Odisha Janamata : ମାଛ ଧରୁଥିବା ଅସମାଜିକ ବ୍ୟକ୍ତିଙ୍କ ପାଇଁ ପାଞ୍ଚ ହଜାର ହେକ୍ଟର ଚାଷୀ ଜଳସେଚନ ରୁ ବଞ୍ଚିତ ||

ମାଛ ଧରୁଥିବା ଅସମାଜିକ ବ୍ୟକ୍ତିଙ୍କ ପାଇଁ ପାଞ୍ଚ ହଜାର ହେକ୍ଟର ଚାଷୀ ଜଳସେଚନ ରୁ ବଞ୍ଚିତ ||

06-Sep-2025

ଖରଖରୀ ସେତୁ କୁ ଅଟକାଇ ମାଛ ଧରୁଛନ୍ତି ଅସମାଜିକ ବ୍ୟକ୍ତି,
(ପାଞ୍ଚ ହଜାର ହେକ୍ଟର ଜମିକୁ ମାଡୁନୀ ପାଣି, ଚିନ୍ତାରେ ଚାଷୀ,)

ଓଡିଶା ଜନ ମତ ବ୍ୟୁରୋ

ରାଜ୍ୟ ସରକାର ଜଳ ସେଚନ ବିଭାଗ ଦ୍ୱାରା ଚାଷୀଙ୍କ ଜମିକୁ ପାଣି ମାଡି ବିଭିନ୍ନ ଫସଲ ପାଇଁ ଖରଖରୀ ନଈକୁ ଆନିକେଟ କରି ଅନ୍ୟ ଏକ କେନାଲ ଦ୍ୱାରା ପାଣି ମାଡିବାର ସୁବନ୍ଦୋବସ୍ତ କରିଥଲେ ମଧ୍ୟ କିଛି ଅସାଧୁ ବ୍ୟକ୍ତି ଆନିକେଟ ଗେଟ ପଟା କୁ ଖୋଲି ମାଛ ମାରି ଅଜସ୍ର ଅର୍ଥ ରୋଜଗାର କରୁଛନ୍ତି || ଯାହାଦ୍ୱାରା ବିକଳ୍ପ କେନାଲରେ ପାଣି ଯାଉନାହିଁ ଏବଂ ସରକାର ଙ୍କ ଦ୍ୱାରା ଏହି ସଫଳ କାର୍ଯ୍ୟକ୍ରମ ଚାଷୀଙ୍କ ବିଲରେ ପାଣି ମାଡି ପାରୁନାହିଁ | ଯାହାଦ୍ୱାରା ଚାଷୀ ମୁଣ୍ଡରେ ହାତ ଦେଇ ବସିଛି | ବିଳାସ ପୁରଗାଁ ନିକଟରେ ଥିବା ଏହି ଖରଖରୀ ଆନିକେଟ ସେତୁ ଡ଼ି ଡ଼ି ଡାୱାଲ ଏମ ଆଇ ବ୍ରହ୍ମପୁର ଡିଭିଜନ (2) ଅଧୀନରେ ଅଛି | ପୁରୁଷୋତ୍ତମପୁର ବ୍ଳକ କେ ଏନ ପୁର ଗ୍ରାମ ସ୍ୱାମୀ ଗୋପୀନାଥ ପାଣିପାଞ୍ଚାୟତଦ୍ୱାରା ସଭାପତି
ଏନ ରାମ ଚନ୍ଦ୍ର ରେଡି,ସେକ୍ରେଟେରୀ ସୁବାସ ମହାରଣା ଉପସଭାପତି ରଞ୍ଜିତା ବେହେରା ଓ କୋଷାଧକ୍ଷ ଝଡିଆ ବେହେରାଙ୍କ ସହିତ ଶତାଧିକ ଚାଷୀ ବାରମ୍ବାର ଅଭିଯୋଗ କରି ବିଭାଗୀୟ ଅଧିକାରୀ ଙ୍କୁ ଗୁହାରି କଲେ ମଧ୍ୟ କିଛି ସୁଫଳ ମିଳୁନି | ଏହି ଉପ କେନାଲ ଦ୍ୱାରା କେ ଏନ ପୁର ବାଲିଆ, ଖଜିପାଲୀ ସହ ବହୁ ପଞ୍ଚାୟତ ବାସୀ ଉପକୃତ ହୋଇ ପାରୁଛନ୍ତି | ଏହି ପାଣିକୁ ସୁଫଳ ବିନିଯୋଗ କଲେ
ପ୍ରତେକ ଗ୍ରାମର ବହୁ ଚାଷୀମାନେ ଉପକୃତ ହୋଇ ପାରିବେ | ଏହା ଉପରେ ବିଭାଗୀୟ ଯନ୍ତ୍ରୀ ସନୋଜ କୁମାର ଙ୍କ ସହ କଥା ହେବାରୁ ସେ ସେହି ସ୍ଥାନକୁ ଯାଇ ଏହା ଉପରେ ସମାଧାନ ର ବ୍ୟବସ୍ତା କରିବେ ବୋଲି କହିଥିଲେ | ତେବେ କେବେ ଏହାର ସମାଧାନ ଯନ୍ତ୍ରୀ କରିବେ ଓ ଲୋକମାନଙ୍କ ବିଲକୁପାଣି ମାଡ଼ିବ ତାହାହିଁ ଦେଖିବା କଥା, ତେବେ ଯଦି ବିଭାଗର ଅଧିକାରୀ ଏହା କୁ ତୁରନ୍ତ ଗୁରୁତ୍ୱ ନଦିଅନ୍ତି ତେବେ 15 ଦିନ ମଧ୍ୟରେ ଆନ୍ଦୋଳନ ହେବ ବୋଲି କହିଛନ୍ତି ସଭାପତି ଓ ଅନ୍ୟ କର୍ମକର୍ତ୍ତା ମାନେ |