Odisha Janamata : ଥାନା ଏସ ଆଈଙ୍କ ବିବାହ ପ୍ରତିଶୃତି ଦେଇ କଲେ ପ୍ରତାରଣା |

ଥାନା ଏସ ଆଈଙ୍କ ବିବାହ ପ୍ରତିଶୃତି ଦେଇ କଲେ ପ୍ରତାରଣା |

23-Aug-2026

ବାରିପଦା ଟାଉନ ଥାନା ଏସଆଇଙ୍କ ସମେତ ପରିବାରର ୭ ଜଣଙ୍କ ନାମରେ ମାମଲା ରୁଜୁ। ବିବାହର ପ୍ରତିଶୃତି ଦେଇ ପ୍ରାତାରଣା ଅଭିଯୋଗ ରେ |

ଓଡିଶା ଜନ ମତ ବ୍ୟୁରୋ,

ଦେଶର ଯିଏ ରକ୍ଷକ, ଯାହାକୁ ଲୋକେ ସମ୍ମାନ ଦିଅନ୍ତି ସେଇ ରକ୍ଷକ ଯଦି ଭକ୍ଷକ ହେବ ତେବେ ତାଙ୍କୁ ଆଇନ କେଉଁ ଦଣ୍ଡ ରେ ଦଣ୍ଡିତ କରିବ ତାହା ସମୟ କୁହିଁ ଅପେକ୍ଷା | ଆଉ ଜନ ସାଧାରଣ କାହା ଉପରେ ରଖିବେ ଭରସା ଓ ବିଶ୍ୱାସ ||ଖାକି ପୋଷାକରେ ପୁଣି ଲାଗିଛି କଳଙ୍କ। ବିବାହର ପ୍ରତିଶ୍ରୁତି ଦେଇ ଶାରୀରିକ ସମ୍ପର୍କ ରଖିବା ଓ ପରବର୍ତ୍ତୀ ସମୟରେ ପ୍ରତାରଣା କରିବା ଅଭିଯୋଗ। ବାରିପଦା ଟାଉନ ଥାନାରେ କାର୍ଯ୍ୟରତ ସବ୍-ଇନ୍ସପେକ୍ଟର ପ୍ରଭାତ ନାୟକଙ୍କ ସମେତ ତାଙ୍କ ପରିବାରର ୭ ଜଣଙ୍କ ବିରୋଧରେ ସଙ୍ଗିନ ମାମଲା ରୁଜୁ ହୋଇଛି। ପ୍ରାପ୍ତ ସୂଚନା ଅନୁଯାୟୀ, ଅଭିଯୁକ୍ତ ଏସଆଇଙ୍କ ଘର କେନ୍ଦୁଝର ଜିଲ୍ଲାରେ ହୋଇଥିବା ବେଳେ ପୀଡ଼ିତାଙ୍କ ଘର ପୁରୀ ଜିଲ୍ଲାରେ। ଉଭୟଙ୍କ ମଧ୍ୟରେ ବିଗତ ପ୍ରାୟ ଏକ ବର୍ଷ ଧରି ପ୍ରେମ ସମ୍ପର୍କ ଗଢ଼ି ଉଠିଥିଲା। ପୂର୍ବରୁ ମଧ୍ୟ ବିବାହକୁ ନେଇ ବିବାଦ ଉପୁଜିବାରୁ କେନ୍ଦୁଝରର ଏକ ଥାନାରେ ଉଭୟ ପକ୍ଷଙ୍କ ମଧ୍ୟରେ ଆପୋଷ ବୁଝାମଣା କରାଯାଇଥିଲା। ଏହା ପରେ ତିନି ମାସ ଧରି ଉଭୟ ବାରିପଦାରେ ଏକତ୍ର ରହୁଥିଲେ। ମାତ୍ର କିଛି ଦିନ ପରେ ଅଭିଯୁକ୍ତ ଅନ୍ୟ ଜଣେ ଯୁବତୀଙ୍କ ସହ ସମ୍ପର୍କରେ ଥିବା ପୀଡ଼ିତା ଜାଣିବାକୁ ପାଇବା ପରେ ଉଭୟଙ୍କ ମଧ୍ୟରେ ତିକ୍ତତା ଓ ମନୋମାଳିନ୍ୟ ଚରମ ସୀମାରେ ପହଞ୍ଚିଥିଲା ଏବଂ ପରେ ଏସଆଇ ଜଣକ ପୀଡ଼ିତାଙ୍କୁ ଧରାଛୁଆଁ ଦେଇନଥିଲେ। ନିରାଶ ହୋଇ ପୀଡ଼ିତା ଏ ସମ୍ପର୍କରେ ମୟୂରଭଞ୍ଜ ଜିଲ୍ଲା ଆରକ୍ଷୀ ଅଧୀକ୍ଷକ (ଏସପି)ଙ୍କ ଦ୍ୱାରସ୍ଥ ହୋଇ ଲିଖିତ ଅଭିଯୋଗ କରିଥିଲେ। ଏସପିଙ୍କ ନିର୍ଦ୍ଦେଶକ୍ରମେ ବାରିପଦା ଟାଉନ ଥାନାରେ କେସ୍ ନଂ ୫୪୨/୨୬ରେ ଏକ ମାମଲା ରୁଜୁ କରାଯାଇ ଅଭିଯୁକ୍ତ ପ୍ରଭାତଙ୍କ ସମେତ ତାଙ୍କ ପରିବାରର ୭ ଜଣଙ୍କ ବିରୋଧରେ ପୋଲିସ ତଦନ୍ତ ଜାରି ରଖିଛି।