Odisha Janamata : ଭାଟକୁମାରଡା ମେଡିକାଲ ଛକ ରେ ଯୁବକଙ୍କ ଉପରକୁ ମରିଚ ଗୁଣ୍ଡ ପକେଇ ଖଣ୍ଡାରେ ମରଣାନ୍ତକ ଆକ୍ରମଣ |

ଭାଟକୁମାରଡା ମେଡିକାଲ ଛକ ରେ ଯୁବକଙ୍କ ଉପରକୁ ମରିଚ ଗୁଣ୍ଡ ପକେଇ ଖଣ୍ଡାରେ ମରଣାନ୍ତକ ଆକ୍ରମଣ |

23-Jul-2025

ଯୁବକ ଙ୍କ ଉପରକୁ ମରିଚ ଗୁଣ୍ଡ ଫିଙ୍ଗି ଖଣ୍ଡାରେ ମରଣାନ୍ତକ ଆକ୍ରମଣ
,
ଓଡିଶା ଜନ ମତ ବ୍ୟୁରୋ,

ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ଥାନା ଅନ୍ତର୍ଗତ ଭାଟକୁମରଡା ମେଡ଼ିକାଲ ଛକ ନିକଟରେ ଗତକାଲି ଜଣେ ଯୁବକ ଠିଆ ହୋଇ କଥା ହେଉଥିଲା ବେଳେ ତାଙ୍କଆଖି ଉପରକୁ ମରିଚ ଗୁଣ୍ଡ ଫିଙ୍ଗି ସେ ଆଖିକୁ ପୋଡ଼ୁଥିବା ଅବସ୍ଥାରେ ଭିଡି ଧରିଥିବା ବେଳେ ତାଙ୍କୁ ଖଣ୍ଡାରେ ମରଣାନ୍ତକ ଆକ୍ରମଣ ହୋଇଛି l ଗୁରୁତର ଯୁବକ ଜଣଙ୍କନାମ ଆରିଅନ ବେହେରା ବୋଲି ଜଣା ପଡ଼ିଛି । ଆରିଅନ କୌଣସି କାମରେ ମେଡିକାଲ ଛକ ନିକଟରେ ଠିଆ ହୋଇଥିବା ସମୟରେ ଜଣେ ଯୁବକ ଲଙ୍କା ଗୁଣ୍ଡ ତାଙ୍କ ଉପରକୁ ଫୋପାଡ଼ି ଖଣ୍ଡାରେ ଆକ୍ରମଣ କରି ଫେରାର ହୋଇଯାଇଥିଲା l ଗୁରୁତର ଅବସ୍ଥାରେ ତାଙ୍କୁପ୍ରଥମେ ଭାଟକୁମରଡ଼ା ମେଡିକାଲ ଓ ପରେ ଅବସ୍ଥା ଗୁରୁତର ହେବାରୁ ସେଠାରୁ ତାଙ୍କୁ 108 ଆମ୍ବୁଲାନ୍ସ ଯୋଗେ ବ୍ରହ୍ମପୁର ବଡ଼ ମେଡିକାଲରେ ଭର୍ତ୍ତି କରାଯାଇଛି । ଖବର ପାଇ ପୁରୁଷୋତ୍ତମପୁର ପୋଲିସ ଘଟଣାସ୍ଥଳ ପହଁଚି ତଦନ୍ତ ଚଳାଇଥିବା ବେଳେ ଆକ୍ରମଣର ପ୍ରକୃତ କାରଣ ଅସ୍ପଷ୍ଟ ରହିଛି | ତେବେ ପାରିପାର୍ଷିକ ଅବସ୍ତାରୁ ଏହା ରାଜନୈତିକ ନଚେତ ବ୍ୟବସାୟିକଘଟଣା ହୋଇଥିବ ବୋଲି ଆଲୋଚନା କରାଯାଉଛି | ପୁରୁଷୋତ୍ତମପୁର ବ୍ଳକ ଓ ଏନଏସି ସବୁ ସ୍ଥାନ ଏବେ ଅପରାଧୀ ମାନଙ୍କ ଆଡ୍ଡା ସ୍ଥଳୀ ପାଲଟି ଯାଇଛି | ଘରୁ ବାହାରିବାକୁ ଜନ ସାଧାରଣ ନିଜକୁ ସୁରକ୍ଷିତ ମନେ କରୁନାହାନ୍ତି | ତେବେ ବ୍ଲକର ଶିକୁଳା କୁହ, ଭାଟକୁମାରଡା ଏବଂ ବଡ଼ ଖରିଡା, ଏପରି ବହୁତ ପଞ୍ଚାୟତସହିତ ପୁରୁଷୋତ୍ତମପୁର ଏନଏସି ଅଛି ଯେଉଁଠି କି ପରିବେଶ ସୁରକ୍ଷିତ ନାହିଁ | ଏହା ଉପରେ ପୋଲିସ ସଜାଗ ରହି ପେଟ୍ରୋଲିଙ୍ଗ କଡା, କଡ଼ି କରୁଥିଲେ ମଧ୍ୟ ଅପରାଧୀ ମାନେ ଟିକେ ବି ଭୟ କରୁନାହାନ୍ତି | ବରଂ ତାଙ୍କର ଅପରାଧିକ କାର୍ଯ୍ୟକ୍ରମ ଖୁଲମ ଖୁଲା କରୁଛନ୍ତି | ତେବେ ଯେକୌଣସି ପରିସ୍ଥିତି ରେ ପୋଲିସ ଅପରାଧୀ ଙ୍କୁ ଧରିବାରେ ସଫଳ ହେବେ ବୋଲି ଥାନା ଧିକାରୀ କହିଛନ୍ତି |