Odisha Janamata : ପୋଲସରା ର ବିଭିନ୍ନ ଅଞ୍ଚଳରେ ଦାରୁବ୍ରହ୍ମ ଙ୍କ ଘୋଷଯାତ୍ରା ସମାପନ |

ପୋଲସରା ର ବିଭିନ୍ନ ଅଞ୍ଚଳରେ ଦାରୁବ୍ରହ୍ମ ଙ୍କ ଘୋଷଯାତ୍ରା ସମାପନ |

28-Jun-2025

ପୋଲସରାର ବିଭିନ୍ନ ଅଞ୍ଚଳରେ ଦାରୁବ୍ରହ୍ମଙ୍କ ଘୋଷଯାତ୍ରା।
____________________________________
ଓଡ଼ିଶା ଜନମତ, ପୋଲସରା, ସନ୍ତୋଷ କୁମାର ପଣ୍ଡା
ତା.୨୮/୦୬/୨୦୨୫:

ପୋଲସରାରେ ଦାରୁବ୍ରହ୍ମଙ୍କ ଘୋଷଯାତ୍ରା ବହୁ ଭକ୍ତିଭାବ ସହକାରେ ଅନୁଷ୍ଠିତ ହୋଇଯାଇଛି। ସ୍ଥାନୀୟ ବ୍ରାହ୍ମଣସାହି ସ୍ଥିତ ଶ୍ରୀଦଧିବାମନ ସ୍ବାମୀ ବିଜେ ଜଗନ୍ନାଥଙ୍କ ଏହି ଯାତ୍ରା ପ୍ରବଳ ଉତ୍ସାହ ଉଦ୍ଦୀପନା ମଧ୍ୟରେ ଅନୁଷ୍ଠିତ ହୋଇଯାଇଛି। ମନ୍ଦିର ରନ୍ତବେଦି ଛାଡି ଗୁଣ୍ଡିଚା ମନ୍ଦିର ଜନ୍ମଦେବୀ ଅଭିମୁଖେ ନବଦିନ ଯାତ୍ରାରେ ବାହାରିଥିବା ଠାକୁରଙ୍କୁ ଦେଖିବାକୁ ବଡଦାଣ୍ଡରେ ପ୍ରବଳ ଜନସମାଗମ ଦେଖିବାକୁ ମିଳିଥିଲା। ଭକ୍ତ ଭଗବାନଙ୍କର ଅପୂର୍ବ ମିଳନର ଦୃଶ୍ୟ ଦେଖିବାକୁ ମିଳିଥିଲା। ଏହି ସମୟରେ ସହର ସମେତ ଆଖପାଖ ଗ୍ରାମ ଗୁଡିକରୁ ଆସିଥିବା ହଜାର ହଜାର ସଂଖ୍ୟାରେ ଜନସାଧାରଣ ରଥାରୁତ ଶ୍ରୀକଳା ଠାକୁରଙ୍କୁ ଦର୍ଶନ କରି ନିଜକୁ କୁତାର୍ଥ ମନେ କରିବା ସହିତ ଜୟ ଜଗନ୍ନାଥ ଧ୍ବନିରେ ଅଞ୍ଚଳକୁ ପ୍ରକମ୍ପିତ କରିପକାଇଥିଲେ। ଦିବସର ପ୍ରତ୍ୟୁଷରୁ ଠାକୁରଙ୍କ ସମସ୍ତ ପ୍ରକାର ନୀତିକାନ୍ତି ପର୍ଯ୍ୟାୟ କ୍ରମେ ଶେଷ ହେବାପରେ ଅପରାହ୍ନ ସମୟରେ ଠାକୁରଙ୍କୁ ପହଣ୍ଡି ବିଜେ କରାଯିବା ପରେ ରଥାରୂଢ଼ କରାଯାଇଥିଲା। ପରେ ପୂଜାର୍ଚ୍ଚନା, ଆଳତି ଏଵଂ ଛେରାପହଁରା ପରେ ଘଣ୍ଟ ଘଣ୍ଟା କାହାଳୀର ନିଦାନ ମଧ୍ୟରେ ଠାକୁରଙ୍କ ରଥଟଣା କାର୍ଯ୍ୟ ନିବିଘ୍ନରେ ସମ୍ପନ୍ନ ହୋଇଥିଲା। ରଥ ସ°ନ୍ଧ୍ୟା ସମୟରେ ଶ୍ରୀ ଗୁଣ୍ଡିଚା ମନ୍ଦିର ସମ୍ମୁଖରେ ପହଞ୍ଚି ଅଟକିବାପରେ ସ°ନ୍ଧ୍ୟା ଆଳତୀ ସମେତ ଚକାନୟନଙ୍କୁ ରଥ ଉପରେ ଚଢ଼ି ଦର୍ଶନ ଏଵଂ ଆଶିର୍ବାଦ ପାଇବାପାଇଁ ଭଙ୍କ୍ତମାନଙ୍କ ପ୍ରବଳ ଗହଳି ହୋଇଥିଲା। ରାତ୍ର ପ୍ରାୟ ୧୧ ଘଟିକା ସମୟ ପର୍ଯ୍ୟନ୍ତ ଠାକୁର ରଥ ଉପରେ ଥାଇ ଦର୍ଶନ ଦେଇଥିଲେ। ପରେ ଗୁଣ୍ଡିଚା ମନ୍ଦିରକୁ ଠାକୁରଙ୍କୁ ନିଆଯାଇ ଜନ୍ମବେଦିରେ ବସାଯାଇଥିଲା ଆଇନ ଶୃଙ୍ଖଳା ଦୃଷ୍ଟିରୁ ପୋଲସରା ଥାନା ପକ୍ଷରୁ କଡ଼ା ସୁରକ୍ଷା ବ୍ୟବସ୍ଥା କରାଯାଇଥିଲା। ସେହିପରି ଅଞ୍ଚଳର କଳମ୍ବ, ମଥୁରା, ଜେ.ଡେଙ୍ଗାପଦର, ହାତୀଓଟ, ବାଲିଛାଇ, ଖଣ୍ଡୁରୁ, ରୁମାଗଡ଼, ସୋଡକ, ଢୁଙ୍କାପଡା, ଗୋଚ୍ଛାବାଡି, ଚିରିକିପଡ଼ା ଶାସନ, ଜିଲୁଣ୍ଡା, ବେଲଗାଁ ଏଵଂ ନିକଟସ୍ଥ ଗୁଡ଼ିଆପଲ୍ଲୀ ଗ୍ରାମ ଗୁଡିରେ ମଧ୍ୟ ମହାପ୍ରଭୁଙ୍କ ଏହି ରଥଯାତ୍ରା ଅନୁଷ୍ଠିତ ହୋଇଯାଇଛି।