କରିବେ ବୋଲି ଏକ ନିଷ୍ପତି ନେଇଛନ୍ତି | ଏଥିପାଇଁ ପ୍ରାଥମିକ ପର୍ଯ୍ୟାୟରେ ସର୍ଭେ ମଧ୍ୟ ସରିଛି | ରାଜ୍ୟସାରା ପ୍ରାୟ ୫୬୩୦ ବିଦ୍ୟାଳୟକୁ ବନ୍ଦ କରିବା ନିମନ୍ତେ ସର୍ଭେ କରାଯାଇଥ‌ିବାବେଳେ କେବଳ ପଶ୍ଚିମ ଓଡ଼ିଶାରେ ୧୮୨୬ ବିଦ୍ୟାଳୟ ରହିଛିଯାହାକି ବନ୍ଦ କରିବା ପାଇଁ ଚିହ୍ନଟ ହୋଇଛି।ସେହିପରି ସୁନ୍ଦରଗଡ଼ ଜିଲ୍ଲାରେ ସର୍ବାଧ‌ିକ ୩୯୭ଟି ବିଦ୍ୟାଳୟକୁ ବନ୍ଦ ବା ନିକଟସ୍ଥ ବିଦ୍ୟାଳୟରେ ମିଶ୍ରଣ ପାଇଁ ଜିଲ୍ଲା କମିଟି ସୁପାରିଶ କରିଛି | ସେହିପରି ନୂଆପଡ଼ା ଜିଲ୍ଲାର ୧୫୬ଟି ବିଦ୍ୟାଳୟ ଏହି ତାଲିକାରେ ରହିଛି | ସାଧାରଣ ନିର୍ବାଚନ ପୂର୍ବରୁ ବନ୍ଦ ସ୍କୁଲ୍‌ଗୁଡ଼ିକୁ ଖୋଲିବା ପାଇଁ ପ୍ରତିଶ୍ରୁତି ଦେଇଥିବା ବିଜେପି ସରକାର ଆସିବା ପରେ ବିଦ୍ୟାଳୟଗୁଡିକୁ ବନ୍ଦ କରିବା ପାଇଁ ନିଷ୍ପତ୍ତି ନେଇଥିବାରୁ ଅଭିଭାବକଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି।
୨୦ରୁ କମ୍ ଛାତ୍ରଛାତ୍ରୀ ଥିବା ବିଦ୍ୟାଳୟକୁ ବନ୍ଦ ବା ନିକଟସ୍ଥବିଦ୍ୟାଳୟରେ ମିଶ୍ରଣ ପାଇଁ ଗତ ମାର୍ଚ୍ଚ ମାସରେ ବିଜ୍ଞପ୍ତି ଜାରି ହୋଇଥିଲା | ସେହି ଅନୁଯାୟୀ ଜିଲ୍ଲା ଶିକ୍ଷାଧିକାରୀ (ଡିଇଓ) ଙ୍କ ଅଧ୍ୟକ୍ଷତାରେ ଏକ କମିଟି ଗଠନ କରାଯାଇ କମ୍ ପିଲା ଥୁବା ବିଦ୍ୟାଳୟର ଭିତ୍ତିଭୂମି ଯାଞ୍ଚ କରିବା ସହ ନିକଟସ୍ଥ ବିଦ୍ୟାଳୟ ସହ ଦୂରତା ସମ୍ପର୍କରେ ସର୍ଭେ କରାଯାଇ ଥିଲା । ତଦନୁଯାୟୀ ସୁନ୍ଦଗଡ଼ ଜିଲ୍ଲାରେ ସର୍ବାଧ‌ିକ ୩୯୭ଟି ବିଦ୍ୟାଳୟ ଚିହ୍ନଟ ହୋଇ ଥିବାବେଳେ ବରଗଡ଼ ଜିଲ୍ଲରେ ୨୭୩, ବଲାଙ୍ଗୀରରେ ୨୮୬, ବୌଦ୍ଧରେ ୧୪୫, ନୂଆପଡ଼ାରେ ୧୫୬, ସମ୍ବଲପୁରରେ ୨୩୩ , ଦେବଗଡ଼ରେ ୮୫, ସୋନ ପୁରରେ 144 ବିଦ୍ୟଳୟ ବନ୍ଦ କରିବାପାଈଁ ନିଷ୍ପତି ନିଆଯାଇଛି | କାରଣ ଯେଉଁ ସ୍କୁଲରେ କମ ପିଲା ଅଛନ୍ତି ସେଠାରେ ସରକାର ଙ୍କ ଅଧିକ ଅର୍ଥ ବ୍ୟୟ ବରାଦ ହେଉଛି | ତେଣୁ ଅଭିଭାବକକମିଟି ସହ ଏହାଉପରେ ଶିକ୍ଷା ବିଭାଗରଜିଲ୍ଲା ଶିକ୍ଷାଧିକାରୀ ମାନେ ବସି ପିଲାମାନଙ୍କୁ ସେହି ସ୍କୁଲ ଠାରୁ ନିକଟ ତମ ସ୍କୁଲ ରେ ମିଶ୍ରଣ ପ୍ରକ୍ରିୟା କରାଯିବ ବୋଲି ରାଜ୍ୟ ସରକାର ମତ ଦେଇଛନ୍ତି |