Odisha Janamata : ହାତୀ ଭୟରେ ରଙ୍ଗମାଟିଆ ଜଙ୍ଗଲ ପାଖ 10 ଗାଁର ଅଧିବାସୀ |

ହାତୀ ଭୟରେ ରଙ୍ଗମାଟିଆ ଜଙ୍ଗଲ ପାଖ 10 ଗାଁର ଅଧିବାସୀ |

22-Oct-2025

୩୦ ଟିକିଆ ହାତୀ ଚିନ୍ତାରେ ରଙ୍ଗ ମାଟିଆ ଜଙ୍ଗଲ ପାଖ ୧୦ ଗାଁର ଅଧୂବାସୀ |

ଓଡିଶା ଜନ ମତ ବ୍ୟୁରୋ,

ବାଲେଶ୍ଵର ଜିଲ୍ଲା ଜଳେଶ୍ବର ବ୍ଲକ ରାଇବଣିଆ ବନାଂଚଳରେ ହାତୀ ଉପଦ୍ରବ ଯୋଗୁଁ ଲୋକେ ତ୍ରାହି ତ୍ରାହି ଡାକିଲେଣି । ଏବେ ୩୦ ଟିକିଆ ଶିମିଳିପାଳ ହାତୀପଲ ରଙ୍ଗାମାଟିଆ ଜଙ୍ଗଲ ରେ ରହିଛି । ୩୦ ଟିକିଆ ହାତୀ ପଲରେ ୭ ଟି ଦନ୍ତା ହାତୀ, ୧୩ ଟି ମାଈ ହାତୀ ଓ ୧୦ ଟି ଛୁଆ ହାତୀ – ରହିଥ‌ିବା ବରଡିହା ଫରେଷ୍ଟର ପ୍ରହ୍ଲା ଚରଣ – ନାୟକ ସୂଚନା ଦେଇଛନ୍ତି | ବନ୍ୟ ବିଭାଗରେ ନର୍ସରୀ ଓ୍ୱାଚର ଭାବେ କାମ କରୁ ଥିବା ରଙ୍ଗାମାଟିଆ ଗ୍ରାମର ମୋହନ ମାରାଣ୍ଡି ଙ୍କ ଆଜବେଷ୍ଟସ ଛପର ଘରକୁ ଗତ ରାତିରେ ହାତୀପଲ ଭାଙ୍ଗି ଦେଇଛନ୍ତି । ଘର ଭାଙ୍ଗିବା ଯୋଗୁଁ ମୋହନ ଙ୍କ ପରି ବାର ଓ ଘରର ସମସ୍ତ ଆସବାବପତ୍ର କ୍ଷତିଗ୍ରସ୍ତ ହୋଇଛି ।ଘର ଭିତରେ ଥିବା ସମସ୍ତ ଧାନ ଚାଉଳ ହାତୀପଲ ଖାଇଛନ୍ତି |ଫଳରେ ମୋହନ ପରିବାର ବାସହରା ହୋଇଛନ୍ତି । ଅନ୍ୟ ପକ୍ଷରେ ଗତ ସପ୍ତାହରୁ ଉର୍ଦ୍ଧ୍ବ ସମୟ ଧରି ରାଇବଣିଆ
ଜଙ୍ଗଲ ଲାଗିଥିବା ରଙ୍ଗାମାଟିଆ, ବାଗବୁଡା, ଭଡରାପଦା, ଧାନଘେରା, ମଥୁରୀଘେରା, ଜୁଆଳିଭଙ୍ଗା,ଧରମପୁର, ଚାକୁଆପାଳ, ଆମ୍ବନାଳି ଓ ଦୁଧୂଆଖାଳି ଆଦି ୧୦ ଟି ଗାଁ ର ଲୋକେ ଗତ ୩ ଦିନ ହେଲା ହାତୀ ଭୟରେ ପଦାକୁ ବାହାରିବାକୁ ଭୟ କରୁଛନ୍ତି |କାଇଲ ସୋରେନ, ମୋହନ ମାରାଣ୍ଡି, ଶାଙ୍ଖାଇ ସୋରେନ, ବାରସା ସୋରେନ ଓ ସାମାରାୟ ସୋରେନ ପ୍ରମୁଖ ଙ୍କ ନେତୃତ୍ୱରେ ରେ ସ୍ଥାନୀୟ ଅଂଚଳର ୫୦ ରୁ ଉର୍ଦ୍ଧ ଚାଷୀ ସେମାନଙ୍କ ଚାଷଜମି କୁ ପାଳି କରି ଦିନରାତି ଜଗୁଛନ୍ତି । ଜଙ୍ଗଲଘେରା ରଙ୍ଗାମାଟିଆ ଗାଁ ସମେତ ଆଖପାଖ ଗାଁରେ ହାତୀ ଯୋଗୁଁ ଗତ ତ ୩ ଦିନ ହେଲା ବିଦ୍ୟୁତ୍ ସରାବରାହ ବନ୍ଦ କରାଯାଇଛି ।ଫଳରେ ଲୋକଙ୍କ ସମସ୍ୟା କହିଲେ ନସରେ ।ସନ୍ଧ୍ୟା ପରେ ପଲପଲ ହାତୀ ଗାଁ ଆଡ଼କୁ ମାଡ଼ି ଆସୁଥିବା ବେଳେ ଲୋକେ ଅନ୍ଧାର ରେ ହାତୀପଲ ର ଗତିବିଧ‌ି ସମ୍ପର୍କରେ ଜାଣି ପାରୁନାହାନ୍ତି |