Odisha Janamata : ମୃତ ଛାତ୍ର ଶୁଭମ ସ୍ୱାଇଁ ଙ୍କ ପରିବାର କୁ ନ୍ୟାୟ ମିଳିବ କେବେ |

ମୃତ ଛାତ୍ର ଶୁଭମ ସ୍ୱାଇଁ ଙ୍କ ପରିବାର କୁ ନ୍ୟାୟ ମିଳିବ କେବେ |

28-Jun-2025

ଶୁଭମ ସ୍ୱାଇଁ ଙ୍କ ମୃତ୍ୟୁ ର ପ୍ରକୃତ ନ୍ୟାୟ ମିଳିଵତ???
ସନ୍ଦେହ ଘେର ରେ ପରିବାର,
(ତଥାପି ଏସପି ଙ୍କ ଉପରେ ରହିଛି ଭରସା |

ଓଡିଶା ଜନ ମତ ବ୍ୟୁରୋ

କବିସୂର୍ଯ୍ୟନଗର ବ୍ଲକ ଅନ୍ତର୍ଗତ ଟଙ୍କାଛାଇ ଗ୍ରାମପଞ୍ଚାୟତ ସ୍ଥିତ ଝାଡ ବନ୍ଧ ଗ୍ରାମର ସୁଶାନ୍ତ ସ୍ୱାଇଁ ଙ୍କ ଏକ ମାତ୍ର ପୁତ୍ର ଶୁଭମ ସ୍ୱାଇଁ 17ବର୍ଷ,ଛତ୍ରପୁରୁ ସ୍ଥିତ ପ୍ରତିଭା ରେସିଡେନ୍ସୀ କଲେଜରେ ଯୁକ୍ତ 2ୟ ବର୍ଷ ର ଛାତ୍ର ଭାବେ ପଢୁଥିଲା ବେଳେ ଗତ 25 ତାରିଖ ରେ ସେ କଲେଜ ରୁ କେଉଁ ଆଡ଼େ ନିଖୋଜ ହୋଇ ଯାଇଥିବାର କଲେଜ ର ଅଧକ୍ଷ ଶୁଭମ ଙ୍କ ପିତା ସୁଶାନ୍ତ ସ୍ୱାଇଁ ଙ୍କୁ ଫୋନ ଯୋଗେ କହି ଥିଲେ |ଓ ଏହିବିଷୟ ରେ ଥାନାକୁ ମଧ୍ୟ ଅଧକ୍ଷ ଜଣାଇ ଥିଲେ | ଖବର ପାଇ ଘର ଲୋକ ସେହି ସ୍ଥାନ କୁ ଯାଇ ଚାରିଆଡେ ଖୋଜା ଖୋଜି କରି ଥିଲେ | ତେବେ ସବୁଆଡେ ଖୋଜା, ଖୋଜି ପରେ କିଛି ସନ୍ଧାନ ମିଳି ନଥିଲା ବେଳେ ସେହିଦିନ ଅର୍ଥାତ 26 ତାରିଖ ରେ ଦିବା ଦୁଇଘଣ୍ଟ ସମୟରେ ଥାନାରୁ ଏକ ଫୋନ ଆସିଲା ଯେ ଛତ୍ରପୁର ଟ୍ରେନ ପୋଇ ରେ ଜଣେ ଯୁବକ ର ମୃତ ଦେହ ପଡିଥିବାର | ତେବେ ଶୁଭମ ଙ୍କ କକା ମାନେ ସେହି ଖଣ୍ଡ ବିଖଣ୍ଡିତ ମାଂସ ଖଣ୍ଡ କୁ ଦେଖି ଶୁଭମ ବୋଲି ଚିହ୍ନି ପାରିନଥିଲେ | ତେବେ ତାପର ଦିନ ସେହି ସବକୁ ପୋଷ୍ଟ ମଟମ ଘରେ ରଖି ପୁଣି ଶୁଭମ ର ବାପା ସୁଶାନ୍ତସ୍ୱାଇଁ ଙ୍କୁ ଡକାଯାଇ ଥିଲା | ସୁଶାନ୍ତ ସ୍ୱାଇଁ ପହଞ୍ଚି ପୁଅର କିଛି ଫୋଟୋ ଓ କଳା ଯାଇ କୁ ଦେଖି ସେତାଙ୍କର ଶୁଭମ ବୋଲି ମତ ଦେଇଥିଲେ | ଏପଟେ ଶୁଭମଙ୍କ ଡିଏନଏ ରିପୋର୍ଟ ମଧ୍ୟ ତାଙ୍କର ବୋଲି ଜାଣିବା ପରେ ଶବ ବ୍ୟବଛେଦ ପରେ ଘର ଲୋକଙ୍କୁ ଗତ କାଲି ଶବ ହସ୍ତାନ୍ତର କରାଯଇଥିଲା | ଓପରିବାର ଲୋକ ଛତ୍ରପୁର ଥାନାରେ ତାଙ୍କ ପୁଅକୁ କିଏ ମାରି ଟ୍ରେନ ଲାଇନ ରେ ପକାଇ ଦେଇ ଥିବାର ଅଭିଯୋଗ କରି ତାଙ୍କୁ ନ୍ୟାୟ ଦିଆଯାଉ ବୋଲି ଥାନାରେ ଏଫଆର ଦେଇଥିଲେ ଓ ଏସପିଙ୍କୁ ମଧ୍ୟ ଏହିବିଷୟ ରେ ଜଣାଇ ଥିଲେ | ଏସପି ଶୁଭେନ୍ଦୁ କୁମାର ପାତ୍ର ମଧ୍ୟ ତଦନ୍ତ ପ୍ରକ୍ରିୟା ଜାରି ରଖି ତାଙ୍କ ପରିବାର କୁ ଉପଯୁକ୍ତ ନ୍ୟାୟ ଦିଆଯିବ ବୋଲି ପ୍ରତିଶୃତି ଦେଇଥିଲେ | ତେବେ କବିସୂର୍ଯ୍ୟ ନିର୍ବାଚନ ମଣ୍ଡଳୀର ରାଜ୍ୟ ବିଜେଡି ସମ୍ପାଦକ ପ୍ରମୋଦ କୁମାର ପଣ୍ଡା ଓ କିଛି ସମର୍ଥକ ତାଙ୍କ ଝାଡ଼ ବନ୍ଧ ସୁଶାନ୍ତ ଙ୍କ ଘରେ ପହଞ୍ଚି ପରିବାରବର୍ଗ ଙ୍କୁ ସ୍ଵlନ୍ତନା ଦେବାସହ ମୃତ୍ୟୁ ର ପ୍ରକୁତ କାରଣ ଖୋଜି ବାହାର କରିବl ପାଇଁ ଗଞ୍ଜାମ SP ଙ୍କୁ ଭେଟି ନିବେଦନ କରିବାସହ ପ୍ରତିଭା ରେସିଡେଣ୍ଟ କଲେଜ ଉପରେ ଦୃଢ କାର୍ଯ୍ୟାନୁଷ୍ଠାନ ନେବା ପାଇଁ ଦାବୀ ଜଣାଇ ଥିଲେ | ତେବେ ପରିବାର ଲୋକଙ୍କ ବହୁତ ବିଶ୍ୱାସ ଅଛି ଏସପି ଶୁଭେନ୍ଦୁ କୁମାର ପାତ୍ର ଙ୍କ ଉପରେ | ତେଣୁ ଶୋକାକୁଳ ପରିବାର କୁ ପ୍ରକୃତ ନ୍ୟାୟ ଭଗବାନଓ ଏସପି କେବେ ଦେବେ ତାକୁ ହିଁ ସମସ୍ତଙ୍କ ଅପେକ୍ଷା | ଯାହା କଲେବି ଶୁଭମ ଆଉକେବେ ଫେରିବେ ନାହିଁ, କି ତାଙ୍କ ବାପା ମାଆଙ୍କ କୋଳ ଆଉକେବେ ପୂର୍ଣ୍ଣ ହେବ ନାହିଁ ,କିମ୍ବା ତାଙ୍କ ମୃତ୍ୟୁ ସମୟରେ ପୁଅନାହିଁ ତାଙ୍କୁ ମୁଖାଗ୍ନି ଦେଇ ଶୁଦ୍ଧି କ୍ରିୟା କରିବାକୁ | ସେମାନଙ୍କ ଆଖିର ଲୁହ ମଲା ପର୍ଯ୍ୟନ୍ତ ସୁଖିବନି | କିନ୍ତୁ ପୁଅର ପ୍ରକୃତ ଦୋଷୀ ଧରାପଡ଼ିଦଣ୍ଡ ପାଇଲେ କେତେକାଂଶ ରେ ତାଙ୍କ ମନରୁ କିଛି ପରିମାଣ ରେ ଦୁଃଖ ଦୂର ହୋଇ ପାରିବ ବୋଲି ଗାଁ ରେଲୋକଙ୍କ ମତ |